Yona 4:5 - IBAYIBOLO 2024

⁵ Po u Yona akepamo mukaya kala kubufumilo bwizuba ubwa kaya akakulu kala nukwikala pasi. Akizengela ichisakasa nukwikala mukazundila, akalindililagha ukuti ennye chicho chikwiza pakukawila akaya aka Ninive.

Yona 4:5 Iomraidhean Croise

1 Abamwene 19:13

Bo u Eliya ivwa ukuteketa kula, akavwinka icheni chache nu mwenda. Po akafuma kuzi nukwimilila pamulyango uwa mpako yila. Akivwa izyu likuti, “Wee Eliya, nkimba uli pakubomba choni kuno?”

1 Abamwene 19:9

Kulakula akinjila mumpako nukughonamo ubusiku bulabula. Po u Mwene akamulalusya u Eliya akati, “Wee Eliya, nkimba uli pakubomba choni kuno?”

Yesaya 57:17

Nkakalala pachifukwa icha mbibi iya chinyonywa, Nkamufunda, nukufisa icheni chane mubukalale, loli bakendelelagha pakubomba imbibi zyabo.

Yelemiya 20:9

Loli nanti nkunena nkuti, “Ntakwiza pakumutambula u Mwene, pamo pakulinena itabwa lyache,” pakuti izyu lyache lili mumoyo wane ngati moto, lili ngati moto ghugho ghukocha mumafupa ghane. Nalita pakulisunga mukasi, naloliloli ntangachibomba.

Yona 1:5

Abendezya ubwato bakanyila nkani, po umuntu wesi akanda pakumulilila uchala wache. Bakasumbila ukatundu wabo munyanja mula umwakuti ubwato bwabo bupepuke. Pakabalilo kosi kanaka u Yona akikila pasi pa bwato mukasi, kuko akalambalala nukughona utulo utwakufwa nato.

Yona 4:4

Loli u Mwene akamwamula akati, “Nkimba wabomba akiza pakukalala bunubu?”

Yona 4:6

Po u Mwene akayannya ikwi ilyakumupa u Yona akazundila nukwefya intamyo zyache, po u Yona akahoboka nkani nikwi lilalila.