Yohani 4:10 - IBAYIBOLO 2024

¹⁰ U Yesu akamwamula akati, “Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.”

Ulufingo Ulupya

¹⁰ U Yesu akamwamula akati, “Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.”

Yohani 4:10 Iomraidhean Croise

Masalimo 10:17

Wee Mwene ukwivwa ukulaba ukwa bantu abakwiyisya, ughakazyanje amoyo ghabo nukwivwa inyiputo zyabo.

Masalimo 46:4

Pali ulusoko lumo lulo utusoko twache tukubahobosyanga abantu aba mukaya akakulu nkani aka Chala, ubuzilo bubo buzelu bubo Uwakumwanya Nkani akwikalako.

Ukufuma 17:6

Nkwiza pakwima pantazi papako pibwe pighamba ilya Sinayi. Ukome ibwe lila, po amizi ghakwiza pakufuma ukuti abantu bang'wele.” Po u Mozesi akazibomba zinizi pantazi pa balongozi aba ba Izilayeli.

Inyimbo izya Solomoni 4:15

Awe we mbwibwi iya mizi yiyo yili mumughunda, we chiziba icha mizi amiza, ghagho ghakufuma musoko izya mu Lebanoni.

Yesaya 12:3

Nulusekelo mukwiza pakusembamo amizi muchiziba icha bupoki.

Yesaya 35:6

Umulemazu akwiza pakunyela ngati mbabala, ululimi ulwa chinunu lukwiza pakukolomoka umwalusekelo. Pakuti imbwibwi zikwiza pakwighuka munkolongo, tope utusoko tukwiza pakwenda munkolongo.

Yesaya 42:6

Ane, ne Mwene, nakwitizya mubugholosu, nkwiza pakukulema panyobe. Nkwiza pakukusungilila, pakuba lufingo ku bantu, sona pakuba lukozyo ku inko izinji,

Yesaya 43:20

Napapo vinyamana ivya munkolongo vikunchindika, abakambwe ni nkukutembo vikwiza pakumpala, pachifukwa ichakuti nkuvipa amizi munkolongo, ukuti imbape amizi abantu bane abasaliwa munkolongo.

Yesaya 44:3

Pakuti nkwiza pakupungulila amizi pachisu ichanyota, nukubika utusoko pachisu ichumizu, Nkwiza pakupungulila u Muzimu wane pabana binyu, sona nu lusayo lwane pabaluko lwinyu.

Yesaya 49:10

Batakwiza pakuba nizala pamo ni nyota, pamo ichitukizu pamo izuba vikwiza pakubocha. Yuyo ali ni chililizi papabo akwiza pakubalongozya, nukubalongozezya ku mbwibwi izya mizi.

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Yelemiya 2:13

“Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Ezekiyeli 16:35

U Mwene akambuzya akati, “Mubuzye u Yelusalemu ukuti, ‘Polelo, awe we malaya, ivwa amazyu agha Mwene!

Zekaliya 13:1

U Mwene Uwamaka Ghosi akuti, “Pisiku lilalila imbwibwi yikwiza pakubighukila abamunyumba iya Devedi, sona na bantu babo bakwikala mu Yelusalemu, ukuti yibaswefye kumbibi zyabo naku bunyazu bwabo.

Zekaliya 14:8

Pisiku linilyo amizi amapela bumi ghakwiza pakwendagha ukufuma mu Yelusalemu, u hafu ghakwiza pakwendagha kubufumilo ubwa Nyanja Imfwe, sona u hafu uyunji ghakwiza pakwendagha kubwinjililo ubwa Nyanja iya Medeteleniya pachisanya napa chisiku.

Luka 11:13

Nanti mwe bantu mwe babibi mumenye pakubapa ivintu ivyiza abana binyu, zili bulibuli nu Ghuso uwakumwanya? Nkimba angapotwa pakubapa u Muzimu Umuzelu abantu babo bakumulaba?”

Yohani 16:3

Abantu bakwiza pakubabombela zinizi pakuti batamumenye Utata, sona nane bulo batamenye.

Yohani 17:3

Nanti abantu bakumanye awe, we Chala wemwene uwanaloli, sona nukumumanya u Yesu Kilisitu, yuyo ukamutuma, bakwiza pakuba nubumi ubwa bwila na bwila.

Yohani 3:16

Pakuti u Chala akabaghana nkani abantu aba muchisu ichapasi, umwakuti akabapa u Mwana wache mwene na mwene, kokuti umuntu wesi yuyo akumusubila atakafwanje, loli abanje nubumi ubwa bwila na bwila.

Yohani 4:14

Loli umuntu wesi yuyo akung'wela amizi ghagho nkwiza pakumupa atakwiza pakubapo nalumolumo ni nyota. Amizi ghagho nkwiza pakumupa ghakwiza pakuba mumwache ngati yo mbwibwi iya mizi amapela bumi nukumupa ubumi ubwa bwila na bwila.”

Yohani 6:35

U Yesu akababuzya akati, “Ane ne chibama ichipela ubumi. Umuntu wesi yuyo akwiza kukwane atakwiza pakubapo nalumolumo nizala, sona umuntu wesi yuyo akunsubila atakwiza pakubapo nalumolumo ni nyota.

Yohani 6:51

Ane ne chibama ichipela ubumi chicho chikika ukufuma kumwanya. Nanti umuntu wesi akulya ichibama chinichi, akwiza pakubangako bwila na bwila. Ichibama chicho nkwiza pakumupa gho mubili wane, chicho nkupa ukuti ichisu ichapasi chibanje nubumi.”

Imbombo 9:11

U Mwene akamubuzya akati, “Nyamuka nukubuka kuzila yiyo bakatinji, ‘Izila Ingoloke.’ Kulakula kunyumba iya Yudasi umubuzikizye umuntu yumo itabwa lyache we Sabuli, yuyo afumite ku Talisa. Ali pakwiputa,

Aba Loma 8:32

Ate we Chala, awe, yuyo atakatwima u Mwana wache, loli akamubika ukuti chibanje chakwiyipa pachifukwa icha twebosi! Akatupa u Mwana wache, nkimba atangatupa sona pabulo ivintu vyosi?

1 Aba Kolinti 1:30

U Chala weyuyo abamamatizya poka nu Kilisitu u Yesu, sona akamupima pakuba mahala ghitu. Ukwendela mumwache, twaneniwa pakuba bantu bagholosu pamaso pa Chala. Aswe twaba bantu abazelu aba Chala, sona twapokiwa.

1 Aba Kolinti 10:4

sona bosi bakang'wela ichakung'wela ichakuyana bulo ichabuzimu. Pakuti bakang'wela amizi aghakufuma kwibwe ilya buzimu, lilyo likabuka poka nabo. Ibwe lila akaba we Kilisitu umwenecho.

2 Aba Kolinti 9:15

Amapalo ghabanje kwa Chala pachifukwa icha chabupi chache chicho chitakuneniwa.

Aba Efeso 2:8

U Chala akabapoka muchisa chache ukwendela mu lwitiko lwinyu. Ichi chite chifukwa icha kwiyula kwinyu, loli chabupi icha Chala.

Aba Hebeli 6:4

Chipala nkani na bantu babo bakalukana ulwitiko lwabo ukuti bapinduke sona. Abantu banaba bakapokelapo ulukozyo ulwa Chala, nukuyezyapo ivyabupi ivya kumwanya, sona nukupokela ichigaba icha Muzimu Umuzelu.

1 Yohani 5:20

Tuzimenye ukuti u Mwana uwa Chala iza, nukutupa amahala aghakivwisizye, umwakuti tumumanye yuyo wanaloli. Aswe tukwikala mukumamatilana poka nu Chala wanaloli, sona nu Mwana wache u Yesu Kilisitu. U Yesu Kilisitu we Chala wanaloli, we bumi ubwa bwila na bwila.

Ubuvumbuli 21:6

Akambuzya akati, “Kwamala. Ane ne Alefa nu Omega. Ane ne Bwandilo nu Bumalilo. Umuntu wesi yuyo ali ni nyota, nkwiza pakumupa amizi agha pabulo aghakufuma pambwibwi iyabumi.

Ubuvumbuli 22:17

U Muzimu Umuzelu nu mukolo yuyo akusendwa bakuti, “Zagha!” Umuntu wesi yuyo akwivwa zinizi, wepe anene ati, “Zagha!” Umuntu wesi yuyo ali ni nyota, ize. Umuntu wesi yuyo akughalonda, muleke asende pabulo amizi amapela bumi.

Ubuvumbuli 7:17

Pakuti u Mwana uwa ng'ozi, yuyo ali pakasi na pakasi pachitengo icha bumwene akwiza pakuba mudimi wabo. Akwiza pakubalongolela ku mbwibwi iya mizi amapela bumi. U Chala umwenecho akwiza pakubasyumula amasozi ghosi.”