Yoshwa 1:7 - IBAYIBOLO 2024

⁷ Ubanje bulo nu lweke, sona ujimbaye. Wenelezye nkani ukuti ukughakonka amalamulo ghosi ghagho umubombi wane u Mozesi akakupa. Utakachele pakupaghukila kundilo pamo kumongo, umwakuti vyosi vikwendelaye akiza kosi kuko ukubuka.

Yoshwa 1:7 Iomraidhean Croise

1 Abamwene 2:2

“Akabalilo kane akakwepelamo muchisu ichapasi kapalamila. Ujimbaye, ubanje we mwanavuli.

1 Abamwene 2:3

Ubombaye zyosi zizyo u Mwene u Chala akukulamula. Ukonkaye indaghilo zyache na malamulo ghache ni vimanyisyo vyache sona na zyosi zizyo akulonda, ukuyana namumo zisimbiliwe mu Ndaghilo izya Mozesi, umwakuti ivintu vikwendelaye akiza pavyosi vivyo ukubomba, sona kosi kuko ukubuka.

2 Abamwene 22:2

Akamuhobosya u Mwene pakubomba ingolosu, sona akabombagha zyosi zizyo umunyenya wache u Devedi akabombagha, po atakapaghukila kundilo pamo kumongo.

1 Imbili 22:13

Nanti ukuzikonka indaghilo zizyo u Mwene akamupa u Mozesi ukuti abape aba Izilayeli, po ivintu vikwiza pakukwendela akiza nkani. Ujimbaye, sona ubanje nu lweke. Utakanyilaye pamo ukuwa amaka.

2 Imbili 15:7

Loli amwe mujimbaye sona mutakawanje amaka, pakuti mukwiza pakupokela umuvwalo pa mbombo yiyo mukubomba.”

2 Imbili 26:5

Akamubuzikizya u Chala pakabalilo aka Zekaliya, yuyo akamumanyisya ukumunyila u Chala. Pakabalilo kosi kako akamubuzikizyanga u Mwene, wepe u Chala akamupela ukuti ivintu vimwendelaye akiza.

Yobu 1:8

Po u Mwene akamulalusya u Satana akati, “Nkimba wamwennyapo umubombi wane u Yobu? Pachisu ichapasi patalipo nayumoyumo umuntu uwakuyana nawe. U Yobu ate nakalema nakamokamo sona we mugholosu, yuyo akunyila ane ne Chala, nukuzinyila imbibi.”

Masalimo 80:19

Wee Mwene u Chala Uwamaka Ghosi, tunyosekezye kukwako, icheni chako chitulamilaye, po tukwiza pakupokiwa.

Ivyili 4:27

Utakapaghukilaye kundilo pamo kumongo, utakendayemo muzila inyonganu.

Ivyili 8:20

Ane nkwenda muzila iya bugholosu, sona muzila iya bwanaloli.

Daniyeli 10:19

Akati, “Awe we mughaniwa, utakanyilaye Umutende ghubanje nawe, banga na maka, sona ubanje we mujivu.” Bo ambuzya bulo, nkaba namaka nukunena ukuti, “Wee songo, nena pakuti wampa amaka.”

Ukubelengiwa 27:23

Po akabika inyobe papache, sona akamupa imbombo ukuyana namumo u Mwene akamulamulila ukwendela mwa Mozesi.

Ukukumbusya Amalamulo 11:8

Muzikonkaye zyosi zizyo nkubalamula ilelo, umwakuti mubanje na maka pakuloboka ulusoko nukuchifyula ichisu chicho mukubuka pakwikalamo kwisila ukwa Yolodani.

Ukukumbusya Amalamulo 12:32

Muchebaye nkani ukuti mukukonka vyosi vivyo nkubalamula. Mutakonjelezyanjepo nachimochimo ichintu, pamo ukwefyapo nachimochimo ichintu.

Ukukumbusya Amalamulo 28:14

Polelo mutakapaghukayeko ku mazyu ghagho nkubalamula ilelo manyi ko kunyobe indilo manyi ko kunyobe iyamongo pakubiputa abachala abanji nukubabombela.

Ukukumbusya Amalamulo 29:8

Tukachifyula ichisu chabo, nukubagabila aba Lubeni naba Gadi, sona nuhafu uwaluko ulwa Manase ukuti chibanje mpyana yabo.

Ukukumbusya Amalamulo 29:9

Mulusungaye ulufingo lunulu na moyo ghinyu ghosi, umwakuti ivintu vyosi vibendelaye akiza.

Ukukumbusya Amalamulo 31:7

Po u Mozesi akamwitizya u Yoshwa nukumubuzya pamaso paba Izilayeli bosi ukuti, “Ubanje nu lweke, sona ujimbaye nkani, pakuti wewe ukwiza pakubalongozya abantu banaba kuchisu chicho u Mwene akabalayizya abanyenya babo. Ubagabile abantu banaba ichisu chinichi ukuti chibanje mpyana yabo.

Ukukumbusya Amalamulo 4:2

Mutakonjelezyepo pamo ukwefyapo nachimochimo ichintu pavintu vivyo nkubalamula. Loli mughakonkaye amalamulo agha Mwene u Chala winyu ghagho nkubapa.

Ukukumbusya Amalamulo 5:32

Mwee ba Izilayeli, mwenelezye ukuti mukukonka zizyo u Mwene u Chala winyu abalamuliye. Mutakapaghukilaye kundilo pamo kumongo.

Yoshwa 1:1

Bo u Mozesi, umubombi uwa Mwene, afwa, u Mwene akanena nu Yoshwa umwana uwa Nuni, yuyo akaba mwavwilizi uwa Mozesi akati,

Yoshwa 1:8

Wenelezye nkani ukuti Ibuku ilya Malamulo ili lyo lilindaye pamulomo wako. Ulibelengaye pamusanya na pabusiku ukuti ughakonke amalamulo ghosi mwibuku linili umwakuti vyosi vikwendelaye akiza.

Yoshwa 1:9

Ukumbuke ukuti nkakulamula ukuti ubanje nulweke, sona ujimbaye nkani. Utakanyilaye pamo ukuwa amaka, pakuti ane ne Mwene u Chala wako, nkwiza pakuba nawe kosi kuko ukubuka.”

Yoshwa 11:15

U Mwene akamulamula u Mozesi umubombi wache, po wepe u Mozesi akamulamula u Yoshwa ukuti abombe bunubu. U Yoshwa akabomba zyosi zizyo u Mwene akamulamula u Mozesi.

Yoshwa 23:6

“Polelo muchebaye nkani, sona mwenelezye ukuti mukughakonka amalamulo ghosi ghagho ghasimbiwe mwibuku ilya Ndaghilo izya Mozesi. Mutakalusulaye ululaghilo nalumolumo.