Yona 1:9 - IBAYIBOLO 2024

⁹ U Yona akamula akati, “Ane ne mu Hebeli sona nkumwiputa u Mwene u Chala uwakumwanya, yuyo akapela inyanja ni chisu ichapasi.”

Yona 1:9 Iomraidhean Croise

Ubwandilo 1:10

U Chala akachita ichisu ichumizu chila ukuti, “Ichisu ichapasi.” Po amizi ghagho ghakabungana pabuzilo boka akaghita ukuti, “Nyanja.” U Chala akennya ukuti ichi chikaba chiza bulo.

Ubwandilo 14:13

Loli umuntu yumo yuyo akapona, akiza kwa Abulamu umu Hebeli nukumupangila vyosi. U Abulamu, yuyo akikalagha papipi na makwi agha mupandapanda agha Mamule, yuyo akaba wamu Amoli, umukamu uwa Eshikolo nu Aneli. Bosi banaba bakapanga akabukatila koka nu Abulamu.

Ubwandilo 24:7

U Mwene u Chala uwakumwanya, yuyo akanyefya kunyumba iya bapapi bane, sona ni chisu chicho nkapapiliwako, akandapizya ukuti akwiza pakubapa abaluko lwane ichisu chinichi. Akwiza pakumutuma uwantumi wache kuntazi kukwako, kulakula ko kuko umusendele umukolo umwana wane.

Ubwandilo 39:14

akabitizya abambombo abanji munyumba yila nukubabuzya ukuti, “Ennya zizyo umu Hebeli, yuyo umulume wane akiza nawe munyumba muno pakutusamula! Injiye kuchipinda chane ukuti ingone nawe, loli nakolomokite.

2 Abamwene 17:25

Bo banda bulo pakwikala mulamula, batakamwiputagha u Mwene. Po u Mwene akabatumila inkalamu, zizyo zikabalya abantu bamo pakasi papabo.

2 Abamwene 17:28

Po umuputi weka pakasi pa baputi babo bakaba bazya ukufuma mu Samaliya akabuka pakwikala mu Beteli pakubamanyisya abantu namumo bangiputila kwa Mwene.

Ezila 1:2

“U mwene u Sayilasi uwamu Peleziya ati, “ ‘U Mwene u Chala uwakumwanya anyimika ukuti imbanje ne mulaghili uwa chisu chosi ichapasi sona ansalite ukuti imuzengele Inyumba mu Yelusalemu muchisu icha Yuda.

Ezila 5:11

Bakatwamula bakati, “Aswe twe babombi aba Chala uwakumwanya ni chisu ichapasi. Po tukuzenga sona Inyumba iya Chala, yiyo u mwene usongo uwa Izilayeli akayizenga amaka aminji nkani ghagho ghachila.

Nehemiya 1:4

Bo nivwa amazyu ghanagha, nkikala pasi nukulila. Naloli nkalila nukutuzya pakulya sona nkiputa kwa Chala uwakumwanya amasiku aminji nkani.

Nehemiya 2:4

U mwene akandalusya akati, “Nkimba ukulonda pakundaba ichoni?” Nkiputa kwa Chala uwakumwanya,

Nehemiya 9:6

Awe we Mwene mpela. Ukapela kumwanya sona na kumwanya nkani ni ntondwa zyosi ni chisu ichapasi poka na vyosi vivyo vili mulamula ni nyanja poka na vyosi vivyo vili mulamula. Awe ukavipa ubumi ivintu vyosi, sona vyosi ivya kumwanya vikukwiputa.

Yobu 1:9

U Satana akamula akati, “Nkimba ukwinong'ona ukuti u Yobu akukunyila pabulo?

Masalimo 136:26

Mumupalizyanje u Chala uwakumwanya. Ulughano lwache lwa bwila na bwila.

Ukufuma 1:15

U mwene uwa Ijiputi akababuzya abazamba aba Chihebeli babo bakapapizyanga abakolo, babo bakaba we Shifula nu Puwa akati,

Ukufuma 2:13

Ilya ndabi akabendela sona nukubennya aba Hebeli babili bakulwa. U Mozesi akamulalusya yuyo akananga akati, “Nkimba choni chicho ukumukoma umu Hebeli uwamwinyu?”

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Hoseya 3:5

Loli bo pachilapo akabalilo aba Izilayeli bakwiza pakunyokela nukumulondelezya u Mwene u Chala wabo, sona nu Devedi u mwene wabo. Bakwiza kwa Mwene bo bakutetema umwakuti bapokele ubwiza bwache ubwa bumalilo.

Imbombo 14:15

“Mwebaya mwee, choni chicho mukubomba zinizi? Aswe twe bantu bulo ngati mwemwe! Tuli pano pakulumbilila kukwinyu Amazyu Amiza, ukuti muvileke ivintu ivibibi nukumukonka u Chala umumi, yuyo akapela kumwanya, ni chisu ichapasi, ni nyanja, sona na vyosi vivyo vili mulamula.

Imbombo 27:23

Ubusiku bubo bwamalagha uwantumi uwakumwanya uwa Chala, yuyo wane, sona yuyo nkumuchindika akanyizila kukwane,

Aba Filipi 3:5

Pakuti nkasilimuliwa pisiku ilya eyiti. Ane ne mu Izilayeli mukapapiliwe, uwaluko ulwa Benjamini, sona umu Hebeli umwenecho. Pakunena nizya ndaghilo izya Chiyuda, ane nkaba ne wa kabukatila aka ba Falisayi.

Ubuvumbuli 11:13

Pakabalilo kalakala kukaba akasenyenta akakulu nkani, umwakuti ichigaba choka pa vigaba 10 ivya kaya akakulu nkani vikananganika, sona abantu 7,000 bakaghoghiwa. Abantu bosi abanji bakatetema nukumuchindika u Chala uwakumwanya.

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”

Ubuvumbuli 16:11

Bakamughuna u Chala uwakumwanya pachifukwa icha bubavu ni vilonda vyabo. Loli batakapinduka pamo ukuzileka imbombo zyabo imbibi zizyo bakabombagha.