Yohani 1:12 - IBAYIBOLO 2024

¹² Loli abantu bosi babo bakamupokela nukumusubila, akabapa ubulaghili pakuba bana aba Chala.

Ulufingo Ulupya

¹² Loli abantu bosi babo bakamupokela nukumusubila, akabapa ubulaghili pakuba bana aba Chala.

Yohani 1:12 Iomraidhean Croise

2 Samuweli 7:24

Wabikazya abantu bako aba Izilayeli pakuba bako na bako bwila na bwila, po awe we Mwene waba we Chala wabo.

Yesaya 56:5

nkwiza pakubapa itabwa ni mbili inyiza, pakasi pabana abalumendo na balindu, munyumba yane nivibumba vyache. Nkwiza pakubapa itabwa ilya bwila na bwila, lilyo litakwiza pakudumuliwa nalumolumo.

Yelemiya 3:19

U Mwene akuti, “Wee Izilayeli, nalondagha pakukupokela, ngati we mwana wane nukukupa ichisu ichiza nkani, ichilingo ichiza nkani ichakuchila icha inko zyosi. Ninong'onagha ukuti unyitizyanje ukuti, ‘Tata,’ sona nukuti utakwiza pakuleka pakunkonka.

Hoseya 1:10

“Loli ubwinji ubwa ba Izilayeli bukwiza pakuba ngati musesenga uwa mulubazu ulwa nyanja, ghugho ghutangapimiwa pamo ukubelengiwa. Pabuzilo bubo bakaneniwa ukuti, ‘Amwe te mwe bantu bane,’ bakwiza pakwitiziwa ukuti ‘Bana aba Chala umumi.’

Matayi 10:40

“Umuntu wesi yuyo akubapokela akiza akumpokela nene. Umuntu wesi yuyo akumpokela akiza, akumupokela wepe bulo yuyo akantuma.

Matayi 12:21

Abantu aba inko zyosi bakwiza pakusubila mumwache.”

Matayi 18:5

Po umuntu wesi yuyo akumupokela weka uwa aba mwitabwa lyane, akumpokela nene.”

Yohani 1:11

Akizila abantu abaluko lwache, loli abantu abaluko lwache batakamupokela.

Yohani 1:7

Akiza pakubasimikizya abantu nizya lukozyo lula, umwakuti abantu bosi bivwe amazyu nukumusubila.

Yohani 11:52

kute kokuti akwiza pakulufwila uluko lwabo lwene, loli pakubabungannya sona abana aba Chala babo banyampanite.

Yohani 2:23

Bo u Yesu achili ali mu Yelusalemu pakabalilo aka Ulusekelo ulwa Pasa, abinji bakamusubila bo bennya ivyika vivyo akabomba.

Yohani 20:31

Loli ivi visimbiwe ukuti musubile ukuti u Yesu we Kilisitu, u Mwana uwa Chala sona nukuti nanti mwamusubila mubanje nubumi.

Yohani 3:18

“Umuntu wesi yuyo akumusubila u Mwana atakulongiwa, loli yuyo atakumusubila alongiwa kale pachifukwa ichakuti atamusubiye u Mwana mwene na mwene uwa Chala.

Imbombo 3:16

Umuntu uyu mukumwennya nukumumanya akapola pachifukwa icha lwitiko lwache mwa Yesu. Ivinama vyache vyaba na maka mwitabwa ilya Yesu ukuyana namumo mwebosi mukwenezya.

Aba Loma 8:14

Pakuti abantu babo bakulongoziwa nu Muzimu uwa Chala, bo bana aba Chala.

Aba Loma 8:16

Umwenecho u Muzimu Umuzelu akusimikila poka nu muzimu witu ukuti aswe twe bana aba Chala.

Aba Loma 8:19

Ivipeliwa vyosi amaso ghabo ghali kuzila pakulindilila ukuti u Chala abavumbule abana bache.

Aba Galatiya 3:26

Mwebosi mwe bana aba Chala pakwendela mulwitiko mwa Kilisitu u Yesu.

Aba Galatiya 4:6

Ukulanjizya ukuti amwe mwe bana bache, u Chala abatumila u Muzimu uwa Mwana wache mumoyo ghitu, u Muzimu yuyo akwitizya ukuti, “Wee Tata, wee Tata wane!”

Aba Kolosi 2:6

Pakuti mwamwitika Kilisitu u Yesu pakuba we Mwene, po mwendelele pakwikala mukumamatilana poka nawe.

2 Pitala 1:4

Ichi cho chifukwa akatupa ivintu ivikulu nkani ni vyapamwanya, vivyo akatulayizya aswe, umwakuti namwe bulo mupone ivinyonywa ivya muchisu ichapasi, sona nukuti mupokele ubumi ubwa Chala.

1 Yohani 3:1

Ennya namumo u Tata u Chala atughaniye, umwakuti tukwitiziwa bana bache! Naloli twe bana bache! Ichifukwa chicho ichisu ichapasi chitakutumanya chakuti ichisu chinichi chitamumenye u Chala.

1 Yohani 3:10

Umu momumo Abana aba Chala na bana aba Satana balekaniye: Umuntu wesi yuyo atakubomba chicho chigholosu, pamo umuntu yuyo atamughanite umukamu wache, ate mwana uwa Chala.

1 Yohani 3:2

Mwee bamanyani bane abaghaniwa, ilelo aswe twe bana aba Chala, loli chichili chitavumbuliwe namumo tukwiza pakubela. Loli bo akwiza, tuzimenye ukuti tukwiza pakuyana nawe, pakuti tukwiza pakumwennya mumo abeleye.

1 Yohani 3:23

Ili lyo lilamulo lyache: Tumusubilaye u Mwana wache u Yesu Kilisitu, sona tughananaye ukuyana namumo akatulamulilila.