Yona 2:8 - IBAYIBOLO 2024

⁸ Abantu babo bakwiputa ivifwani, balekite pakubika ulusubilo lwabo papako.

Yona 2:8 Iomraidhean Croise

2 Abamwene 17:15

Bakazisulannya indaghilo zyache nu lufingo lulo akafingana na banyenya babo, sona ni soki zyache. Pachifukwa ichakuti bakavichindikagha ivifwani ivyamwalwemwalwe, po bope bakaba bamwalwemwalwe. Bakeghelelagha inyiho izya inko zizyo zikabazyungulila napapo u Mwene akabalamula akati, “Mutakabombaye ngati mumo inko zinizi zikubombela,” sona bakabombagha ivintu vivyo u Mwene akabakanizya.

Masalimo 142:4

Nkwennya kundilo kwane, atalipo nayumoyumo uwakumpasikizya. Ubuzilo ubwakuti ningavwamamo nabumobumo sona atalipo nayumoyumo yuyo akubupasikizya ubumi bwane.

Masalimo 31:6

Imbabengite babo bakuvyiputa ivifwani, loli nkusubiye awe we Mwene.

Masalimo 69:14

Umpoke ukuti intakadwibe mumatope, umpoke munyobe izya babo bakumbenga, sona na kumizi amibizu nkani.

Yelemiya 10:8

Bosi bate namahala naghamoghamo sona bapunganu, bakumanyisiwa ni vifwani ivya makwi vivyo vite ni mbombo nayimoyimo.

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Yelemiya 2:13

“Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Mika 1:2

Mwee bantu aba inko zyosi, ivwa kuno, wee chisu ichapasi, na mwebosi mwe mukwikalamo, tegha amakutu ghinyu, ukuti u Mwene Uwamaka Ghosi akubasusya. U Mwene akunena mu Nyumba yache izelu.

1 Samuweli 12:21

Sona mutakavyiputaye ivifwani vivyo vite ni mbombo, vivyo vitangabavwa napo panadi, pamo ukubapoka bo muli muntamyo.