Yoshwa 1:5 - IBAYIBOLO 2024

⁵ Atalipo nayumoyumo yuyo akwiza pakukupota mubumi bwako bosi. Ane nkwiza pakuba nawe akabalilo kosi ukuyana namumo nkabela nu Mozesi. Ntakwiza pakukukana nalumo pamo pakukuleka wemwene.

Yoshwa 1:5 Iomraidhean Croise

Ubwandilo 39:2

U Mwene akaba nu Yosefu po akamwavwa ukuti ivintu vyosi vimwendele akiza bulo. Akikalagha munyumba iya Potifala usongo uwamu Ijiputi,

1 Abamwene 1:37

U Mwene akaba nawe, po umwakuyana bulo abanje nu Solomoni nukubupela ubumwene bwache pakuba bukulu nkani ukubuchila ubumwene bwako.”

1 Abamwene 11:38

Nanti ukuzikonka indaghilo na malamulo ghane, sona na nanti ukubomba ivintu ivigholosu pamaso papane ukuyana namumo umubombi wane u Devedi akabombelagha, nkwiza pakuba nawe. Nkwiza pakubwikazya ubumwene bwako ukuyana namumo nkabwikazizya ubumwene ubwa Devedi, sona ukwiza pakuba we mwene uwa Izilayeli.

1 Abamwene 6:13

Nkwiza pakwikala pakasi pabantu aba Izilayeli, sona ntakwiza pakubakana nalumolumo.”

1 Abamwene 8:57

U Mwene u Chala witu abe naswe ukuyana namumo akabela na banyenya bitu. Atakatuleke pamo ukutukana nalumolumo.

1 Imbili 28:20

U Devedi akamubuzya sona u Solomoni akati, “Ujimbaye sona ubanje wamaka, uyibombaye imbombo yiniyi. Utakanyilaye pamo ukuwa amaka, pakuti u Mwene u Chala, ali nawe. Atakwiza pakupotwa pamo pakukuleka nalumo mupaka imbombo yosi iyakuzenga Inyumba iya Mwene yimale.

Masalimo 46:11

U Mwene Uwamaka Ghosi ali naswe, sona u Chala uwa Yakobo we lilinga lyitu.

Ukufuma 3:12

Po u Chala akamwamula akati, “Nkwiza pakuba nawe. Ichi cho chimanyilo ichakuti naloli nene nakutuma. Bo wabefyamo abantu bane mu Ijiputi, mukwiza pakunyiputa pighamba ili.”

Yesaya 42:16

Nkwiza pakubalongozya abafwamaso muzila zizyo batazimenye, nkwiza pakubalongozya muzila zizyo mutenditemo nalumolumo. Nkwiza pakuchipela ichisi pakuba lukozyo pantazi papabo, ubuzilo ubwa vibanka butenganiziwe. Ivi vyo vivyo nkwiza pakubomba, ntakwiza pakubaleka nalumo.

Yelemiya 1:8

Utakabanyilaye, pakuti indi nawe sona nkwiza pakukupoka. Ane ne Mwene nanena!”

Daniyeli 11:16

U mwene uwa kumitu akwiza pakubomba zizyo akulonda, atalipo nayumo, yuyo akwiza pakwiminkana nawe. Akwiza pakwikalana muchisu ichakuboneka akiza nkani, po ivintu vyosi vikwiza pakuba pasi pabulaghili bwache.

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

Aba Loma 8:31

Muvyosi vinivi, po nkimba tungati choni? Nanti u Chala ali kulubazu lwitu, wewenu angatususya?

Aba Loma 8:37

Awe, loli muvintu vyosi vinivi twe bapoti ukwendela mu yuyo akatughana aswe.

Ukukumbusya Amalamulo 20:1

Nanti mukubuka pakulwa ubwite na balwani binyu, nukwennya ukuti abalwani binyu bali ni falasi ni ngolo izya bwite inyinji, sona abasilikali babo binji nkani ukubachila, mutakabanyilaye. Pakuti u Mwene u Chala winyu, yuyo akabefyamo mu Ijiputi, akwiza pakuba namwe.

Ukukumbusya Amalamulo 20:4

Pakuti u Mwene u Chala winyu yuyo akubuka namwe, akwiza pakubalwila ubwite nukubapa ubupoti.”

Ukukumbusya Amalamulo 31:23

Po u Mwene akamubuzya u Yoshwa umwana uwa Nuni akati, “Ubanje nu lweke, sona ujimbaye nkani, pakuti wewe ukwiza pakubalongolela aba Izilayeli pakubinjizya muchisu chicho nkabalayizya, sona ane ne mwenecho nkwiza pakuba nawe.”

Ukukumbusya Amalamulo 4:31

Pakuti u Mwene u Chala winyu we Chala uwachisa, atakwiza pakubaleka mwebene pamo ukubanangannya pamo ukuluvya ulufingo lulo akafingana na banyenya binyu pakulapa ichilapo.

Ukukumbusya Amalamulo 7:24

Akwiza pakubabika abamwene babo munyobe zyinyu, po amwe mukwiza pakughazimya amatabwa ghabo muchisu ichapasi. Atalipo nayumoyumo yuyo akwiza pakubakanizya, mupaka mubanangannye bosi.

2 Timoti 4:17

Loli u Mwene akaba kulubazu lwane nukumpa amaka, umwakuti nkalumbilila Amazyu umwakufikapo ukuti abantu babo bate ba Yuda bivwe. Pakubomba bunubu nkapona ku mulomo uwa nkalamu.

Aba Hebeli 13:5

Amoyo ghinyu ghatakabanje ghakughana indalama, mwikutaye na vivyo muli navyo. U Chala akati, “Ntakwiza pakubaleka. Ntakwiza pakubataghapo nalumo.”

Yoshwa 1:17

Tukwiza pakukwivwila ukuyana namumo tukamwivwililagha u Mozesi, sona u Mwene u Chala wako abanje nawe, ukuyana namumo akabela nu Mozesi.

Yoshwa 1:9

Ukumbuke ukuti nkakulamula ukuti ubanje nulweke, sona ujimbaye nkani. Utakanyilaye pamo ukuwa amaka, pakuti ane ne Mwene u Chala wako, nkwiza pakuba nawe kosi kuko ukubuka.”

Yoshwa 10:8

U Mwene akamubuzya u Yoshwa akati, “Utakabanyilaye abantu banaba, pakuti nababika munyobe zyako. Atalipo nayumoyumo umuntu uwakuti angakupota.”

Yoshwa 21:44

U Mwene akabapa umutende kunkuto zyosi, ukuyana namumo akabalayizizya abanyenya babo. Atakabapo nayumoyumo umulwani uwakuti angabapota, pachifukwa ichakuti u Mwene akababika abalwani babo bosi munyobe zyabo.

Yoshwa 3:7

Panapo u Mwene akamubuzya u Yoshwa akati, “Ukwanda ilelo nkwiza pakukukwezya pamaso paba Izilayeli bosi, umwakuti bamanye ukuti indi poka nawe ukuyana namumo nkabela poka nu Mozesi.

Yoshwa 6:27

Po u Mwene akaba nu Yoshwa, sona u Yoshwa akendelela pakumanyikwa muchisu chosi chila.

Abalongi 2:18

Akabalilo kosi nanti u Mwene akubimikila umulongozi, u Mwene akaba nawe nukubapoka munyobe izya balwani babo, bo umulongozi yula mumi. U Mwene akaba nabo ni chililizi, bo bakukoloma pachifukwa icha bantu babo bakabavwimagha nukubayivya.

Abalongi 6:16

U Mwene akamwamula akati, “Nkwiza pakuba nawe, po ukwiza pakubapota aba Midiyani bosi.”

1 Samuweli 10:7

Nanti ivimanyilo vinivi vyakwanilisiwa, bomba bulo chosi chicho ubaghiye pakubomba, pakuti u Chala ali nawe.