Yohani 10:1 - IBAYIBOLO 2024

¹ U Yesu akati, “Naloli nkubabuzya ukuti umuntu wesi yuyo atakwendela pamulyango uwa chibagha icha ng'ozi, loli akupankula palubazu, yunuyu mwiba, sona livyondongo.

Ulufingo Ulupya

¹ U Yesu akati, “Naloli inkubabuzya ukuti umuntu wesi yuyo atakwendela pamulyango uwa chibagha icha ng'ozi, loli akupankula palubazu, yunuyu mwiba, sona livyondongo.

Yohani 10:1 Iomraidhean Croise

Yelemiya 14:15

Polelo, u Mwene akunena nizya balaghuzi akuti: Abalaghuzi babo bakulaghulila mwitabwa lyane intabatumite awe. Bakubabuzya bakuti, ‘Mutakwiza pakufwa kubwite awe, pamo nizala muchisu ichi.’ Loli abalaghuzi banaba bo babo bakwiza pakughoghiwa nu bwite pamo nizala.

Yelemiya 23:21

U Mwene akuti, “Ntakabatumapo abalaghuzi banaba, loli pope bulo bakabuka. Ntakanenapo nabo, loli pope bulo bakalaghula.

Yelemiya 23:32

Momumo, nkubakana abalaghuzi babo ubulaghuzi bwabo ubwa vilota ivyabumyasi. Bakubabuzya nukubapuvya abantu bane napapo intakabatuma sona intakabasalapo. Ubulaghuzi bwabo bute nubwavwilizi nabumobumo ku bantu banaba. Ane ne Mwene nanena.”

Yoweli 2:9

Bakunyelela mukaya akakulu nkani, bakunyela amalinga, sona bakukwela panyumba, ngati mwiba akwinjilila pibwindo.

Matayi 7:15

“Muchebaye nabo abalaghuzi abamyasi; bakwiza kukwinyu ngati zyo ng'ozi, loli mukasi bayanite bulo ni mpumpi!

Yohani 10:7

U Yesu akababuzya sona akati, “Naloli nkubabuzya ukuti ane ne mulyango uwa chibagha icha ng'ozi.

Yohani 3:3

U Yesu akamula akati, “Naloli nkukubuzya ukuti nayumo umuntu yuyo anginjila mu Bumwene ubwa Chala ukusita ukupapiwa sona.”

Aba Loma 10:15

Po amazyu ghangalumbililiwa bulibuli nanti abalumbilili batakutumiwa? Pakuti Amasimbo ghakuti, “Bo bwiza boni ubwa muntu yuyo akwiza na mazyu amiza.”

Aba Loma 16:18

Pakuti abantu banaba batakumubombela u Mwene witu u Kilisitu, loli bakuvibombela ivinyonywa vyabo. Sona na mazyu ghabo manoni, sona mazimbuli bakubazimbula abantu babo batamenye nachimochimo.

Titi 1:11

Ubaghiye ubakanizyanje pakunenanena, pachifukwa ichakuti bakuvulungannya imitu iya bantu munyumba zyosi pakubamanyisya vivyo vitabaghiye pakumanyisiwa. Pakubomba bunubu yikuba ngati yo zila iyakukabilamo indalama.

Aba Hebeli 5:4

Nayumo umuntu yuyo akwiyipa mwene umuchizi uwakuba muputi usongo, loli pene papo nanti itiziwa nu Chala ukuyana namumo u Aloni akitiziliwa.

1 Pitala 1:10

Abalaghuzi bakalaghulila zila nizya muvwalo, ghugho u Chala akabayanizizya. Bakalondelezya nukubuzikizya akiza nkani nizya bupoki bunubu.

2 Pitala 2:1

Kale abalaghuzi abamyasi bakabapo pakasi papinyu. Umwakuyana bulo, abamanyisi abamyasi bakwiza pakubapo pakasi papinyu. Bakwiza mubusyefu ni vimanyisyo ivyabumyasi ivyakunangannya mupaka na pakumukana u Mwene wabo yuyo akabatabula. Po bakwiza pakwipalaghulila bene ukunanganika ukwa kuchenusya bulo.

2 Pitala 2:3

Pachifukwa icha kunyonywa ubukabi abene bakwiza pakubapela amwe pakuba mwe zila iyakukabilamo pakubombezya amazyu aghabuzimbuli. Loli ubulongi bwabo buyaniziwe kale, sona ukuzimila kwabo kukubalindilila.

1 Yohani 4:1

Mwee bamanyani bane abaghaniwa, mutakabasubilaye abantu bosi babo bakuti bali nu Muzimu Umuzelu, loli mubayezyanje ukuti mumanye nanti naloli umuzimu ghugho bali nagho wakwa Chala. Pakuti abalaghuzi abamyasi binji nkani muchisu chosi ichapasi.