Yohani 10:3 - IBAYIBOLO 2024

³ Umulindilili akumwighulila umulyango uwa chibagha chila. Ing'ozi zikwivwa izyu lyache bo akuzyitizya na matabwa ghabo nukuzifumizya kuzi.

Ulufingo Ulupya

³ Umulindilili akumwighulila umulyango uwa chibagha chila. Ing'ozi zikwivwa izyu lyache bo akuzyitizya na matabwa ghabo nukuzifumizya kuzi.

Yohani 10:3 Iomraidhean Croise

Masalimo 80:1

Wee mudimi uwa Izilayeli, tegha ikutu, wewe akumulongozya u Yosefu ngati mudimo uwa ng'ozi, we ukwikala pachitengo icha bumwene pakasi pa bakelubi. Ubalamilaye

Ukufuma 33:17

U Mwene akamubuzya u Mozesi akati, “Nkwiza pakuvibomba vivyo wandaba, pachifukwa ichakuti nkumenye nkani, sona nukuti inhobokite nawe.”

Ivyili 27:23

Wenelezyanje ukuti wazimanya ing'ozi zyako, sona uvisungililaye akiza ivitekwa vyako.

Inyimbo izya Solomoni 8:13

Awe we ukwikala mumughunda, abamanyani bane bakulonda bivwanje izyu lyako, po nyitikizya ukuti nane bulo indyivweko izyu lyako.

Yesaya 40:11

Akuzidima ing'ozi zyache ngati mudimi. Akutubunganika utwana utwa ng'ozi, nukutupakata munyobe zyache, nukuzilongozya akiza zizyo zili nutwana.

Yesaya 42:16

Nkwiza pakubalongozya abafwamaso muzila zizyo batazimenye, nkwiza pakubalongozya muzila zizyo mutenditemo nalumolumo. Nkwiza pakuchipela ichisi pakuba lukozyo pantazi papabo, ubuzilo ubwa vibanka butenganiziwe. Ivi vyo vivyo nkwiza pakubomba, ntakwiza pakubaleka nalumo.

Yohani 10:14

Ane ne Mudimi umwiza. Inzimenye ing'ozi zyane, sona zyope ing'ozi zyane zimenye

Yohani 10:16

Indi ni ng'ozi izinji zizyo zite izya muchibagha ichi. Zyope bulo imbaghiye pakuzisenda. Zikwiza pakwivwa izyu lyane, po zikwiza pakuba mudimo ghoka nu mudimi weka.

Yohani 10:4

Bo azifumya zyosi kuzi, umwene akulongolela kuntazi, izyene ing'ozi zikumukonka mwisinda pakuti zilimenye izyu lyache.

Yohani 10:9

Ane ne mulyango. Umuntu wesi yuyo akwinjilila mumwane akwiza pakupokiwa. Akwiza pakwinjila nukufuma, po akwiza pakuchagha ichakulya.

Yohani 6:37

Bosi babo Utata wane akumpa bakwiza kukwane, sona bosi babo bakwiza kukwane ntakwiza pakubasula,

Yohani 6:45

Abalaghuzi bakasimba bakati, ‘Bosi bakwiza pakumanyisiwa nu Chala.’ Umuntu wesi yuyo akwivwa zizyo u Tata akunena nukumanyila kukwache, weyuyo akwiza kukwane.

Aba Loma 8:30

Po sona abantu babo u Chala akabapaghula, bope akabitizya, sona babo akabitizya, bakaneniwa pakuba bantu bagholosu pantazi papache, sona akagabana nabo ubuchindamu bwache.

1 Aba Kolinti 16:9

Pakuti izila zyighukite ukuti ningabomba imbombo inkulu nkani, napapo balipo abantu abinji babo bakunsusya.

Aba Filipi 4:3

Eee, nkukulaba nawe bulo, we mubombi wamwitu umusubiliwa, ukuti ubavwe abakolo aba, pakuti bakabomba nkani poka nane pakufumusya Amazyu Amiza, poka nu Kelementi, sona na babombi abamwitu bosi, babo amatabwa ghabo ghasimbiwe mwibuku ilya bumi.

Aba Kolosi 4:3

Mutwiputilaye naswe bulo, umwakuti u Chala angatwighulila umulyango ukuti tulumbilile nizya kubusyefu izya Kilisitu, pakuti cho chifukwa indi mujele.

2 Timoti 2:19

Loli pope bulo ulwalo ulukafu, lulo u Chala azenga lutanganeng'ena napo panandi, sona papo pasimbiwe amazyu agha, “U Mwene abamenye abantu babo bache,” sona, “Umuntu wesi yuyo akwitika nu mulomo wache ukuti wa Mwene, apindukaye nukuzileka imbibi zyache.”

1 Pitala 1:12

U Chala akabavumbulila abalaghuzi bala ukuti batakibombelagha bo babo bene, loli bakababombelagha amwe. Abene bakanena nizya vintu vivyo vikalumbililiwa kukwinyu na balumbilili babo bakafumusyanga Amazyu Amiza ukwendela mwa Muzimu Umuzelu yuyo akafuma kumwanya. Na bantumi bulo aba kumwanya bakunyonywa nkani pakuvyennya ivintu vinivi.

1 Yohani 4:6

Loli aswe twe bache aba Chala. Umuntu wesi yuyo amumenye u Chala akututeghelezya. Loli umuntu wesi yuyo atamumenye u Chala atakututeghelezya. Umu momumo tungalesanizya Umuzimu uwa bwanaloli nu muzimu uwa bumyasi.

3 Yohani 1:14

Nkusubila pakukwennya losi ulu, sona tukwiza pakunenezannya pamaso na pamaso.

Ubuvumbuli 20:15

Umuntu wesi yuyo itabwa lyache litakasimbiwamo mwibuku ilya bumi, akasumbiwanga munyanja iya moto.

Ubuvumbuli 3:20

Ennya, nimiliye pamulyango nkukong'osya, nanti umuntu ivwa izyu lyane nukwighula umulyango, ane nkwiza pakwinjila nukulya poka nawe, sona wepe akwiza pakulya poka nane.

Ubuvumbuli 7:17

Pakuti u Mwana uwa ng'ozi, yuyo ali pakasi na pakasi pachitengo icha bumwene akwiza pakuba mudimi wabo. Akwiza pakubalongolela ku mbwibwi iya mizi amapela bumi. U Chala umwenecho akwiza pakubasyumula amasozi ghosi.”