Yoshwa 1:6 - IBAYIBOLO 2024

⁶ “Ubanje nu lweke, sona ujimbaye, pakuti wewe ukwiza pakubalongolela abantu banaba pakuchifyula ichisu chicho nkabalayizya abanyenya babo.

Yoshwa 1:6 Iomraidhean Croise

Ubwandilo 12:7

U Mwene akamubonekela u Abulamu nukumubuzya ukuti, “Ichi cho chisu chicho nkwiza pakubapa abaluko lwako.” Palapala u Abulamu akamuzengela ichighemo u Mwene yuyo akamubonekela.

Ubwandilo 26:3

Ikala tasi muchisu chinichi, po nkwiza pakuba nawe sona nkwiza pakukusaya. Pakuti nkwiza pakukupa awe sona na baluko lwako ichisu chosi chinichi. Nkwiza pakusunga ichilapo chicho nkalapa kwa ghuso u Abulahamu.

2 Samuweli 10:12

Mujimbaye, sona tulwanje ichanavuli pakubalwila abantu bitu nutwaya utukulu nkani utwa Chala. Ubwighane ubwa Mwene bubombiwanje.”

1 Abamwene 2:2

“Akabalilo kane akakwepelamo muchisu ichapasi kapalamila. Ujimbaye, ubanje we mwanavuli.

1 Imbili 22:13

Nanti ukuzikonka indaghilo zizyo u Mwene akamupa u Mozesi ukuti abape aba Izilayeli, po ivintu vikwiza pakukwendela akiza nkani. Ujimbaye, sona ubanje nu lweke. Utakanyilaye pamo ukuwa amaka.

1 Imbili 28:10

Uzimanye ukuti u Mwene akusala ukuti umuzengele Inyumba iya Chala ukuti yibanje buzilo ubuzelu. Ujimbaye nkani, po uyibombaye imbombo iyi.”

1 Imbili 28:20

U Devedi akamubuzya sona u Solomoni akati, “Ujimbaye sona ubanje wamaka, uyibombaye imbombo yiniyi. Utakanyilaye pamo ukuwa amaka, pakuti u Mwene u Chala, ali nawe. Atakwiza pakupotwa pamo pakukuleka nalumo mupaka imbombo yosi iyakuzenga Inyumba iya Mwene yimale.

2 Imbili 15:7

Loli amwe mujimbaye sona mutakawanje amaka, pakuti mukwiza pakupokela umuvwalo pa mbombo yiyo mukubomba.”

2 Imbili 20:11

Ilelo ennya namumo bakututanizizya pakutuchimbizyamo muchisu chicho ukatupa pakuba mpyana yitu.

2 Imbili 20:7

Wee Chala witu, nkimba te wewe ukabachimbizyamo abantu aba muchisu chinichi pamaso pabantu bako aba Izilayeli, nukubapa ichisu chinichi abaluko ulwa mumanyani wako u Abulahamu?

Masalimo 27:14

Umusubilaye u Mwene. Banga na maka sona ujimbaye, umusubilaye u Mwene.

Daniyeli 10:19

Akati, “Awe we mughaniwa, utakanyilaye Umutende ghubanje nawe, banga na maka, sona ubanje we mujivu.” Bo ambuzya bulo, nkaba namaka nukunena ukuti, “Wee songo, nena pakuti wampa amaka.”

Hagayi 2:4

U Mwene Uwamaka Ghosi akuti, ‘Wee Zelubabeli, ilelo utakawanje amaka! Wee Yoshwa umwana uwa Yehozadaki, umuputi usongo ujimbaye. Amwe mwe bantu bosi aba muchisu mutakawanje amaka, pakuti akabalilo kosi indinamwe.

Zekaliya 8:9

U Mwene Uwamaka Ghosi akuti, “Amwe mwe ilelo mukwivwa amazyu ghagho abalaghuzi bakunena, babo bakabapo bo bakwanda pakwala ulwalo ulwa Nyumba iya Mwene Uwamaka Ghosi, po mubanje na maka nkani, umwakuti Inyumba iya Mwene yingazengiwa sona.

Ukubelengiwa 26:53

“Ubagabile abantu ichisu chinichi ukuti chibanje mpyana yabo ukuyana namumo ubwinji ubwa luko lwabo lubeleye.

Ukubelengiwa 33:53

Muchifyule ichisu chabo nukwikala mulamula, pakuti nabapacho ukuti chibanje chinyu.

1 Aba Kolinti 16:13

Mubanje maso, mwimaye nkani palwitiko. Mubanje bajivu nkani, sona mubanje bamaka.

Aba Efeso 6:10

Ichabumalilo nkuti mwimaye nkani mwa Mwene, nukwimilila nkani mumaka ghache amakulu.

Ukukumbusya Amalamulo 1:21

Ichi cho chisu chicho u Mwene u Chala winyu abapa. Bukagha pakuchifyula nukwikalamo ukuyana namumo u Mwene, u Chala uwa banyenya binyu akabalamulila. Mutakazyelaye, sona mutakabanje nubogha.”

Ukukumbusya Amalamulo 1:8

Nkubapa ichisu chosi chinichi. Bukagha pakuchifyula ichisu nukwikalamo muchisu chicho u Mwene akamulayizya umunyenya winyu u Abulahamu nu Yisaki nu Yakobo sona na baluko lwabo.’ ”

Ukukumbusya Amalamulo 11:8

Muzikonkaye zyosi zizyo nkubalamula ilelo, umwakuti mubanje na maka pakuloboka ulusoko nukuchifyula ichisu chicho mukubuka pakwikalamo kwisila ukwa Yolodani.

Ukukumbusya Amalamulo 31:23

Po u Mwene akamubuzya u Yoshwa umwana uwa Nuni akati, “Ubanje nu lweke, sona ujimbaye nkani, pakuti wewe ukwiza pakubalongolela aba Izilayeli pakubinjizya muchisu chicho nkabalayizya, sona ane ne mwenecho nkwiza pakuba nawe.”

2 Timoti 2:1

Wee mwana wane, wimaye nkani ukwendela muchisa chicho chili mwa Kilisitu u Yesu.

Yoshwa 1:18

Umuntu wesi yuyo akukusambukila, sona nanti atakwivwila zizyo ukumulamula, aghoghiwanje. Awe ubanje bulo nu lweke, sona ujimbaye nkani.”

Yoshwa 1:7

Ubanje bulo nu lweke, sona ujimbaye. Wenelezye nkani ukuti ukughakonka amalamulo ghosi ghagho umubombi wane u Mozesi akakupa. Utakachele pakupaghukila kundilo pamo kumongo, umwakuti vyosi vikwendelaye akiza kosi kuko ukubuka.

Yoshwa 1:9

Ukumbuke ukuti nkakulamula ukuti ubanje nulweke, sona ujimbaye nkani. Utakanyilaye pamo ukuwa amaka, pakuti ane ne Mwene u Chala wako, nkwiza pakuba nawe kosi kuko ukubuka.”

Yoshwa 10:25

Po u Yoshwa akababuzya akati, “Mutakanyilaye pamo ukuwa amaka. Mubanje nu lweke, sona mujimbaye nkani. Pakuti izi zyo zizyo u Mwene akwiza pakubabombela abalwani binyu bosi babo mukubuka pakulwa nabo ubwite.”

Yoshwa 13:6

ni chisu icha mumaghamba icha ba Sidoni, ukwandila ku Lebanoni mupaka ku Misilefoti Mayimu, kokuti ichigaba chosi icha ba Sidoni. Ane ne mwenecho nkwiza pakubachimbizyamo, bo aba Izilayeli bakufika. Ubagabile aba Izilayeli ivyisu vinivi ukuti chibanje mpyana yabo ukuyana namumo nakulamulila.

Yoshwa 18:3

Po u Yoshwa akabalalusya akati, “Nkimba mukwiza pakulindilila mupaka liyi bo mutandite pakuchifyula ichisu chicho u Mwene, u Chala uwa banyenya binyu, abapacho?

Yoshwa 21:43

U Mwene akabapa aba Izilayeli ichisu chosi, chicho akabalayizizya abanyenya babo. Po bakachifyula nukwikalana mulamula.

Yoshwa 5:6

Aba Izilayeli bakendendeka munkolongo amaka 40, mupaka abanavuli bosi babo bangalwa ubwite bakamala pakufwa, bo bakwepamo mu Ijiputi pachifukwa ichakuti batakamwivwila u Mwene. Pakuti u Mwene akalapa ukuti banaba batakwiza pakwinjilamo muchisu icha mboto chicho akabalayizya abanyenya babo.

1 Samuweli 4:9

Mwee ba Filisiti, jimba umoyo! Mubanje mwe banavuli, lumo mukwiza pakuba pasi pabulaghili ubwa ba Hebeli, ngati mumo bakabela pasi papinyu. Mubanje mwe banavuli, sona mulwanje ubwite!”