Yohani 3:5 - IBAYIBOLO 2024

⁵ U Yesu akamula akati, “Naloli nkukubuzya ukuti nayumo umuntu yuyo anginjila mu Bumwene ubwa Chala, ukusita ukupapiwa sona kumizi, na ku Muzimu Umuzelu.

Ulufingo Ulupya

⁵ U Yesu akamula akati, “Naloli inkukubuzya ukuti nayumo umuntu yuyo anginjila mu Bumwene ubwa Chala, ukusita ukupapiwa sona kumizi, na ku Muzimu Umuzelu.

Yohani 3:5 Iomraidhean Croise

Matayi 18:3

nukuti, “Naloli nkubabuzya ukuti ukusita pakuba ngati bo bana, mute mukinjilemo nalumolumo mu Bumwene ubwa Kumwanya.

Matayi 19:24

Nkunena sona ukuti chipala nkani ukuti umuntu umukabi injile mu Bumwene ubwa Chala ukuchila ukuti ingamila yinjile mu kabwazi aka sindano.”

Matayi 21:31

Pa bana babili aba, nkimba wewenu akabomba chicho uwise akalondagha?” Bakamula bakati, “Usongo yula.” Po u Yesu akababuzya akati, “Naloli nkubabuzya ukuti abasonkezya sonko na bamalaya bakubachila pakwinjila mu Bumwene ubwa Chala.

Matayi 28:19

Po bukagha pakasi pabantu aba inko zyosi nukubapela pakuba bamanyili bane. Mubozyanje mwitabwa ilya Tata, nilya Mwana nilya Muzimu Umuzelu.

Matayi 3:11

Ane nkubozya na mizi pakulanjizya ukuti naloli mwapinduka nukuzileka imbibi zyinyu. Loli pisinda papane akwiza yumo yuyo ali namaka ukunchila. Ane intabaghiye na panandi pakunyamula inkwato zyache. Akwiza pakubozya nu Muzimu Umuzelu numoto.

Matayi 5:20

Po nkubabuzya ukuti mukwiza pakwinjila mu Bumwene ubwa Kumwanya, pene papo nanti mwe basubiliwa nkani ukuchila abamanyisi aba Ndaghilo naba Falisayi pakubomba zizyo u Chala akulonda.

Maliko 10:14

Bo u Yesu azyaghannya, akakalala nkani nukubabuzya abamanyili bache ukuti, “Baleke abana bize kukwane, mutakabakanizye pakuti Ubumwene ubwa Chala ubwa bantu babo bali ngati bo aba.

Maliko 16:16

Umuntu wesi yuyo akusubila nukoziwa akwiza pakupokiwa; sona umuntu wesi yuyo atakusubila akwiza pakufundiwa.

Maliko 9:47

Sona nanti ilyiso lyako likukupuvya, likolompolelyo! Pakuti chizapo pakwinjila mu Bumwene ubwa Chala ni lyiso lyoka ukuchila pakwinjila na maso ghosi mabili nukusumbiwa mu Gehena, pamoto ghugho ghutakuzima nalumo.

Luka 13:24

“Yezya nkani pakwinjila pamulyango umufinye. Pakuti abantu abinji bakwiza pakuyezya nkani pakwinjilapo, loli bakwiza pakupotwa.

Luka 13:3

Awe! Nkubabuzya ukuti nanti mutakupinduka nukuzileka imbibi zyinyu mwebosi mukwiza pakufwa ukuyana namumo bakafwila.

Luka 13:5

Awe! Nkubabuzya ukuti nanti mutakupinduka nukuzileka imbibi zyinyu mwebosi mukwiza pakufwa ukuyana namumo bakafwila.”

Yohani 1:13

Pakwanduka bana aba Chala, batakapapiwa ukuyana namumo abana bakupapiliwa pachifukwa icha bwighane ubwa muntu, loli bakapapiliwa mwa Chala.

Yohani 3:3

U Yesu akamula akati, “Naloli nkukubuzya ukuti nayumo umuntu yuyo anginjila mu Bumwene ubwa Chala ukusita ukupapiwa sona.”

Yohani 3:4

U Nikodemu akamulalusya akati, “Umuntu usongo angapapiwa bulibuli sona? Naloli atanginjila sona mulwanda ulwa nyina nukupapiwa akabubili.”

Imbombo 2:38

U Pitala akababuzya akati, “Mwebosi mupinduke nukuzileka imbibi zyinyu nukoziwa mwitabwa ilya Yesu Kilisitu. Po u Chala akwiza pakubahobokela imbibi zyinyu, nukupokela ichabupi icha Muzimu Umuzelu.

Imbombo 3:19

Muzileke imbibi zyinyu nukupindukila kwa Chala, ukuti azimye imbibi zyinyu. Nanti mukubomba bunubu u Mwene akwiza pakubapa akabalilo akakutuzikizya,

Aba Loma 14:17

Pakuti Ubumwene ubwa Chala bute ni mbombo ni vyakulya ni vyakung'wela, loli ubugholosu nu mutende, sona nu buhobosu, vivyo u Muzimu Umuzelu akupa.

Aba Loma 8:2

Pakuti indaghilo izya Muzimu Umuzelu zizyo zikutupa aswe ubumi ukwendela mwa Kilisitu u Yesu, zinyabuye ku ndaghilo izya mbibi na kubufwe bulo.

1 Aba Kolinti 15:50

Mwee bakamu bane, chicho nkunena chakuti, inyama ni banda vitangapyana Ubumwene ubwa Chala, sona chicho chibozu chitangapyana chicho chite chibozu.

1 Aba Kolinti 2:12

Aswe tutakapokela umuzimu uwa muchisu ichapasi, awe, loli tukapokela u Muzimu Umuzelu yuyo akufuma kwa Chala, umwakuti tungavimanya vivyo u Chala atupiye.

1 Aba Kolinti 6:11

Umu momumo bamo mumwinyu mukabela, loli mukaswefiwa nukupaghuliwa, sona mwaneniwa ukuti mute ninongwa nayimoyimo pamaso pa Chala mwitabwa ilya Mwene u Yesu Kilisitu, sona nukwendela mu Muzimu uwa Chala witu.

Aba Galatiya 6:15

Manyi kusilimuliwa pamo ukusita ukusilimuliwa vitakung'anamula nachimo. Loli chicho chili ni ching'anamulo chakuti umuntu abanje chipeliwa ichipya.

Aba Efeso 5:26

Akabomba zinizi ukuti achipaghulile ichipanga kwa Chala, bo achiswefya tasi pakuchisuka na mizi, sona na mazyu ghache.

1 Pitala 1:2

U Tata u Chala akabasalila zila ukuyana ni mbatiko zyache. Akabapaghula pakuba bantu abazelu mwa Muzimu Umuzelu, umwakuti mumwivwile u Yesu Kilisitu, sona nukuswefyiwa ni banda lyache. U Chala abizuzye ni chisa nu mutende.

1 Pitala 3:21

Amizi ghanagha cho chimanyilo icha lozyo, lulo ilelo lukubapoka ukwendela mukuzyuka kubufwe ukwa Yesu Kilisitu. Ulozyo lute ko kusuka ichiko icha mu mubili, awe. Loli lilayizyo lilyo likapangiwa kwa Chala pachifukwa icha mabyebye umwiza.

1 Yohani 2:29

Nanti muzimenye ukuti u Kilisitu mugholosu, kokuti muzimenye sona ukuti umuntu wesi yuyo akubomba ubugholosu, mwana wa Chala.

1 Yohani 5:1

Umuntu wesi yuyo akusubila ukuti u Yesu we Mesiya umusaliwa yula, kokuti mwana uwa Chala. Sona umuntu wesi yuyo amughanite u Wise, abaghanite sona na bana bulo.