Yona 3:9 - IBAYIBOLO 2024

⁹ Nkimba wewenu angazimanya ukuti pamo u Chala angatozolako ubukali bwache ubwakoghofya, umwakuti tutakazimile?”

Yona 3:9 Iomraidhean Croise

2 Samuweli 12:22

U Devedi akamula akati, “Bo umwana yula achili mumi, nkatuzya pakulya nukulila. Nkinong'onagha ukuti, ‘Lumo u Mwene angampelela ichisa nukumuleka umwana yula mumi.’

Masalimo 106:45

Pachifukwa icha bantu bache, akalukumbuka ulufingo lwache, umwakuti akisya ubukali bwache pachifukwa icha lughano lwache ulukulu nkani.

Masalimo 85:3

Wefizyepo ukukalala kwako kosi, ukakuleka ukukalala kwako ukwakoghofya.

Masalimo 90:13

Wee Mwene, isya ubukali bwako, nkimba ukwiza pakutukalalila mupaka liyi? Ubanje ni chililizi na babombi bako.

Yelemiya 26:13

Ilelo yannya akendele kinyu ni mbombo zyinyu nukumwivwila u Mwene u Chala winyu, po u Mwene akwiza pakubahobokela ichibibi chicho alondagha pakubabombela.

Daniyeli 4:27

Polelo wee mwene, itika bulo zizyo nkukubuzya. Zileke imbibi zyako, ubombaye ingolosu pakubapelela ichisa abapina. Po ivintu vyosi vikwiza pakukwendelagha akiza akabalilo kosi.”

Amosi 5:15

Mububenge ububibi, mubughane ubwiza, sona mubombe ubwanaloli pabulongi. Lumo u Mwene u Chala Uwamaka Ghosi akwiza pakubapelela ichisa abantu abakusyalako abaluko ulwa Yosefu.

Yona 1:15

Po abendezya ubwato bala bakamusumbila u Yona munyanja mula, umwalubilolubilo inyanja yikaba bulo myee.

Yona 1:6

Usongo uwa bwato yula akikila kuko kukaba u Yona, nukumulalusya ukuti, “Nkimba choni chicho ukughona utulo utwakufwa nato? Nyamuka, iputa kwa chala wako! Lumo angatupelela ichisa nukutuleka twe bumi.”

Yona 4:2

Po akiputa kwa Mwene akati, “Wee Mwene izi zyo zizyo nkanenagha bo inchili indikukwitu. Ichi cho chifukwa nkachimbilila lubilolubilo kuchisu icha Talishishi. Nkazimanya ukuti we Chala uwa lughano sona uwachisa, nukuti akabalilo kosi we mufisalyoyo nu wachililizi sona wiyanizye pakuhobokela imbibi akabalilo kosi.

Zefaniya 2:3

Mumulondaye u Mwene mwebosi mwe mukwiyisya, mwe muli muchisu, amwe mwe mukubomba zizyo akubalamula. Mubulondaye ubugholosu, sona nukwiyisya. Lumo mungapona pisiku ilya kukalala ukwa Mwene.

1 Samuweli 6:5

Po mupange ivifwani fayivi ivya vitufya ivya golide, nivya mbeba, vivyo vikuchinangannya ichisu chinyu, sona mumuchindikaye u Chala uwa ba Izilayeli. Lumo angaleka pakubafunda amwe, poka na bachala binyu, sona ni chisu chinyu.