Yohani 10:5 - IBAYIBOLO 2024

⁵ Zitakwiza pakumukonkapo nalumolumo umuntu uyunji bulo, loli zikumuchimbila pakuti zitizubizanizye nizyu lyache.”

Ulufingo Ulupya

⁵ Zitakwiza pakumukonkapo nalumolumo umuntu uyunji bulo, loli zikumuchimbila pakuti zitizubizanizye nizyu lyache.”

Yohani 10:5 Iomraidhean Croise

1 Abamwene 22:7

Loli u Yehoshafati akalalusya akati, “Nkimba atalipo umulaghuzi uwa Mwene uwakuti tungabuzikizyako?”

Ivyili 19:27

Wee mwana wane, nanti ukuchisulannya ichimanyisyo chane, ukwiza pakwepukako kumazyu agha mahala.

Maliko 4:24

Akababuzya sona akati, “Muchebaye nkani na zizyo mukwivwa! Ichipimilo chicho mukubombezya pabantu abanji, cho chicho u Chala akwiza pakubombezya papinyu, loli umwakuchilapo.

Luka 8:18

“Polelo muchebaye na zizyo mukwivwa. Umuntu wesi yuyo ali nako kale kamo, akwiza pakumonjelezyapo ivyinji ukuchila. Loli umuntu wesi yuyo ate nako kamo akwiza pakufyuliwa na kanandi bulo kako ali nako kale, napapo akwinong'ona ukuti ali nako kamo.”

Yohani 10:16

Indi ni ng'ozi izinji zizyo zite izya muchibagha ichi. Zyope bulo imbaghiye pakuzisenda. Zikwiza pakwivwa izyu lyane, po zikwiza pakuba mudimo ghoka nu mudimi weka.

Yohani 10:4

Bo azifumya zyosi kuzi, umwene akulongolela kuntazi, izyene ing'ozi zikumukonka mwisinda pakuti zilimenye izyu lyache.

2 Timoti 4:3

Pakuti akabalilo kakwiza, po abantu bakwiza pakuchikana ichimanyisyo ichanaloli. Loli bakwiza pakukonka ivinyonywa vyabo nukwibunganikila bene abamanyisi abinji, babo bakwiza pakubabuzya zizyo amakutu ghabo ghakunyeghela ukuti ghivwe.

1 Yohani 2:19

Naloli abantu banaba batakaba ba kabukatila kitu, cho chifukwa bakatuchimbila. Nanti bakabanga ba kabukatila kitu, ngali batakatuchimbila. Loli bakatuchimbila umwakuti chiboneke pabuzelu ukuti naloli atakabapo nayumo umuntu yuyo akaba wa kabukatila kitu.

1 Yohani 2:21

Nkubasimbila, chite chifukwa ichakuti mutabumenye, ubwanaloli, awe, loli pachifukwa ichakuti mukubumanya, sona muzimenye ukuti ubumyasi butangaghiwa mubwanaloli.

Ubuvumbuli 2:2

“Invimenye vyosi vivyo ukubomba. Nkumenye ukwiyula kwako nu bufisalyoyo bwako, sona imenye ukuti utakubennya bulo abantu abambibi. Abantu babo bakwinena bene ukuti batumiwa, loli bate batumiwa, wabayela nukubagha ukuti bamyasi.