Yona 3:4 - IBAYIBOLO 2024

⁴ U Yona akenda ubulendo ubwa isiku lyoka nukufika mukaya kala. Akanda pakulumbilila ukuti, “Bo ghachilapo amasiku 40, u Ninive akwiza pakumongoliwa!”

Yona 3:4 Iomraidhean Croise

2 Abamwene 20:1

Pakabalilo kalakala u Hezekiya akabina nkani, sona akaba papipi pakufwa. Umulaghuzi u Yesaya umwana uwa Amozi akabuka pakumwennya nukumubuzya ukuti, “U Mwene akuti: Yannya akaya kako pachifukwa ichakuti utakwiza pakupola, loli ukwiza pakufwa.”

2 Abamwene 20:6

Nkwiza pakukonjelezya amaka 15 mubumi bwako. Nkwiza pakukupoka awe poka nakaya akakulu nkani aka munyobe izya mwene uwamu Asiliya, nkwiza pakukazighilila akaya akakulu nkani aka pachifukwa icha itabwa lyane, sona nicha mubombi wane u Devedi.’ ”

Yesaya 30:18

Pachifukwa chinichi u Mwene akubalindilila ukuti abapelelaye ichisa, akunyamuka nukubalanjizya ichililizi pakuti u Mwene we Chala uwanaloli. Basayiwa bosi babo bakumulindilila!

Yelemiya 42:10

Nanti mukwikala muchisu chinichi, ntakwiza pakubanyampannya awe, loli nkwiza pakubazenga, ntakwiza pakubanyunkulannya awe, loli nkwiza pakubabyala, pakuti nanyokako kuchintu ichibibi chicho nkababombela.

Yona 3:10

Bo u Chala ennya ukuti abantu bala bayileka inkalo yabo imbibi, akabapelela ichisa. Po atakabafunda nu lufundo ukuyana namumo akalondelagha.

Matayi 12:41

Pisiku lilyo u Chala akwiza pakubalonga abantu abankulilo iyi, abantu aba mu Ninive bakwiza pakuzyuka kubufwe nukubasusya amwe pachifukwa ichakuti bakapinduka nukuzileka imbibi zyabo bo bivwa u Yona akulumbilila. Ilelo nkubabuzya ukuti pano pali ichintu chimo ichikulu ukuchila u Yona.

Luka 11:30

Pakuti u Yona akaba chimanyilo icha bantu aba mu Ninive, umwakuyana bulo, wepe u Mwana uwa Muntu akwiza pakuba chimanyilo icha bantu abankulilo iyi.

Luka 11:32

Pisiku lilyo u Chala akwiza pakubalonga abantu abankulilo iyi, abantu aba mu Ninive bakwiza pakuzyuka kubufwe nukubasusya amwe, pachifukwa ichakuti bakapinduka nukuzileka imbibi zyabo, bo bivwa u Yona akulumbilila. Ilelo nkubabuzya ukuti pano pali ichintu chimo ichikulu ukuchila u Yona.

Ukukumbusya Amalamulo 18:22

Nanti zizyo umulaghuzi akunenela mwitabwa ilya Mwene zitakukwanilisiwa, kokuti amazyu ghalaghala ghate gha Mwene. Umulaghuzi yulayula anena bulo ivyache, po mutakamunyilaye.