Yoshwa 1:4 - IBAYIBOLO 2024

⁴ Impaka zyinyu zikwiza pakwandila munkolongo kuntende mupaka ku Lebanoni kumitu, ukwandila ko kulusoko ulukulu ulwa Yufuleti kubufumilo bwizuba, kokuti ichisu chosi icha ba Hiti, mupaka ku Nyanja iya Medeteleniya kubwinjililo bwizuba.

Yoshwa 1:4 Iomraidhean Croise

1 Abamwene 10:29

Ingolo zila bakazighula mu Ijiputi ni salabazya izya siliva 600, sona ifalasi bakazighula ni salabazya izya siliva 150. Bope bakabaghulizizyanga abamwene bosi aba muchisu icha ba Hiti nicha ba Siliya.

1 Abamwene 4:21

U mwene u Solomoni akalaghilagha mubumwene bosi bunubu ukwandila kulusoko ulwa Yufuleti mupaka kuchisu icha ba Filisiti nukufika kumpaka iya chisu icha Ijiputi. Abantu aba muvyisu vinivi bakamupa umusonko u Solomoni, sona bosi bakaba pasi pabulaghili bwache mubumi bwache bosi.

1 Imbili 18:3

U Devedi akamupota sona u Hadadezeli u mwene uwamu Zoba mupaka ku Hamati, bo u Hadadezeli akubuka pakubwikazya ubumwene bwache mulubazu ulwa lusoko ulwa Yufuleti.

1 Imbili 5:9

Abantu banaba bakaba ni vitekwa ivyinji nkani, umwakuti ichisu chabo chikandila kubufumilo bwizuba mulubazu ulwa nkolongo mupaka kulusoko ulwa Yufuleti nukufika ku Giliyadi.

Ezila 4:20

Mu Yelusalemu mwame abamwene abamaka babo balaghilagha kwisila ilya lusoko ulwa Yufuleti sona abantu batakasonkagha umusonko nukubika ivyabupi sona ni vintu ivinji.

Ukufuma 23:31

“Nkwiza pakugaba impaka ukufuma ku Nyanja Inchesamu mupaka ku Nyanja iya Medeteleniya, sona ukufuma kunkolongo mupaka kulusoko ulwa Yufuleti. Nkwiza pakubapa amaka aghakupotela abantu aba muchisu chinichi, po mukwiza pakubachimbizyamo.

Ukukumbusya Amalamulo 1:7

Losi ulu nyamuka ubulendo bwinyu. Bukagha kuchisu icha mumaghamba icha ba Amoli sona na kuchigaba ichipalamani nicha Alaba na mumaghamba, na muntende mumaghamba kubwinjililo bwizuba na ku Negebu poka na mulubazu ulwanyanja mupaka kuchisu icha ba Kenani na ku Lebanoni nukumalila kulusoko ulukulu ulwa Yufuleti.

Ukukumbusya Amalamulo 11:24

Ichisu chosi chicho mukwiza pakukanyamo chikwiza pakuba chinyu. Impaka yinyu yikwiza pakwandila ko kuntende kunkolongo mupaka kumitu kumaghamba agha Lebanoni, sona ukwandila ko kulusoko ulwa Yufuleti kubufumilo bwizuba mupaka ku Nyanja iya Medeteleniya.

Ukukumbusya Amalamulo 3:25

Unyitikizye ukuti indoboke bulo ulusoko ulwa Yolodani nukuchennya ichisu icha mboto chicho chili kwisila, ichisu ichiza icha mumaghamba, sona na maghamba agha Lebanoni.”

Ubuvumbuli 9:14

Izyu lilalila likamubuzya uwantumi uwasikisi yula likati, “Basatule abantumi folo bala babo bapinyiwe pa lusoko ulukulu ulwa Yufuleti!”