Yona 1:2 - IBAYIBOLO 2024

² “Bukagha kukaya akakulu nkani aka Ninive nukulumbilila amazyu sona nukubasusya pachifukwa ichakuti nennya ububibi bwabo.”

Yona 1:2 Iomraidhean Croise

Ubwandilo 10:11

Ukufuma kulakula akabuka mu Asiliya nukuzenga akaya akakulu nkani aka Ninive naka Lehoboti naka Kala

2 Abamwene 19:36

Po u mwene u Senakelibu uwamu Asiliya akanyokela ku Ninive nukwikala kulakula.

2 Imbili 28:9

Loli u Odedi umulaghuzi uwa Mwene akaba kulakula, po akabuka pakukomana na basilikali bo banyokako ku Samaliya. Akababuzya akati, “Pachifukwa ichakuti u Mwene, u Chala uwa banyenya binyu abakalaliye abantu aba mu Yuda, akababika munyobe zyinyu. Loli amwe mwabaghogha mubukalale nkani bubo bwafika na kumwanya.

Ezila 9:6

Po nkiputa nkati, “Wee Chala wane, indi ni soni ni chitima nkani, umwakuti intanginusizya icheni chane kukwako, pachifukwa imbibi zyitu zichilite pamitu yitu sona ukunanga kwitu kufikite kumwanya.

Yesaya 37:37

Po u mwene u Senakelibu uwamu Asiliya akanyokela ku Ninive nukwikala kulakula.

Yesaya 58:1

U Mwene akuti, “Kolomoka nkani, utakalekaye, kwezya izyu lyako ngati lipati. Babuzye abantu bane nizya kusambuka kwabo, sona ni mbibi izya bamunyumba iya Yakobo.

Yelemiya 20:9

Loli nanti nkunena nkuti, “Ntakwiza pakumutambula u Mwene, pamo pakulinena itabwa lyache,” pakuti izyu lyache lili mumoyo wane ngati moto, lili ngati moto ghugho ghukocha mumafupa ghane. Nalita pakulisunga mukasi, naloliloli ntangachibomba.

Ezekiyeli 2:7

Ubabuzye amazyu ghane, manyi bakwivwa pamo batakwivwa, pakuti basambuke.

Hoseya 7:2

Loli batakuzyaghannya, ukuti nkuzikumbuka imbombo zyabo zyosi imbibi. Imbibi zyabo zikubamila, akabalilo kosi bali pamaso papane.

Yona 3:2

“Bukagha ku Ninive, kukaya akakulu nkani kala, pakulumbilila amazyu ghagho nkukubuzya.”

Yona 3:3

Po u Yona akamwivwila u Mwene, sona akanyamuka nukubuka ku Ninive, kuko ubutali bwache bukaba bwakuyana nu bulendo ubwa masiku matatu.

Yona 4:11

Po zingaba bulibuli nane, nkimba intangaba ni chitima nakaya akakulu nkani aka Ninive, mumo muli abantu abakuchila 120,000, babo batamenye pakulesannya ichintu ichiza ni chibibi, sona mumo vilimo ivitekwa ivyinji nkani?”

Mika 3:8

Loli ane, nizuye na maka, nu Muzimu uwa Mwene, sona nu bwanaloli na maka, ukuti imbabuzye abaluko ulwa Yakobo imbibi zyabo, sona nukunanga ukwa Izilayeli.

Nahumu 1:1

Agha gho mazyu aghabulaghuzi agha Mwene aghakunena nizya kaya aka Ninive. Ibuku ilya chisetuka icha Nahumu umu Elikoshi.

Nahumu 3:19

Chitalipo nachimochimo ichakupozya ichilonda chako, sona ukuvulala kwako kutangapola. Wesi yuyo akwivwa nizya ipangwi lyako, akuhoboka nukukoma inkufi pachifukwa icha kuwa kwako. Nkimba alipo yumo umuntu yuyo aponite kubukali bwako ubusita kumala?

Matayi 10:18

Pachifukwa icha nene bakwiza pakubasitaka pamaso pa balaghili napa bamwene na bantu abakuzi ukuti mubikile ubwakaboni nizya ane.

Matayi 12:41

Pisiku lilyo u Chala akwiza pakubalonga abantu abankulilo iyi, abantu aba mu Ninive bakwiza pakuzyuka kubufwe nukubasusya amwe pachifukwa ichakuti bakapinduka nukuzileka imbibi zyabo bo bivwa u Yona akulumbilila. Ilelo nkubabuzya ukuti pano pali ichintu chimo ichikulu ukuchila u Yona.

Yakobo 5:4

Abambombo babo bakinulagha mumaghunda ghinyu mutabalipiye. Teghelezya amilumbusyo ghabo. Inkuta iya binuli bala yivwika mumakutu agha Chala u Mwene Uwamaka Ghosi.

Ubuvumbuli 18:5

Pakuti imbibi zyache zyalundinkana pakufika kumwanya, u Chala akumufunda pachifukwa icha bubibi bwache.