Yona 4:2 - IBAYIBOLO 2024

² Po akiputa kwa Mwene akati, “Wee Mwene izi zyo zizyo nkanenagha bo inchili indikukwitu. Ichi cho chifukwa nkachimbilila lubilolubilo kuchisu icha Talishishi. Nkazimanya ukuti we Chala uwa lughano sona uwachisa, nukuti akabalilo kosi we mufisalyoyo nu wachililizi sona wiyanizye pakuhobokela imbibi akabalilo kosi.

Yona 4:2 Iomraidhean Croise

1 Abamwene 19:4

Loli u Eliya akenda isiku lyosi munkolongo. Po akikala mukazundila aka makwi agha vyisilo nukwiputa ukuti ngali afwanga bulo. Akati, “Wee Mwene nayimba mpela! Ngogha bulo, ane te ne mwiza ukubachila abanyenya bane.”

Masalimo 103:8

U Mwene wachililizi sona wachisa, atakukalala mwalwemwalwe, sona ulughano lwache lutakupotwangapo nalumo.

Masalimo 145:8

U Mwene, wachisa sona wachililizi, atakukalala mwalwemwalwe, sona uwa lughano lulo lutakupotwangapo nalumolumo.

Masalimo 78:38

Loli akaba wachisa, akabahobokela imbibi zyabo, po atakabanangannya, akabalilo na kabalilo akubwisya ubukali bwache, loli atakakalala.

Masalimo 86:15

Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Masalimo 90:13

Wee Mwene, isya ubukali bwako, nkimba ukwiza pakutukalalila mupaka liyi? Ubanje ni chililizi na babombi bako.

Ukufuma 32:14

Po u Mwene akatonta umoyo, sona atakabanangannya abantu bache ukuyana namumo akabatikila.

Yelemiya 18:8

po nanti uluko ulwa bantu lulo nalusoka lukupinduka nukubuleka ububibi bwache, po nane ntakwiza pakulunangannya ukuyana namumo nkinong'onelagha.

Yelemiya 20:7

Wee Mwene, wanzimbula, sona nazimbuliwa. Awe uli namaka ukunchila, wampota. Nkobeziwa isiku lyosi, umuntu wesi akunseka.

Yelemiya 26:13

Ilelo yannya akendele kinyu ni mbombo zyinyu nukumwivwila u Mwene u Chala winyu, po u Mwene akwiza pakubahobokela ichibibi chicho alondagha pakubabombela.

Yelemiya 42:10

Nanti mukwikala muchisu chinichi, ntakwiza pakubanyampannya awe, loli nkwiza pakubazenga, ntakwiza pakubanyunkulannya awe, loli nkwiza pakubabyala, pakuti nanyokako kuchintu ichibibi chicho nkababombela.

Amosi 7:3

Po u Mwene akabwisya ubukali bwache nukuti, “Zinizi zitakwiza pakubombiwa.”

Amosi 7:6

Po u Mwene akabwisya ubukali bwache nukuti, “Zinizi zitakwiza pakubombiwa sona.” U Mwene Uwamaka Ghosi anena.

Yona 1:3

Loli u Yona akamuchimbila u Mwene nukubuka kuchisu icha Talishishi. Akabuka ku Yopa kuko akabwagha ubwato ubukulu nkani bukubuka ku Talishishi. Akalipila indalama izya kwendela ukuti abuke nabo ku Talishishi, umwakuti amuchimbile u Mwene.

Yona 3:10

Bo u Chala ennya ukuti abantu bala bayileka inkalo yabo imbibi, akabapelela ichisa. Po atakabafunda nu lufundo ukuyana namumo akalondelagha.

Yona 3:9

Nkimba wewenu angazimanya ukuti pamo u Chala angatozolako ubukali bwache ubwakoghofya, umwakuti tutakazimile?”

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Luka 10:29

Loli umumanyisi uwa Ndaghilo yula akalondagha pakwinena mwene pakuba mugholosu, po akamulalusya u Yesu akati, “Nkimba umupalamani wane wewenu?”

Ukukumbusya Amalamulo 4:31

Pakuti u Mwene u Chala winyu we Chala uwachisa, atakwiza pakubaleka mwebene pamo ukubanangannya pamo ukuluvya ulufingo lulo akafingana na banyenya binyu pakulapa ichilapo.