Yona 2:4 - IBAYIBOLO 2024

⁴ Po nkati, ‘Wee Mwene nataghiwa nukwepapo papako, sona ntakwiza pakuyennya Inyumba yako izelu?’

Yona 2:4 Iomraidhean Croise

1 Abamwene 8:42

abantu bakwiza pakwivwa nizya itabwa lyako ikulu sona ni vintu ivikulu ni vyamaka vivyo wababombela abantu bako, nanti akwiza pakwiputa mu Nyumba iyi,

1 Abamwene 8:48

Nanti abantu bako bapinduka nu moyo wabo ghosi nu muzimu wabo ghosi muchisu icha balwani, babo babalemite pakuba bazya, sona nanti bakwiputa bo bakwennya kuchisu chicho ukabapa abanyenya babo, nakaya akakulu kako wakasala, sona ni Nyumba yiyo nakuzengela,

1 Abamwene 9:7

po nkwiza pakubefyamo aba Izilayeli muchisu chicho nabapiye. Nkwiza pakuyikana Inyumba yiyo nayipaghula ukuti nchindikiliwanjemo. Aba Izilayeli bakwiza pakuba kapangwi bulo sona ni chakusekiwa pakasi pabantu bosi.

2 Imbili 6:38

Nanti abantu bako bapinduka nu moyo wabo ghosi nu muzimu wabo ghosi muchisu icha buzya sona nanti bakwiputa bo bakwennya kuchisu chicho ukabapa abanyenya babo, nakaya akakulu kako wakasala sona ni Nyumba yiyo nakuzengela,

Masalimo 31:22

Bo nachenuka nkati, “Mwee nachimbiziwa pamaso papako!” Loli ukivwa ukulila kwane ukuti umpelelaye ichisa, bo nakwitizya ukuti unyavwe.

Masalimo 42:8

Loli u Mwene akungana nu lughano lwache isiku ni siku, cho chifukwa pabusiku nkwimba ulwimbo nukumwiputa u Chala yuyo ampiye ubumi.

Masalimo 5:7

Loli pachifukwa icha chisa chako ichikulu nkani, ane nkwiza pakwinjila munyumba yako. Nkwiza pakufughama nukukuchindika munyumba yako izelu.

Masalimo 88:6

Wambika muchiliba ichibizu nkani, mubuzilo ubwa chisi nkani

Masalimo 88:7

Ubukali bwako bukunfyenyelekezya pasi, po ghope amayigha ghako ghosi ghakundwibika.

Yesaya 38:17

Ichifukwa chicho nkivwanga ububavu chakuti, nivwanje akiza. Pakuti wampoka kubufwe, nukuhobokela imbibi zyane zyosi.

Yesaya 49:14

Loli abantu aba mu Ziyoni bakuti, “U Mwene atupa inkonto sona atuluvya.”

Yelemiya 15:1

Po u Mwene akambuzya akati, “Napapo u Mozesi nu Samuweli bangimilila pamaso papane nukubiputila abantu banaba, pope bulo ngali intakabapelela ichisa abantu banaba. Befyepo pamaso papane! Babuzye babukaye!

Yelemiya 7:15

Nkwiza pakubasumbila kubutali nukubefyapo pamaso papane, ngati mumo nkababombela aba wamwinyu bosi, abantu aba mu Izilayeli.’ ”

Nkuto 3:54

Amizi ghakandwibizya mupaka kumutu, po nkinong'onagha ukuti indi papipi pakufwa.

Ezekiyeli 37:11

Po u Mwene akambuzya akati, “Wee mwana uwa muntu, amafupa ghosi agha ba Izilayeli. Bakuti, ‘Amafupa ghitu ghumiye sona nulusubilo lwitu lope lwamala; tuyanite bulo nababo bakafwa.’

Daniyeli 6:10

Bo u Daniyeli azyaghannya ukuti ululaghilo lula lwabikiwa, akabwela nukwinjila muchipinda chache icha pamwanya, chicho amabwindo ghache ghakighuliwa umwakwenannya nakaya akakulu nkani aka Yelusalemu. Akafughamagha katatu pisiku pakwiputa, nukumupalizya u Chala ukuyana namumo akabombelagha pakwanda.

Yona 2:7

Bo nennya ukuti nkufwa nkakukumbuka awe, wee Mwene, po mu Nyumba yako izelu ukivwa ulwiputo lwane.