Yoshwa 13:6 - IBAYIBOLO 2024

⁶ ni chisu icha mumaghamba icha ba Sidoni, ukwandila ku Lebanoni mupaka ku Misilefoti Mayimu, kokuti ichigaba chosi icha ba Sidoni. Ane ne mwenecho nkwiza pakubachimbizyamo, bo aba Izilayeli bakufika. Ubagabile aba Izilayeli ivyisu vinivi ukuti chibanje mpyana yabo ukuyana namumo nakulamulila.

Yoshwa 13:6 Iomraidhean Croise

Masalimo 80:8

Ukalunyunkulamo ulutabo lwamampesya mu Ijiputi, ukabefyamo abantu aba inko izinji nukulubyala mulamula.

Ukubelengiwa 33:54

Muchigabe ichisu ukuyana ninko zyinyu pakupanga amayele. Uluko ulukulu mulupe ubuzilo ubukulu, sona uluko ulunandi mulupe ubuzilo ubunandi. Ichisu chosi chicho amayele ghawila chibanje chabo. Muchigabe ichisu chinichi ukuyana nuluko lwabanyenya binyu.

Yoshwa 1:6

“Ubanje nu lweke, sona ujimbaye, pakuti wewe ukwiza pakubalongolela abantu banaba pakuchifyula ichisu chicho nkabalayizya abanyenya babo.

Yoshwa 11:12

U Yoshwa akatufyula utwaya tosi tunutu, sona akabaghogha abamwene bosi ukuyana namumo u Mozesi umubombi uwa Mwene akamulamulila.

Yoshwa 11:8

pachifukwa ichakuti u Mwene akababika munyobe izya ba Izilayeli. Bakabapota nubachimbizizya ku Sidoni Umukulu naku Misilefoti Mayimu sona kwikombe ilya Mizipa kubufumilo bwizuba, umwakuti patakabapo nayumoyumo umuntu uwakupona.

Yoshwa 13:7

Po ubagabile abantu aba inko 9, sona nu hafu uwa chigaba icha luko ulwa Manase ukuti chibanje mpyana yabo.”

Yoshwa 23:13

po mumanye ukuti u Mwene u Chala winyu atakwiza pakuzichimbizya inko zinizi pamaso papinyu. Loli abantu banaba bakwiza pakuba vipingo kukwinyu. Bakwiza pakuba ngati bubavu ubwa ndisa panyuma zyinyu, pamo amivwa mumaso ghinyu. Ichi chikwiza pakubako mupaka papo mwebosi mukwiza pakumala muchisu ichiza chicho u Mwene u Chala winyu abapiye.

Yoshwa 23:4

Mukumbukaye namumo nazigabila inko zyinyu pakuba mpyana yabo, ichisu icha inko izinji chicho chasyalako, poka ni vyisu vyosi vivyo infyulite kale ukwandila ko kulusoko ulwa Yolodani mupaka ku Nyanja iya Medeteleniya yiyo yili kubwinjililo bwizuba.

Yoshwa 23:5

U Mwene u Chala winyu akwiza pakubachimbizyamo bo mukubuka. Amwe mukwiza pakuchifyula ichisu chabo ukuyana namumo u Mwene u Chala winyu akabalayizizya.