Yona 2:9 - IBAYIBOLO 2024

⁹ Loli ane nkwiza pakukwimbila inyimbo izya mapalo, nkwiza pakubika ichakwiyipa kukwako, sona nkwiza pakuvibomba ivintu vivyo nkafingana nawe. Pakuti ubupoki bwane bukufuma kwa Mwene.”

Yona 2:9 Iomraidhean Croise

Ubwandilo 35:3

Tukwiza pakwepamo muno nukubuka ku Beteli, kuko nkwiza pakumuzengela ichighemo u Chala, yuyo akanyavwa muntamyo zyane, sona yuyo akaba nane kosi kuko nkabukagha.”

2 Samuweli 15:7

Bo pachilapo amaka folo, u Abisalomu akamubuzya u mwene akati, “Unyitikizye ukuti imbukaye ku Hebuloni pakukwanilisya ichilapo chicho nkalapa kwa Mwene.

Yobu 22:27

Bo ukwiputa, akwiza pakukwamula, po ukwiza pakukwanilisya ichilapo chako.

Masalimo 107:22

Babikaye ichakwiyipa ichakupalizikizya, nukwimba inyimbo izya lusekelo.

Masalimo 27:1

U Mwene we lukozyo lwane sona we bupoki bwane, po intangamunyila nayumoyumo umuntu. U Mwene we lilinga ilya bumi bwane, po ntakwiza pakutetema nalumo.

Masalimo 3:8

Ubupoki bukufuma kwa Mwene, sona ulusayo lwako lubanje pabantu bako.

Masalimo 50:14

Bikagha ivyakwiyipa ivyakupalizikizya kwa Chala, sona kwanilisya ichilapo chinyu ku Wakumwanya Nkani.

Masalimo 50:23

Umuntu yuyo akubika ivyakwiyipa ivyakupalizikizya akunchindika, sona yuyo akwenda izila ingolosu nkwiza pakumulanjizya ubupoki bwane.”

Masalimo 68:20

U Chala witu we Chala yuyo akupoka, sona we Mwene Uwamaka Ghosi yuyo akutupoka kubufwe.

Masalimo 95:2

Zagha tufikaye pamaso papache ukuti tumupalizye, sona pakumwimbila inyimbo izyakupalizikizya.

Yesaya 45:17

Loli aba Izilayeli bakwiza pakupokiwa nu Mwene nu bupoki ubwa bwila na bwila, mutakwiza pakukoziwa isoni nalumolumo, pamo ukusamuliwa, ukwa bwila na bwila.

Yelemiya 33:11

amazyu agha buhobosu nulusekelo, na mazyu agha bantu babo bali palusekelo ulwa sendwa iya mulindu nu mulumendo, sona ninyimbo izya babo bakubika ivyakwiyipa ivyakupalizikizya mu Nyumba iya Mwene ivyakuti, ‘Mumupalizyanje u Mwene Uwamaka Ghosi pakuti u Mwene mwiza, ulughano lwache lwa bwila na bwila.’ Pakuti nkwiza pakuchinyosezya ichisu ubwiza bwache ngati mumo bukabela kale.

Hoseya 14:2

Ghalemezye amazyu, po munyokele kwa Mwene. Mumubuzye ukuti, “Tuhobokele imbibi zyitu, sona pokela ulwiputo lwitu, po imilomo yitu yikupalaye.

Yohani 4:22

Amwe mwe ba Samaliya mutamumenye yuyo mukumwiputa, loli aswe twe ba Yuda tumumenye yuyo tukumwiputa pakuti ubupoki bukufumila mu ba Yuda.

Imbombo 4:12

Mumwache mwene momumo muli ubupoki pakuti pachisu chosi ichapasi nayumo umuntu yuyo u Chala atupiye ukuti angatupoka.”

Aba Loma 12:1

Polelo bakamu bane, pachifukwa icha chisa icha Chala ichikulu nkani kukwitu, nkubalaba ukuti mwiyipe mwebene ukuti chibanje chakwiyipa icha bumi kwa Chala, ichakupaghuliliwa pambombo yache, sona ni chakumuhobosya nkani. Kuko ko kwiputa kwinyu ukwa buzimu.

Ukukumbusya Amalamulo 23:18

Mutakize ni ndalama izya bwamalaya, manyi umalaya umwanavuli manyi umalaya umukolo mu Nyumba iya Mwene u Chala winyu, ukuti mukwanilisye ichilapo chinyu, pachifukwa ichakuti u Mwene avibengite vyosi vinivi.

Aba Hebeli 13:15

Polelo zagha tubikaye amapalo kwa Chala akabalilo kosi ukwendela mwa Yesu. Ichi cho chakwiyipa chitu, chicho uluseke ulwa milomo yiyo yikwitika ukuti we Mwene.

Ubuvumbuli 7:10

Bakakolomoka nkani bakati, “Ubupoki bukufuma kwa Chala witu, yuyo akwikala pachitengo icha bumwene, na ku Mwana uwa ng'ozi!”

1 Samuweli 12:21

Sona mutakavyiputaye ivifwani vivyo vite ni mbombo, vivyo vitangabavwa napo panadi, pamo ukubapoka bo muli muntamyo.