Yona 2:2 - IBAYIBOLO 2024

² “Wee Mwene bo indi muntamyo inkulu nkani nkakwitizya, po ukanyamula. Bo indi mukasi muchisu icha bantu abafwe, nkakulilila ukuti unyivwe, po ukanyivwa.

Yona 2:2 Iomraidhean Croise

2 Imbili 33:12

Pakabalilo akantamyo zyache, akamulabagha u Mwene u Chala wache nukwiyisya nkani pamaso pa Chala uwa banyenya bache.

Masalimo 116:3

Inkusa izya bufwe zikampinya, intamyo izya mapumpa zikangwila. Nkayimba nkani pachifukwa icha ntamyo na mayimba.

Masalimo 120:1

Muntamyo zyane nkumwitizya u Mwene, po akunyamula.

Masalimo 16:10

Pakuti utakwiza pakundeka muchisu icha bantu abafwe, sona utakwiza pakwitikizya ukuti ne mubombi wako umusubiliwa imbolaye.

Masalimo 22:24

Pakuti atamusulitepo pamo ukumukana umuntu yuyo akuyimba pachifukwa icha ntamyo. Atamufisitepo icheni chache, loli ateghelezya bo akulila ukuti amwavwe.

Masalimo 34:6

Umuntu umupina uyu akalila, po u Mwene akamwivwa, sona akamupoka muntamyo zyache zyosi.

Masalimo 4:1

Wee Chala wane umugholosu unyamule bo nkukwitizya. Unyavwe nanti nkukomana na mayimba, sona umpelelaye ichisa nukulwivwa ulwiputo lwane.

Masalimo 61:2

Nkukwitizya bo indikubumalilo ubwa chisu ichapasi, sona bo umoyo wane ghukutamiwa nkani. Po undongozezye kwilyalabwe itali nkani ukunchila.

Masalimo 65:2

Awe we ukwivwa inyiputo, abantu bosi bizaghe kukwako.

Masalimo 86:13

Pakuti ulughano lwako papane lukulu nkani. Waghupoka umuzimu wane kubuzilo ubwibizu ubwa bafwe.

Yesaya 14:9

“Ipumpa lyighukite ukuti likupokele awe, sona lyavundumuzya imizimu iya bafwe pakukulamuka, abantu bosi babo bakaba balongozi muchisu ichapasi, likubanyamusya pavitengo vyabo ivya bumwene, sona na bamwene bosi aba inko.

Nkuto 3:55

“Wee Mwene, nkakwitizya bo indi muchiliba ichibizu chila.

Ezekiyeli 26:20

po nkwiza pakukusumba pasi poka na babo bakubuka kwipumpa, abantu abakale. Nkwiza pakukwikazya kusi kuchisu, mubuzilo ubwakale nkani, poka na bantu babo bakubuka kubuzilo ubwabafwe, mutakwiza pakunyokela sona nayumo uwakwikala mukasi mumwako, pamo pakusenda ubuzilo bwako muchisu icha abantu abumi.

Ezekiyeli 31:14

Polelo ghatalipo amakwi aghanji ghagho matali napapo ghangamela pamizi, sona litalipo ikwi lilyo lingakula nukufika kumwanya, ghatalipo ghagho ghali mulubazu ulwa mizi ghangaba matali bunubu ukufika kumwanya. Pakuti amakwi ghosi ghakufwa ngati mumo abantu bosi bakufwila, nukwinjila muchisu icha bantu abafwe.

Matayi 12:40

U Yona akikala amasiku matatu mulwanda ulwa swi inkulu, umwakuyana bulo, wepe u Mwana uwa Muntu akwiza pakwikala mukasi mwitope amasiku matatu umusanya nu busiku.

Luka 11:10

Pakuti umuntu wesi yuyo akulaba akwiza pakupokela, sona umuntu wesi yuyo akulonda akwiza pakuvyagha, sona umuntu wesi yuyo akukong'osya, ulwiyi lukwiza pakumwighukila.

Luka 22:44

U Yesu akayimba nkani mumoyo wache nukwiputa umwakufikapo. Amafuku ghache ghakatonyela pasi ngati lyo libanda.

Imbombo 2:27

Pakuti utakwiza pakundeka muchisu icha bantu abafwe, sona utakwiza pakwitikizya ukuti ne mubombi wako umusubiliwa imbolaye.

Aba Hebeli 5:7

Mumasiku agha bumi bwache muchisu ichapasi, u Yesu akiputa nukulambilizya kwa Chala umwakukolomoka ukukulu nkani, sona na masozi pakumulilila yuyo angamupoka kubufwe. U Chala akamwivwa pachifukwa ichakwiyisya nukwiyipa kwache.

1 Samuweli 1:16

Utakampimaye ne wambombo wako pakuba ne mukolo umubibi. Namulililagha u Mwene pachifukwa icha ntamyo inkulu zizyo indi nazyo.”

1 Samuweli 30:6

U Devedi akaba muntamyo inkulu nkani, pakuti chikabababa nkani abantu bache pachifukwa icha bana na bachi babo umwakuti bakalondagha pakumusumba na mabwe. Loli u Mwene, u Chala wache akamukazya.