Yoshwa 10:5 - IBAYIBOLO 2024

⁵ Po abamwene fayivi aba ba Amoli bala, kokuti u mwene wamu Yelusalemu nuwa mu Hebuloni nuwa mu Yalimuti nu mwene uwamu Lakishi sona nu mwene uwamu Egiloni bakapanga akabukatila koka aka basilikali. Abamwene bala bakababungannya poka abasilikali babo, po bakakazyungulila akaya aka Gibeyoni nukulwa nako ubwite.

Yoshwa 10:5 Iomraidhean Croise

Ubwandilo 15:16

Bo zyachilapo inkulilo folo, abaluko lwako bakwiza pakunyokela sona kuno, pachifukwa ichakuti ntakwiza pakubachimbizyamo nalumolumo aba Amoli mupaka ububibi bwabo bwabala nkani umwakuti bafundiwanje.”

Yelemiya 34:7

pakabalilo kalakala abasilikali abamwene aba ku Babiloni bakalwanga naba mu Yelusalemu sona nutwaya utukulu nkani utunji utwakusyalikila utwa mu Yuda, akaya aka Lakishi naka Azeka. Pakuti tunutu tukaba twaya twene utukulu nkani utwakusyalikila utwa malinga utwa mu Yuda.

Ukubelengiwa 13:29

Aba Amaleki bakwikala muchisu icha kuntende, sona aba Hiti naba Yebusi naba Amoli bakwikala muchisu icha mumaghamba. Aba Kenani bakwikala kupipi ni nyanja, sona na mulubazu ulwa lusoko ulwa Yolodani.”

Yoshwa 10:16

Loli abamwene fayivi aba ba Amoli bala bakachimbila nukuvwama kumpako pa Makeda.

Yoshwa 10:6

Aba Gibeyoni bakamutumila amazyu u Yoshwa bo ali pa Giligali ukuti, “Utakatuleke twebene twe babombi bako. Losi ulu zagha utupoke! Pakuti abamwene aba ba Amoli babo bakwikala muchisu icha mumaghamba bapanga akabukatila koka aka basilikali pakulwa naswe ubwite.”

1 Samuweli 7:14

Utwaya tosi utukulu nkani utwa ba Izilayeli ukwandila ku Ekiloni mupaka ku Gati, tuto aba Filisiti bakatufyula, bakabanyosezya abenecho aba Izilayeli. Pisinda pache pakasi paba Izilayeli naba Kenani pakabapo umutende.