Yona 3:8 - IBAYIBOLO 2024

⁸ Umuntu wesi avwale amasaka, vyope ivinyamana vivwale amasaka nukumwiputa nkani u Chala. Umuntu wesi ayileke inkalo yache imbibi sona ni mbombo zyabo imbibi.

Yona 3:8 Iomraidhean Croise

Yobu 16:17

Loli inte ne walombwa, sona ulwiputo lwane lwanaloli.

Yobu 36:10

Akubighula amakutu ukuti bivwe bo akubachemela, nukubalamula ukuti bazileke imbibi zyabo.

Yesaya 58:6

“Ukutuzya pakulya kuko nkulonda ko uku, Ukubasatula babo bapinyiwe nukwefya ivyakupinyila ikoli, nukubasatula babo bakuyiviwa, nukupyola ikoli lyosi.

Yesaya 59:6

Ukuluka kwabo ukwa bubi kute ni mbombo ngati chakuvwala, batangavwinka vivyo bakuluka. Imbombo zyabo mbibi, inyobe zyabo zikunyamusya bulo ivyongo.

Yelemiya 18:11

“Po ilelo buka ubabuzye abantu aba muchisu icha Yuda na babo bakwikala mu Yelusalemu uti, ‘U Mwene akuti: Nkwinong'ona pakubabombela ichintu ichibibi, sona nkwiyannya nukubatika zizyo nkwiza pakubabombela. Po umuntu wesi anyokeko ku zila zyache imbibi naku mbombo zyache zizyo akuzibomba. Leka inkalo zyinyu imbibi ni mbombo zyinyu.’

Yelemiya 25:5

Abalaghuzi bala bakati, “Umuntu wesi mumwinyu ayileke inkalo yache imbibi sona ni zila zyache imbibi, po mukwiza pakwikala muchisu chicho u Mwene akabapa amwe na banyenya binyu mupaka bwila na bwila.

Yelemiya 26:3

Lumo bangateghelezya nukunyokako, po umuntu wesi angabuleka ububibi bwache, umwakuti indeke pakubapa ulufundo lulo natinji imbafunde nalo pachifukwa icha bubibi bubo babombite.

Yelemiya 36:3

Pamo bo aba Yuda bivwa nizya ntamyo zizyo nkwinong'ona pakubawisizya umwakuti umuntu wesi anyokeko ku zila zyache imbibi, po ane nkwiza pakubahobokela ku bubibi bwabo bosi sona na kumbibi zyabo.”

Ezekiyeli 33:11

Ubabuzye ukuti, ‘U Mwene Uwamaka Ghosi ati: Naloliloli nkulapa, intakuhoboka nimfwa iya muntu umubibi, loli nkuhoboka nanti akuzileka imbibi nukuba nubumi. Mwee ba Izilayeli nyokako nukuzileka izila zyinyu imbibi! Nkimba mukufwilachi?’

Daniyeli 4:27

Polelo wee mwene, itika bulo zizyo nkukubuzya. Zileke imbibi zyako, ubombaye ingolosu pakubapelela ichisa abapina. Po ivintu vyosi vikwiza pakukwendelagha akiza akabalilo kosi.”

Yoweli 1:14

Lamula ukuti mutuzye pakulya, itizya ulukomano uluzelu, babungannye abasongosongo, sona na bantu bosi babo bakwikala muchisu, mu Nyumba iya Mwene u Chala winyu, po balilaye kwa Mwene.

Yona 1:14

Po bakamwiputa u Mwene, bakati, “Wee Mwene, twalamba utakatwitikizye ukuti tufwe pachifukwa icha bumi ubwa muntu uyu. Utakatupe inongwa pachifukwa icha bufwe ubwa umuntu umusita nongwa.”

Yona 1:6

Usongo uwa bwato yula akikila kuko kukaba u Yona, nukumulalusya ukuti, “Nkimba choni chicho ukughona utulo utwakufwa nato? Nyamuka, iputa kwa chala wako! Lumo angatupelela ichisa nukutuleka twe bumi.”

Matayi 3:8

Bombagha imbombo izyakulanjizya ukuti naloli mwapinduka nukuzileka imbibi zyinyu.

Imbombo 26:20

Pakwanda nkalumbilila mu Damasika, ukufuma mula nkalumbilila mu Yelusalemu, sona na mosi mu Yudeya, na pakasi pabantu babo bate ba Yuda ukuti bazileke imbibi zyabo nukupindukila kwa Chala nukubomba ivintu vivyo vingalanjizya ukuti bapindukite naloli.

Imbombo 3:19

Muzileke imbibi zyinyu nukupindukila kwa Chala, ukuti azimye imbibi zyinyu. Nanti mukubomba bunubu u Mwene akwiza pakubapa akabalilo akakutuzikizya,

Ubuvumbuli 11:3

Nkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”