Yona 1:6 - IBAYIBOLO 2024

⁶ Usongo uwa bwato yula akikila kuko kukaba u Yona, nukumulalusya ukuti, “Nkimba choni chicho ukughona utulo utwakufwa nato? Nyamuka, iputa kwa chala wako! Lumo angatupelela ichisa nukutuleka twe bumi.”

Yona 1:6 Iomraidhean Croise

2 Samuweli 12:22

U Devedi akamula akati, “Bo umwana yula achili mumi, nkatuzya pakulya nukulila. Nkinong'onagha ukuti, ‘Lumo u Mwene angampelela ichisa nukumuleka umwana yula mumi.’

Esitele 4:16

“Buka ubabungannye poka aba Yuda bosi babo bali mukaya akakulu nkani aka Susa nukuntuzikizya pakulya. Mutakalyanje pamo ukung'wela pamusanya na pabusiku ukwa masiku matatu. Ane na bambombo bane abalindu tukwiza pakutuzya pakulya. Po nkwiza pakubuka pamaso pa mwene, napapo chitakwitikiziwa ni ndaghilo. Nanti nkufwa, infwanje bulo.”

Masalimo 107:6

Muntamyo zyabo, bakamulilila u Mwene, akabapoka mumayimba ghabo.

Masalimo 78:34

Nanti u Chala akubaghogha, abene bakamulondelezyanga. Bakapinduka nukumulondelezya u Chala nu moyo wabo ghosi.

Yesaya 3:15

Nkimba mukung'anamula choni pakubayivya abantu bane, sona nukubabombela ububibi abantu bane?” U Mwene Uwamaka Ghosi anena.

Ezekiyeli 18:2

“Nkimba mukung'anamula choni nanti mukupyanizya ichili muchisu icha Izilayeli ukuti, ‘Abanyenya bakalyanga amampesya aghakubaba, sona amino aghabana ghakawa ubwazi’?

Yoweli 2:11

Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

Amosi 5:15

Mububenge ububibi, mubughane ubwiza, sona mubombe ubwanaloli pabulongi. Lumo u Mwene u Chala Uwamaka Ghosi akwiza pakubapelela ichisa abantu abakusyalako abaluko ulwa Yosefu.

Yona 3:8

Umuntu wesi avwale amasaka, vyope ivinyamana vivwale amasaka nukumwiputa nkani u Chala. Umuntu wesi ayileke inkalo yache imbibi sona ni mbombo zyabo imbibi.

Yona 3:9

Nkimba wewenu angazimanya ukuti pamo u Chala angatozolako ubukali bwache ubwakoghofya, umwakuti tutakazimile?”

Imbombo 21:13

Loli u Pabuli akamula akati, “Nkimba choni chicho mukulila nukumpa ichitima? Intiyanizye kwene pakupinyiwa, loli na pakufwa bulo mu Yelusalemu pachifukwa icha Mwene u Yesu.”

Aba Loma 13:11

Mubaghiye pakubomba zinizi, pakuti muzimenye ukuti akabalilo kakwana akakuti mulamusye mutulo. Pakuti akabalilo akakupokeliwa kali papipi nkani ukuchila akabalilo kako tukandilagha pakusubila.

Aba Efeso 5:14

pakuti ulukozyo lo lulo lukulanjizya ichintu chosi pabuzelu. Cho chifukwa zikuneniwa ukuti, “Nyamuka awe we ughonite utulo, zyuka kubufwe, po u Kilisitu akwiza pakukulamila.”