Yona 4:3 - IBAYIBOLO 2024

³ Wee Mwene, nalamba ungoghe bulo, pakuti chizapo ukuti infwe nukuchila ukuti imbanje ne mumi.”

Yona 4:3 Iomraidhean Croise

1 Abamwene 19:4

Loli u Eliya akenda isiku lyosi munkolongo. Po akikala mukazundila aka makwi agha vyisilo nukwiputa ukuti ngali afwanga bulo. Akati, “Wee Mwene nayimba mpela! Ngogha bulo, ane te ne mwiza ukubachila abanyenya bane.”

Umulumbilili 7:1

Inkalo inyiza nyizapo nkani ukuchila amafuta aghakununkila, sona isiku ilyakufwila lyizapo nkani ukuchila isiku ilyakupapiwa.

Umulumbilili 7:9

Utakakalalaye lubilolubilo, pakuti ukukalala kwa bapunganu.

Yelemiya 8:3

Kosi kuko nkabachimbizizyako, abantu bosi babo bakapona abaluko ulubibi aba bakwiza pakubulonda ubufwe ukuchila ubumi. Ane ne Mwene Uwamaka Ghosi nanena.’

Yona 4:4

Loli u Mwene akamwamula akati, “Nkimba wabomba akiza pakukalala bunubu?”

Yona 4:8

Bo izuba lyakwela u Chala akamutumila u Yona impepo iyakocha nkani iyakubufumilo bwizuba. Po izuba lila likamocha u Yona pamutu mupaka akazilika. Po akiputa akati, “Pakuti chizapo ukuti infwe bulo ukuchila ukuti imbanje ne bumi,”

Ukubelengiwa 11:15

Nanti umu momumo ukwiza pakumbombela, po nalamba ungoghe bulo losi ulu, ukuti ntakendelele pakukomana nintamyo zinizi.”

Ukubelengiwa 20:3

Abantu bala bakadalinkana nu Mozesi ukuti, “Chikaba chizapo ngali tukafwila poka na bakamu bitu pamaso pa Mwene.

1 Aba Kolinti 9:15

Loli ane intabubombeyepo nalumolumo ubusatuke bunubu napo panandi, awe, pamo intakusimba ukalata uyu ilelo nu lusubilo ulwakuti mukwiza pakumbombela ivintu vinivi. Pakuti chingaba chizapo ukuti ane imfwe nukuchila ukuti umuntu anfyule ichintu chicho nkwituvikizyamo.