Yoshwa 1:8 - IBAYIBOLO 2024

⁸ Wenelezye nkani ukuti Ibuku ilya Malamulo ili lyo lilindaye pamulomo wako. Ulibelengaye pamusanya na pabusiku ukuti ughakonke amalamulo ghosi mwibuku linili umwakuti vyosi vikwendelaye akiza.

Yoshwa 1:8 Iomraidhean Croise

Ubwandilo 24:63

Pachamabwila u Yisaki akaghololagha ivinama mumaghunda, akatalankannya nukwennya ingamila zikwiza.

2 Imbili 26:5

Akamubuzikizya u Chala pakabalilo aka Zekaliya, yuyo akamumanyisya ukumunyila u Chala. Pakabalilo kosi kako akamubuzikizyanga u Mwene, wepe u Chala akamupela ukuti ivintu vimwendelaye akiza.

Masalimo 119:11

Nkulisunga izyu lyako mumoyo wane, umwakuti intakakubombelaye imbibi.

Masalimo 119:15

Nkwinong'onapo nkani nizya ndaghilo zyako, nukuzilolotela izila zyako.

Masalimo 119:97

Indughanite nkani ululaghilo lwako, umwakuti nkulwinong'ona musanya ghosi.

Masalimo 119:99

Nkwivwisya nkani ukumuchila umumanyisi wane, pakuti nkwinong'ona nizya malamulo ghako.

Masalimo 19:14

Amazyu ni nyinong'ono izya mumoyo wane vikuhobosyanje, wee Mwene, we lyalabwe lyane, sona we mutabuli wane.

Masalimo 40:10

Ntaghuvinditepo umoyo wane ukuti we mugholosu, loli nabafumuzizya abinji nizya busubiliwa nu bupoki bwako. Intakaluvindapo pakunena nizya lughano lwako nu bwanaloli, pakasi palukomano ulukulu nkani.

Ivyili 3:1

Wee mwana wane, utakaluvyanje ivimanyisyo vyane, loli ughasungaye amalamulo ghane mumoyo wako.

Yesaya 59:21

U Mwene akuti, “Kukwane, ulu lo lufingo lwane lulo nkufingana nabo. Umuzimu wane, ghugho ghuli papako, sona na mazyu ghane ghagho nabika mumulomo wako ghatakwiza pakwepamo mumilomo yinyu, pamo mu mamolomo agha bana binyu, pamo mumalomo agha baluko lwinyu ukwanda pakabalilo aka mupaka bwila na bwila.”

Matayi 12:35

Umuntu umwiza akunena ivintu ivyiza vivyo asungite mumoyo wache, wepe umuntu umubibi akunena ivintu ivibibi vivyo asungite mumoyo wache.

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

Matayi 7:21

“Te bantu bosi babo bakunyitizya ukuti, ‘Mwene, Mwene,’ bakwiza pakwinjila mu Bumwene ubwa Kumwanya, loli bene babo bakubomba zizyo Utata wane uwakumwanya akulonda.

Matayi 7:24

“Umuntu wesi yuyo akwivwa amazyu ghane nukughabombezya imbombo ayanite bulo nu muntu uwamahala, yuyo akazenga inyumba yache pilyalabwe.

Luka 11:28

Loli u Yesu akamula akati, “Awe, basayiwa babo bakwivwa amazyu agha Chala nukughivwila.”

Yohani 13:17

Pakuti ilelo muzimenye zinizi, mwe basayiwa nanti mukuzibomba.

Yohani 14:21

“Umuntu wesi yuyo akughitika amalamulo ghane nukughakonka, weyuyo anganite. Utata wane akwiza pakumughana wesi yuyo anganite. Nane bulo nkwiza pakumughana nukwilanjizya nemwene kukwache.”

Aba Efeso 4:29

Mumalomo ghinyu mutakafumaye ineno imbibi, loli mufumaye amazyu amiza ghene aghakubazenga abanji ukuyana ni vyakusobelwa vyabo, ukuti ghabanje ghakubavwa babo bakughateghelezya.

Ukukumbusya Amalamulo 29:8

Tukachifyula ichisu chabo, nukubagabila aba Lubeni naba Gadi, sona nuhafu uwaluko ulwa Manase ukuti chibanje mpyana yabo.

Ukukumbusya Amalamulo 29:9

Mulusungaye ulufingo lunulu na moyo ghinyu ghosi, umwakuti ivintu vyosi vibendelaye akiza.

Ukukumbusya Amalamulo 30:14

Awe, amalamulo ghanagha muli nagho panapa. Amwe mughamenye, ghali mumoyo ghinyu, sona mungaghakonka akiza bulo.

Ukukumbusya Amalamulo 31:11

bo aba Izilayeli bakwiza pamaso pa Mwene u Chala winyu pabuzilo ubwakwiputilapo bubo akwiza pakubusala. Ukwiza pakubabelengela ululaghilo lunulu bo bakuteghelezya.

Ukukumbusya Amalamulo 31:24

Bo u Mozesi amala pakusimba amalamulo ghosi agha Chala mwibuku,

Ukukumbusya Amalamulo 5:1

U Mozesi akababungannya aba Izilayeli bosi nukubabuzya ukuti, “Mwe ba Izilayeli, ivwa indaghilo na malamulo ghosi ghagho nkubabuzya ilelo. Mughamanyilaye, sona mwenelezye ukuti mukughakonka.

Ukukumbusya Amalamulo 5:29

Ane nalondagha nkani ukuti inyinong'ono zyabo ngali zili bunubu amasiku ghosi, sona nukuti ngali bakunchindika nukuzikonka indaghilo zyane zyosi, umwakuti ivintu vyosi vibendelaye akiza, poka na baluko lwabo bwila na bwila.

Ukukumbusya Amalamulo 5:32

Mwee ba Izilayeli, mwenelezye ukuti mukukonka zizyo u Mwene u Chala winyu abalamuliye. Mutakapaghukilaye kundilo pamo kumongo.

Aba Kolosi 3:16

Amazyu agha Kilisitu ghikalaye mumoyo ghinyu umwakufikapo. Mumanyizannyanje nukusokana na mahala ghosi. Mumwimbilaye u Chala na mapalo mumoyo ghinyu, bo mukwimba inyimbo izya masalimo, ni nyimbo izya kumupala, sona ni nyimbo izya buzimu.

Yoshwa 1:7

Ubanje bulo nu lweke, sona ujimbaye. Wenelezye nkani ukuti ukughakonka amalamulo ghosi ghagho umubombi wane u Mozesi akakupa. Utakachele pakupaghukila kundilo pamo kumongo, umwakuti vyosi vikwendelaye akiza kosi kuko ukubuka.

Yoshwa 8:34

Pisinda pache u Yoshwa akabelenga amalamulo ghosi umwakwivwika akiza nkani akabelenga sona ulusayo ni vighune ukuyana namumo vikasimbililiwa Mwibuku ilya Malamulo.

Ubuvumbuli 22:14

“Basayiwa abantu babo bakuchapa inkazo zyabo umwakuti babanje nu bulaghili ubwakulyela ivikomwa ivya mwikwi ilya bumi nukwinjila mukaya akakulu nkani ukwendela pamilyango.