Yoshwa 10:2 - IBAYIBOLO 2024

² U Adonizedeki poka na bantu bache bakaba nubogha nkani, pachifukwa ichakuti akaya aka Gibeyoni kakaba akaya kabo akakulu nkani, ukuyana namumo tubeleye utwaya utwa bumwene. Akaya kanaka kakaba kaya akakulu nkani ukukachila akaya aka Ayi, sona bope na basilikali bache bakaba bajivu nkani pakulwa ubwite.

Yoshwa 10:2 Iomraidhean Croise

2 Samuweli 12:26

Pakabalilo kalakala u Yowabu akalwa ubwite nakaya akakulu nkani aka ba Amoni naka Laba nukukafyula.

Ivyili 10:24

Chicho umuntu umubibi akuchinyilagha cho chicho chikumuwila, loli chicho umuntu umugholosu akuchinyonywanga, cho chicho akuchipokela.

Ukukumbusya Amalamulo 11:25

Atalipo nayumoyumo yuyo akwiza pakubakanizya. U Mwene u Chala winyu akwiza pakubapelela abantu banaba ubogha umwakuti bakwiza pakubanyila muchisu chinichi kosi kuko mukubukako, ukuyana namumo akabalayizizya.

Ukukumbusya Amalamulo 2:25

Ukwanda ilelo mupaka muntazi, nkwiza pakubapelela ubogha umwakuti abantu aba inko zyosi izya muchisu ichapasi babanyilaye. Nanti umuntu wesi ivwa bulo nizya mbili yinyu, akwiza pakutetema nubogha.”

Ukukumbusya Amalamulo 28:10

Po inko zyosi izya muchisu ichapasi bakwiza pakuzimanya ukuti u Mwene u Chala winyu abasalite ukuti mubanje mwe bantu abache na bache, sona bakwiza pakubanyila.

Aba Hebeli 10:27

Loli chene ichintu chicho chasyala kukwitu ko kulindilila nubogha ukulongiwa nu Chala, sona numoto uwakoghofya, ghugho ghukwiza pakubanangannya abantu babo bakususannya nu Chala.

Aba Hebeli 10:31

Ukuwila munyobe izya Chala umumi, cho chintu chimo ichakoghofya nkani.

Yoshwa 2:24

Bakamubuzya u Yoshwa yula bakati, “Naloliloli u Mwene atupiye ichisu chosi chinichi. Abantu bosi kulakula bakutunyila nkani.”

Yoshwa 9:24

Abantu bala bakamwamula u Yoshwa bakati, “Twe babombi bako tukabuziwa akiza nkani namumo u Mwene u Chala winyu akamulamulila umubombi wache u Mozesi ukuti abape ichisu chosi chinichi nukuzimizyamo abenekaya bosi pamaso papinyu. Po tukabomba bunubu pachifukwa ichakuti tukabanyilagha.

Yoshwa 9:3

Loli bo aba Gibeyoni bivwa zizyo u Yoshwa akakabombela akaya aka Yeliko naka Ayi,

1 Samuweli 27:5

Po u Devedi akamubuzya u Akishi akati, “Nanti naloli wahoboka nane, umpeko ubuzilo bumo muchisu chako ichi ubwakuti nikalayemo. Nkimba choni chicho ukuti ne wambombo wako nikalaye nu mwene mukaya akakulu nkani aka?”