Yoshwa 10:10 - IBAYIBOLO 2024

¹⁰ U Mwene akabavulungannya nkani abalwani, bo babennya bulo abasilikali aba Izilayeli, babo bakabapotela zila pa Gibeyoni. Aba Izilayeli bakabachimbizya ukwika pighamba ilya Beti Holoni nukubaghogha zila yosi mupaka ku Azeka naku Makeda.

Yoshwa 10:10 Iomraidhean Croise

2 Samuweli 22:15

Akatusumba utulasilo twache, nukubanyampannya abalwani bache, sona utumesya tukabachimbizya.

1 Abamwene 9:17

Po u Solomoni akakazenga sona akaya akakulu aka Gezeli kala naka Beti Holoni aka muntende,

2 Imbili 14:12

U Mwene akabapota aba Etiyopiya pamaso pa Asa na bantu aba mu Yuda. Po aba Etiyopiya bakachimbila

2 Imbili 25:13

Pakabalilo kalakala abasilikali babo u Amaziya akababwezya batakitikiziwa pakulwa ubwite, mubuzilo bwache bakanda pakulwa nutwaya utwa Yuda nukufyula ivintu vyache, ukwandila ku Samaliya mupaka ku Beti Holoni. Bakabaghogha abantu 3,000 nukusenda ivintu ivyinji nkani vivyo bakafyula.

Masalimo 18:14

Akatusumba utulasilo twache nukubanyampannya abalwani bache, sona utumesya utukulu nkani tukabachimbizya.

Masalimo 44:3

Batakachifyula ichisu pakubombezya abapanga babo, pamo ukupota ubwite na maka ghabo. Loli bakapota na maka ghako amakulu nkani agha nyobe yako indilo, sona nukulama ukwa cheni chako pakuti ukabaghana nkani.

Masalimo 68:14

Pakabalilo kako Uwamaka Ghosi akabanyampannya abamwene muchisu, bakaboneka ngati we kabefu pighamba ilya Zalimoni.

Masalimo 78:55

Akazichimbizya inko izinji pamaso papache. Akabapa sona ichisu pakuba mpyana yabo, po akabapa utwaya abaluko ulwa Izilayeli utwakwikalamo.

Yesaya 28:21

U Mwene akwiza pakuvundumuka, ngati mumo akabombela Pighamba ilya Pelazimu, akwiza pakuba mukali, ngati mumo akabombela mwikombe ilya Gibeyoni, pakubomba imbombo yache, imbombo yache iyakuswighisya! Pakubomba imbombo yache, imbombo yache injeni.

Yesaya 30:30

U Mwene akwiza pakubapela ukuti abantu bivwe, izyu lyache ilya maka, sona nukubapela ukuti bennye inyobe yache yikwikila, nu bukali ubwakoghofya numoto uwakulungulizya, nukupunta ukwa mabingu, nukupaya sona nivula iya mabwe.

Yelemiya 34:7

pakabalilo kalakala abasilikali abamwene aba ku Babiloni bakalwanga naba mu Yelusalemu sona nutwaya utukulu nkani utunji utwakusyalikila utwa mu Yuda, akaya aka Lakishi naka Azeka. Pakuti tunutu tukaba twaya twene utukulu nkani utwakusyalikila utwa malinga utwa mu Yuda.

Zekaliya 14:3

Po u Mwene akwiza pakwepamo nukulwa ubwite ninko zinizyo, ukuyana namumo akulwila pisiku ilya bwite.

Ukukumbusya Amalamulo 7:23

U Mwene u Chala winyu akwiza pakubabika abalwani binyu munyobe zyinyu, sona akwiza pakubavulungannya mupaka bosi mubanangannye.

Yoshwa 10:11

Bo bakubachimbila aba Izilayeli ukwika pighamba ilya Beti Holoni mupaka ku Azeka, u Mwene akabawisizya ivula iya mabwe amakulu nkani, umwakuti abantu abinji nkani bakafwa ni vula iya mabwe yila, ukubachila babo bakaghoghiwa naba Izilayeli.

Yoshwa 10:28

Pisiku lilalila, u Yoshwa akakafyula akaya akakulu nkani aka Makeda nukubaghogha abantu bosi babo bakaba mulamula, umwakuti patakabapo nayumo umuntu uwakupona. Akamubombela u mwene wamu Makeda ukuyana namumo akamubombela u mwene wamu Yeliko.

Yoshwa 10:9

U Yoshwa poka na basilikali bache bakafuma mu Giligali, nukwenda busiku bosi. Po akalwa nabo ubwite umwakubachenusya bulo.

Yoshwa 11:8

pachifukwa ichakuti u Mwene akababika munyobe izya ba Izilayeli. Bakabapota nubachimbizizya ku Sidoni Umukulu naku Misilefoti Mayimu sona kwikombe ilya Mizipa kubufumilo bwizuba, umwakuti patakabapo nayumoyumo umuntu uwakupona.

Yoshwa 12:16

u mwene uwamu Makeda uwa bamo aba mu Beteli

Yoshwa 15:35

naka Yalimuti naka Adulamu naka Soko naka Azeka

Yoshwa 15:41

naka Gedeloti naka Beti Dagoni naka Naama sona naka Makeda: Utwaya tosi utukulu poka tukabapo 16, poka nutwaya twache utupalamani.

Yoshwa 16:3

nukwikila kubwinjililo bwizuba ubwa chisu icha Yafuleti mupaka kuchisu icha kuntende icha Beti Holoni, nukufika ku Gezeli nukumalila pa Nyanja iya Medeteleniya.

Yoshwa 16:5

Ichisu chicho aba Efulayimu bakapokela ukuyana ni nyumba zyabo chikaba cho ichi: Impaka yabo yikandila ku Ataloti Adala kubufumilo bwizuba mupaka nukukwela ku Beti Holoni.

Yoshwa 21:22

naka Kibizayimu naka Beti Holoni poka nu buzilo ubwakudimilako ivitekwa. Utwaya tosi utukulu poka tukabapo folo.

Abalongi 4:15

Bo u Balaki alemiwa poka na basilikali bache u Mwene akamuvulungannya u Sisela poka ni ngolo zyache zyosi izya bwite, sona na basilikali bache bosi. U Sisela akika mungolo yache yila nukuchimbila pasi.

Abalongi 4:16

Loli u Balaki akazichimbizya ingolo izya bwite zila poka na basilikali mupaka ku Halosheti Hagoyimu. Abasilikali bosi aba Sisela bakaghoghiwa nupanga, sona atakabapo nayumoyumo umuntu uwakupona.

Abalongi 5:20

Zyope intondwa zikalwa ubwite kumwanya, bo zikudumusannya mumwanya pakulwa ubwite nu Sisela.

1 Samuweli 13:18

akabubili kakabuka ku Beti Holoni, sona akabutatu kakabuka kumpaka yiyo yikenannyanga ni kombe ilya Zeboyimu, sona ni nkolongo.

1 Samuweli 17:1

Pakabalilo kalakala aba Filisiti bakababungannya abasilikali babo pa Soko muchisu icha Yuda pakulwa ubwite. Bakazenga ivisakasa vyabo pa Efeso Damimu, pakasi pa kaya aka Soko naka Azeka.