Yohani 2:4 - IBAYIBOLO 2024

⁴ U Yesu akamwamula akati, “Mayi, utakambuzyanje izyakubomba. Akabalilo kane kachili katakwanite.”

Ulufingo Ulupya

⁴ U Yesu akamwamula akati, “Mayi, utakambuzyanje izyakubomba. Akabalilo kane kachili katakwanite.”

Yohani 2:4 Iomraidhean Croise

2 Samuweli 16:10

Loli u mwene akamwamula u Abishayi nu wamwabo u Yowabu akati, “Vinivi vitakubapalamasya. Nanti akunguna kokuti u Mwene weyuyo amutumite ukuti, ‘Mughune u Devedi,’ sona yuyo ali na maka aghakumulalusya ukuti, ‘Nkimba choni chicho wabomba bunubu?’ ”

2 Samuweli 19:22

U Devedi akamula akati, “Nkimba zikubapalamasya bulibuli amwe mwe bana aba Zeluya ukuti ilelo mubanje mwe balwani bane? Nkimba ilelo umuntu yumo abaghiye pakughoghiwa mu Izilayeli muno? Fwandi intazimenye ukuti ilelo ne mwene uwa ba Izilayeli?”

1 Abamwene 17:18

Umukolo yula akamubuzya u Eliya akati, “Wee muntu uwa Chala, nkimba choni chicho wambombela bunubu? Fwandi wizite kuno pakunkumbusya imbibi zyane nukungoghela umwana wane?”

Umulumbilili 3:1

Pakuti kosi kako kakuboneka pachisu ichapasi kakuboneka pakabalilo kako u Chala akasala.

Matayi 15:28

Po u Yesu akamwamula akati, “Wee mukolo uwa lwitiko ulukulu! Vivyo ukulonda vikwiza pakubombiwa kukwako.” Sona akabalilo kanako umwana umulindu yula akapola.

Matayi 8:29

Abantu bala bakakolomoka nkani bakati, “Nkimba ukulonda ichoni naswe we Mwana uwa Chala? Nkimba wiza pakutufunda, bo na kabalilo kache katafikiye?”

Luka 2:49

U Yesu akabamula akati, “Nkimba choni chicho mwandondagha? Mutazimenye ukuti imbaghiye pakuba munyumba iya Tata wane?”

Yohani 12:23

U Yesu akabamula akati, “Akabalilo kakwana ukuti u Mwana uwa Muntu apokele ubuchindamu ubukulu.

Yohani 13:1

Kukasyalako bulo isiku lyoka ukuti Ulusekelo ulwa Pasa lubombiwe. U Yesu akazimanyila zila ukuti akabalilo kache kakwana akakuti achileke ichisu ichapasi nukubuka kwa Wise. Abaghanite nkani abantu bache aba muchisu ichapasi, sona akabaghana mupaka pisiku ilyabumalilo ilya bumi bwache pachisu ichapasi.

Yohani 2:3

Bo uvinyo amala, unyina uwa Yesu akamubuzya akati, “Uvinyo amala.”

Yohani 20:13

Bakamulalusya bakati, “Wee mukolo, nkimba ukulila ichoni?” Akabamula akati, “Bamwefizyemo u Mwene wane, sona intamenyeko na kuko bamubikite!”

Yohani 20:15

U Yesu akamulalusya akati, “Wee mukolo, choni chicho ukulila? Nkimba ukumulonda wewenu?” U Maliya akinong'onagha ukuti akaba mulindilili uwa mughunda, po akamubuzya akati, “Wee Mwene, nanti wewe umunyamuye, mbuzya kuko umubikite ukuti imbuke nukumusendako.”

Yohani 7:30

Po bakalondagha pakumulema, loli atakabapo nayumo umuntu uwakumupalamasya pakuti akabalilo kache kakaba kachili katakwanite.

Yohani 7:6

U Yesu akanena nabo akati, “Akabalilo kane akiza kachili katakwanite, loli kukwinyu akabalilo kosi kiza bulo.

Yohani 7:8

Amwe bukagha ku lusekelo. Ane intakubukako pakuti akabalilo kane akiza kachili katakwanite.”

Yohani 8:20

U Yesu akanena amazyu ghosi ghanagha bo akumanyisya mu Nyumba iya Chala, muchipinda mumo mukaba ichakusopelamo ivyabupi. Loli atakabapo nayumo umuntu uwakumulema pakuti akabalilo kache kakaba kachili katakwanite.

2 Aba Kolinti 5:16

Polelo ukwandila akabalilo aka, tutakumulonga nayumo umuntu ukuyana ni nyinong'ono izya buntu. Napapo pakabalilo kamo tukamulonga u Kilisitu ukuyana ni nyinong'ono izya buntu, tutakubombapo nalumolumo bunubu.

Ukukumbusya Amalamulo 33:9

U Levi akaghivwila amazyu ghako, nukulusunga ulufingo lwako. Akaba musubiliwa nkani kukwako, ukumuchila uwise nu nyina, na bawamwabo, sona na bana bache.