Yohani 1:4 - IBAYIBOLO 2024

⁴ Mumwache mukaba ubumi, po sona ubumi ubu bukaba lukozyo ulwa bantu.

Ulufingo Ulupya

⁴ Mumwache mukaba ubumi, po sona ubumi ubu bukaba lukozyo ulwa bantu.

Yohani 1:4 Iomraidhean Croise

Masalimo 49:6

Abantu banaba basubiye bulo ubukabi bwabo, sona bakwituvya pachifukwa icha bwinji ubwa bukabi bwabo.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Yesaya 42:16

Nkwiza pakubalongozya abafwamaso muzila zizyo batazimenye, nkwiza pakubalongozya muzila zizyo mutenditemo nalumolumo. Nkwiza pakuchipela ichisi pakuba lukozyo pantazi papabo, ubuzilo ubwa vibanka butenganiziwe. Ivi vyo vivyo nkwiza pakubomba, ntakwiza pakubaleka nalumo.

Malaki 4:2

Loli amwe mwe mukunchindika ane, izuba ilya bugholosu likwiza pakubafumila nukubapozya ukwa kulama kwache. Mukwiza pakunyelanyela umwakuhoboka ngati tungwata tuto batwabula muchibagha.

Matayi 4:16

Abantu babo bakwikala muchisi, bennya ulukozyo ulukulu; Abantu babo bakwikala muchisu icha bantu abafwe, ulukozyo lwabalamila.”

Luka 2:32

Wavumbula ulukozyo ukuti lubalamile abantu babo bate ba Yuda nukwiza pakuba buchindamu kuba Izilayeli.”

Yohani 11:25

U Yesu akamubuzya akati, “Ane ne yuyo akuzyusya abantu nukubapa ubumi. Umuntu wesi yuyo akusubila mumwane akwiza pakuba nubumi napapo angafwa.

Yohani 12:35

U Yesu akabamula akati, “Ulukozyo lukwiza pakuba namwe pakabalilo akanandi bulo. Endelela pakubomba bunubu, bo ulukozyo luchili pakasi papinyu, umwakuti ichisi chitakabaghe. Pakuti umuntu yuyo akwenda muchisi atakumanya kuko akubuka.

Yohani 12:46

Ane nizite muchisu ichapasi ngati lo lukozyo, umwakuti umuntu wesi yuyo akunsubila atakikalaye muchisi.

Yohani 14:6

U Yesu akamula akati, “Ane ne Zila, ne Bwanaloli, sona ne Bumi. Nayumo umuntu yuyo akubuka kwa Tata ukusita ukwendela mumwane.”

Yohani 3:19

Iyi yo nongwa iya kubalongela: Ulukozyo lwizite muchisu ichapasi, loli abantu bachighanite nkani ichisi ukuchila ulukozyo pakuti imbombo zyabo mbibi.

Yohani 5:21

Ngati mumo Uwise akuzyusizya abafwe nukubapa ubumi, umwakuyana bulo wepe u Mwana akubapa ubumi babo akulonda ukubapa.

Yohani 5:26

Ngati mumo Uwise mbwibwi iyabumi, umwakuyana bulo amupeleye nu Mwana wache pakuba mbwibwi iyabumi.

Yohani 8:12

U Yesu akanena sona naba Falisayi akati, “Ane ne lukozyo ulwa chisu ichapasi. Umuntu wesi yuyo akunkonka akwiza pakuba nulukozyo ulwa bumi, po atakwiza pakwendamo nalumolumo muchisi.”

Yohani 9:5

Bo inchili indi muchisu ichapasi, ane ne lukozyo ulwa chisu ichapasi.”

Imbombo 26:23

ukuti u Kilisitu abaghiye pakuyimba, sona akwiza pakuba wakwanda pakuzyuka mubantu abafwe, ukuti alumbilile ulukozyo ulwa bupoki ubwa ba Yuda nulwa bantu babo bate ba Yuda.”

1 Aba Kolinti 15:45

Pakuti Amasimbo ghakuti, “U Adamu, umuntu uwakwanda yula, akaba nubumi.” Loli u Adamu uwabumalilo yula we Muzimu umupela bumi.

Aba Efeso 5:14

pakuti ulukozyo lo lulo lukulanjizya ichintu chosi pabuzelu. Cho chifukwa zikuneniwa ukuti, “Nyamuka awe we ughonite utulo, zyuka kubufwe, po u Kilisitu akwiza pakukulamila.”

Aba Kolosi 3:4

Ubumi bwinyu ubwenecho we Kilisitu, po bo akuboneka, namwe bulo mukwiza pakuboneka poka nawe nukugabana poka nawe ubuchindamu bwache!

1 Yohani 1:1

Tukubasimbila amwe nizya yuyo akwitiziwa ukuti we Mazyu amapela bumi, yuyo akabako ukwandila ko kubwandilo. Tukamwivwa sona tukamwennya na maso ghitu. Naloli twamwennya nukumupalamasya ni nyobe zyitu.

1 Yohani 1:2

Bo aboneka umupela ubumi uyu, tukamwennya. Po tukasimikizya nizya yuyo nukulumbilila kukwinyu nizya bumi ubwa bwila na bwila bubo bukaba nu Tata, sona bukavumbuliwa kukwitu.

1 Yohani 5:11

Ulusimikizyo lwache lwakuti: U Chala atupiye ubumi ubwa bwila na bwila, sona ubumi bunubu bukwaghiwa mu Mwana wache.

Ubuvumbuli 22:1

Po uwantumi yula akandanjizya ulusoko ulwa mizi amapela bumi, ulwakunyezimila ngati lyo ligalasi, lulo lukufuma kuchitengo icha bumwene ubwa Chala nicha Mwana uwa ng'ozi.

Ubuvumbuli 22:16

“Ane ne Yesu, nabatumila amwe uwantumi wane pakufumusya nizya vintu vinivi muvipanga. Ane ne waluko ulwa Devedi. Ane ne lutondwa ulwakulama kubuche nkani.”