Yona 3:5 - IBAYIBOLO 2024

⁵ Abantu aba mukaya aka Ninive bakaghasubila amazyu agha Chala. Po bakadumula ukuti umuntu wesi ukwandila usongo mupaka umwana umunandi atuzye pakulya nukuvwala amasaka pakulanjizya ukuti bapinduka.

Yona 3:5 Iomraidhean Croise

2 Abamwene 19:1

Bo u mwene u Hezekiya ivwa zinizi, akazepula amenda ghache nukuvwala amasaka pachifukwa icha chitima nukubuka mu Nyumba iya Mwene.

2 Imbili 20:3

Po u Yehoshafati akanyila nkani, umwakuti akadumula nizya kubuka pakubuzikizya kwa Mwene sona akabalamula abantu bosi aba mu Yuda ukuti batuzye pakulya.

Ezila 8:21

Palapala pampindulila iya Ahava nkafumusya ukuti abantu batuzye pakulya, umwakuti twiyisye pamaso pa Chala witu nukumulaba ukuti aswe na bana bitu poka nu katundu wesi ukuti tubanje nu bulendo ubwiza.

Esitele 4:1

Bo u Molodikayi azyaghannya zizyo zikabombiwa, akazepula amenda ghache sona akavwala amasaka nukwinyafila itoyi kumutu pachifukwa icha chitima, po akinjila mukasi nkani mukaya akakulu nkani kala, bo akukolomoka nkani pachifukwa icha chitima.

Ukufuma 33:6

Po ukwandila pakabalilo kako aba Izilayeli bakepela pighamba ilya Sinayi, batakavwala sona ivyakwibonesekezya akiza.

Yelemiya 31:34

Nayumoyumo umuntu yuyo akwiza pakumumanyisya umupalamani wache, pamo ukumubuzya umukamu wache ukuti, ‘Umumanye u Mwene.’ Pakuti bosi bakwiza pakummanya ane, abana abanandi na bantu abasongo bulo. Nkwiza pakubahobokela imbibi zyabo, sona ntakwiza pakukumbukapo nalumolumo ukunanga kwabo.”

Yelemiya 36:9

Mumwezi uwanayini uwa mwaka uwafayivi uwa bulaghili ubwa Yehoyakimu umwana uwa Yosiya u mwene uwa ba Yuda, akabalilo aka kutuzya pakulya pantazi pa Mwene kukafumuziwa ku bantu bosi aba mutwaya utukulu aba mu Yelusalemu sona na ku bantu bosi aba mutwaya utukulu utwa Yuda.

Yelemiya 42:1

Po bosi abalongozi aba basilikali, poka nu Yohanani umwana uwa Kaleya nu Yezaniya umwana uwa Hoshaya, sona na bantu bosi ukwandila ku banandi mupaka ku basongo bakamufika umulaghuzi u Yelemiya,

Yelemiya 42:8

Po akamwitizya u Yohanani umwana uwa Kaleya poka na balongozi aba basilikali babo bakaba poka nawe sona na bantu bosi ukwandila ku banandi mupaka ku basongo.

Daniyeli 9:3

Po nkaghalabukila kwa Mwene u Chala nukumulambilizya pakwiputa, nkatuzya pakulya nukuvwala amasaka nukwinyafila itoyi, pachifukwa icha ichitima.

Yoweli 1:14

Lamula ukuti mutuzye pakulya, itizya ulukomano uluzelu, babungannye abasongosongo, sona na bantu bosi babo bakwikala muchisu, mu Nyumba iya Mwene u Chala winyu, po balilaye kwa Mwene.

Yona 3:7

Po u mwene poka na makambala ghache bakabapa abantu aba mu Ninive ululaghilo ulwakuti, “Patakabepo nayumo umuntu uwakulya, pamo ichinyamana pamo imidimo pamo uwakung'wela ichakung'wela.

Matayi 12:41

Pisiku lilyo u Chala akwiza pakubalonga abantu abankulilo iyi, abantu aba mu Ninive bakwiza pakuzyuka kubufwe nukubasusya amwe pachifukwa ichakuti bakapinduka nukuzileka imbibi zyabo bo bivwa u Yona akulumbilila. Ilelo nkubabuzya ukuti pano pali ichintu chimo ichikulu ukuchila u Yona.

Luka 11:32

Pisiku lilyo u Chala akwiza pakubalonga abantu abankulilo iyi, abantu aba mu Ninive bakwiza pakuzyuka kubufwe nukubasusya amwe, pachifukwa ichakuti bakapinduka nukuzileka imbibi zyabo, bo bivwa u Yona akulumbilila. Ilelo nkubabuzya ukuti pano pali ichintu chimo ichikulu ukuchila u Yona.

Imbombo 27:25

Po, mwebaya mwee, mujimbe nkani umoyo pakuti nkusubila ukuti u Chala akwiza pakuvibomba vivyo akambuzya.

Imbombo 8:10

Abantu bosi mulamula, abanandi na basongo, bakamuteghelezya nkani. Bakanena bakati, “Umuntu uyu we maka agha Chala ghagho bakughitizya ukuti, ‘Maka Amakulu.’ ”

Aba Hebeli 11:1

Ulwitiko ko kusita ukwilamwa pachintu chicho tukuchisubila, sona ko kuba nu lusimikizyo pavintu vivyo tutakuvyennya na maso.

Aba Hebeli 11:7

Lukaba lwitiko lulo lukamupela u Nowa ukuti asokiwe nu Chala nizya vintu vivyo vikaba vichili vitabonekite. U Nowa akivwila nukubiza ubwato bubo umwene poka ni mbumba yache bakaponelamo. Pachifukwa icha ulwitiko lwache, u Nowa akalanjizya ukuti abantu aba muchisu ichapasi banangite, po akapokela ichilingo icha bugholosu, chicho u Chala akubapa abantu babo bakumusubila.

Ubuvumbuli 11:3

Nkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”