Yoshwa 10:4 - IBAYIBOLO 2024

⁴ “Zagha munyavwe pakulwa ubwite nakaya aka Gibeyoni pachifukwa ichakuti abantu bache bafinganite ulufingo ulwa mutende nu Yoshwa poka naba Izilayeli.”

Yoshwa 10:4 Iomraidhean Croise

Matayi 16:24

Po u Yesu akababuzya abamanyili bache akati, “Nanti umuntu yumo akulonda pakunkonka, ikane mwene, sona iyannye pakuyimba mupaka nukufwa bulo, po ankonkaye.

Yohani 15:19

Nanti mukabanga mwe bantu aba muchisu ichapasi, po ngali bantu aba muchisu ichapasi babaghanite amwe pakuti muli poka nabo. Loli nkabasala amwe pakasi pabantu aba muchisu ichapasi, po mute sona bantu aba muchisu ichapasi. Ichi cho chifukwa bantu aba muchisu ichapasi bakubabenga.

Imbombo 21:28

Bakakolomoka nkani bakati, “Mwe ba Izilayeli! Zagha mutwavwe! Uyu we muntu yuyo akubamanyisya abantu bosi kosi na kosi pakulusamula uluko lwitu, Indaghilo izya Mozesi ni Nyumba iya Chala iyi. Ukonjelezya pazinizi abinjizya sona abantu babo bate ba Yuda mu Nyumba iya Chala nukunyazya Ubuzilo Ubuzelu ubu!”

2 Timoti 3:12

Umuntu wesi yuyo akulonda pakuba nubumi ubwakumwiputa u Chala pakumamatilana poka nu Kilisitu u Yesu, naloli akwiza pakuvwimiwa.

Yakobo 4:4

Mwe bantu mwe mute mwe basubiliwa mwee! Nkimba mutazimenye ukuti pakuba bamanyani aba chisu ichapasi, mukwipela mwebene pakuba balwani aba Chala? Abantu babo bakulonda pakuba bamanyani aba muchisu ichapasi bakwipela bene pakuba balwani aba Chala.

Yoshwa 10:1

Pakabalilo kanaka u Adonizedeki, u mwene wamu Yelusalemu akivwa ukuti u Yoshwa akakafyula akaya aka Ayi nukukanangannya ukuyana namumo akakananganikizya akaya aka Yeliko, poka nu mwene wache. Akivwa sona ukuti aba Gibeyoni bakafingana ulufingo ulwa mutende naba Izilayeli, sona nukuti bakikalagha pakasi papabo.

Yoshwa 10:5

Po abamwene fayivi aba ba Amoli bala, kokuti u mwene wamu Yelusalemu nuwa mu Hebuloni nuwa mu Yalimuti nu mwene uwamu Lakishi sona nu mwene uwamu Egiloni bakapanga akabukatila koka aka basilikali. Abamwene bala bakababungannya poka abasilikali babo, po bakakazyungulila akaya aka Gibeyoni nukulwa nako ubwite.

Yoshwa 9:15

Po u Yoshwa akafingana nabo ulufingo lwamutende ukuti batakwiza pakubaghogha, sona bope abalongozi aba chilundilo bakalusimikizya ulufingo lula ni chilapo.

1 Pitala 4:4

Polelo abantu abakuzi bakuswigha bulo, bo bakwennya ukuti mutakuba poka nabo mumbombo imbibi zizyo bakubomba. Ichi cho chifukwa bakubasamula.

Ubuvumbuli 16:14

Iyi mizimu imibibi yiyo yikupela iviswigho. Imizimu mitatu iyi yikubuka pakubabungannya abamwene bosi aba muchisu ichapasi ukuti balwe ubwite pisiku ikulu nkani ilya Chala Uwamaka Ghosi.