Yoshwa 12:1 - IBAYIBOLO 2024

¹ Aba bo bamwene babo aba Izilayeli bakabaghogha nukuvifyula ivyisu vyabo ivya kubufumilo bwizuba ubwa lusoko ulwa Yolodani ukwandila ko kwikombe ilya Alinoni mupaka kwighamba ilya Helimoni, mupaka kulubazu losi lwakubufumilo bwizuba ubwa Alaba:

Yoshwa 12:1 Iomraidhean Croise

1 Abamwene 4:19

U Gebeli umwana uwa Uli akenelezyanga ichisu icha Giliyadi, chicho chikalaghiliwanga nu mwene u Sihoni waku Amoli, sona nu mwene u Ogi waku Bashani. U Gebeli akaba mulongozi mwene yuyo akenelezyanga muchisu chilachila.

Masalimo 133:3

Chili ngati nganda iya mu Helimoni, yikuwila pighamba ilya Ziyoni. Pakuti kulakula u Mwene akabikako ulusayo lwache, mupaka ubumi ubwa bwila na bwila.

Masalimo 136:21

Akabapa ichisu chabo pakuba mpyana. Ulughano lwache lwa bwila na bwila.

Masalimo 89:12

Ukapela ichisu icha kumitu nicha kuntende, amaghamba agha Taboli nilya Helimoni ghakusekela nukulipala itabwa lyako.

Yesaya 16:2

Ngati mumo utuyuni tukubulukila ukwepa pachivulumbo, momumo babeleye abakolo aba mu Mowabu, piloboko ilya lusoko ulwa Alinoni.

Ukubelengiwa 21:13

Pisinda pache bakaloboka ulusoko ulwa Alinoni, nukuzenga ivisakasa vyabo mulubazu ulwa ulusoko ulwa Alinoni, muchisu icha ba Mowabu munkolongo mumpaka iya chisu icha ba Amoli. Ulusoko ulwa Alinoni lukaba mpaka pakasi pachisu icha ba Mowabu, nicha ba Amoli.

Ukubelengiwa 21:21

Po aba Izilayeli bakatuma intumi kwa mwene u Sihoni, uwa ba Amoli na mazyu aghakuti,

Ukubelengiwa 21:24

Po aba Izilayeli bakamughogha nukuchifyula ichisu chache, ukwandila ko kulusoko ulwa Alinoni mupaka kulusoko ulwa Yaboki, sona mupaka kumpaka iya chisu, pachifukwa ichakuti impaka iya chisu icha ba Amoni yikaba ni linga.

Ukubelengiwa 32:19

Aswe tutakwiza pakupokelapo nabo impyana kwisila ilya lusoko ulwa Yolodani, pachifukwa chakuti twapokela impyana yitu kubufumilo ubwa lusoko ulwa Yolodani.”

Ukubelengiwa 32:32

Tukwiza pakuloboka nukwinjila mu Kenani pamaso pa Mwene, bo tunyamuye ivilwilo ivya bwite. Loli impyana yiyo twapokela yikwiza pakuba kunuku kwisila ilya lusoko ulwa Yolodani.”

Ukubelengiwa 32:33

Po u Mozesi akabapa aba Gadi, naba Lubeni, sona ni chigaba chimo icha luko ulwa manase umwana uwa Yosefu, ichisu icha Sihoni u mwene uwa ba Amoli sona ni chisu icha Ogi u mwene uwa mu Bashani, poka nutwaya tosi utukulu, ukonjelezyapo ni vyisu vyosi vivyo vibazyunguliye.

Ukukumbusya Amalamulo 2:24

U Mwene akatubuzya sona akati, “Losi ulu nyamuka nukuloboka ulusoko ulwa Alinoni. Ane namubika munyobe zyinyu u Sihoni umu Amoli, u mwene uwa Heshiboni poka ni chisu chache. Lwanga nawe ubwite nukuchifyula ichisu chache.

Ukukumbusya Amalamulo 2:32

U Sihoni akababungannya abantu bache pakulwa naswe ubwite mukaya akakulu aka Yahazi.

Ukukumbusya Amalamulo 3:1

Pisinda pache bakanyokela, nukwendela kuzila iya ku Bashani. U Ogi u mwene uwamu Bashani, poka na basilikali bache akabuka pakulwa nabo ubwite muchisu icha Edileyi.

Ukukumbusya Amalamulo 4:44

Izi zyo ndaghilo zizyo u Mozesi akabapa aba Izilayeli.

Ukukumbusya Amalamulo 4:46

Pakabalilo kanaka aba Izilayeli bakaba mwikombe kupipi nakaya aka Beti Pewoli, kubufumilo bwizuba ubwa Yolodani, muchisu icha Sihoni u mwene uwa umu Amoli, yuyo akalaghilagha akaya akakulu aka Heshiboni. U Mozesi poka naba Izilayeli bakamupota u Sihoni, bo bakwepamo mu Ijiputi.

Ukukumbusya Amalamulo 4:48

Bakachifyula ichisu chinichi ukwandila ku Aloyeli mulubazu lwalusoko ulwa Alinoni mupaka kwighamba ilya Siliyoni kokuti ighamba ilya Helimoni,

Yoshwa 1:15

mupaka bachifyule ichisu chicho u Mwene u Chala winyu akubapa. Po pisinda pache munganyokela pakwikala muchisu chinyu, chicho u Mozesi umubombi uwa Mwene akabapa kubufumilo bwizuba ubwa lusoko ulwa Yolodani.”

Yoshwa 11:17

ukwandila kwighamba ilya Halaki, kulubazu ulwa ighamba ilya Seyili mupaka ku Baala Gadi mwikombe ilya Lebanoni, muntende mwighamba ilya Helimoni. Akabapota abamwene bosi banaba nukubaghogha bosi.

Yoshwa 11:3

mupaka kuba Kenani abakubufumilo na kubwinjililo bwizuba na kuba Amoli naba Hiti naba Pelezi sona naba Yebusi muchisu icha mumaghamba na kuba Hivi muntende mwighamba ilya Helimoni muchigaba icha Mizipa.

Yoshwa 13:8

U Mozesi umubombi uwa Mwene akalugabila uluko ulwa Lubeni nu Gadi, sona ni chigaba chimo icha luko ulwa Manase ichisu icha kubufumilo bwizuba ubwa lusoko ulwa Yolodani.

Yoshwa 22:4

Losi ulu bwelagha, pachifukwa ichakuti u Mwene u Chala winyu abapa abakamu binyu umutende, ukuyana namumo akabalayizizya. Bwelagha kuchisu chinyu, chicho u Mozesi umubombi uwa Mwene akabapa kwisila ilya lusoko ulwa Yolodani.

Abalongi 11:18

“Po bakenda ubulendo bwabo pakudumusannya munkolongo nukuchizyungulila ichisu icha Edomu ni icha Mowabu, mupaka bakafika kubufumilo ubwa lusoko ulwa Alinoni nukuzenga ivisakasa vyabo kulakula. Loli batakalobokela mu Mowabu pachifukwa ichakuti ulusoko ulwa Alinoni yikaba yo mpaka.