Yohani 1:1 - IBAYIBOLO 2024

¹ Kubwandilo bo ichisu chitapeliwe, yuyo akitiziwanga ukuti Mazyu akabako kale, akaba nu Chala, po sona akaba we Chala.

Ulufingo Ulupya

¹ Kubwandilo bo ichisu chitapeliwe, yuyo akitiziwanga ukuti Mazyu akabako kale, akaba nu Chala, po sona akaba we Chala.

Yohani 1:1 Iomraidhean Croise

Ubwandilo 1:1

Ukwandila ko kubwandilo u Chala akapela kumwanya ni chisu ichapasi.

Masalimo 45:6

Wee Chala ichitengo chako icha bumwene chibanjeko bwila na bwila, sona ukulaghila mubwanaloli mubumwene bwako.

Yesaya 7:14

Polelo u Mwene umwenecho akwiza pakukupa ichimanyilo, umulindu yuyo atamumenye umwanavuli akwiza pakupapa umwana umulumendo, nukumwita ukuti Imaniweli.

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Matayi 1:23

“Umulindu yuyo atamumenye nalumo umwanavuli akwiza pakumela ulwanda nukupapa umwana umulumendo nukumwita ukuti we Imaniweli.” (Itabwa ili likung'anamula ukuti u Chala ali naswe).

Luka 24:53

Akabalilo kosi bakikalagha mu Nyumba iya Chala pakumupalizya u Chala.

Yohani 1:14

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

Yohani 1:18

Nayumo umuntu yuyo amubonyepo lumo u Chala, loli u Mwana mwene, yuyo we Chala, weyuyo amubonye, sona umughaniwa uwa Wise, weyuyo akatuvumbulila u Chala.

Yohani 1:2

Ukwandila ko kubwandilo akaba nu Chala.

Yohani 16:28

Ane nkafuma kwa Tata nukwiza muchisu ichapasi, po ilelo nkwepamo muchisu ichapasi nukunyokela kwa Tata.”

Yohani 17:5

Wee Tata, losi ulu umpe ubuchindamu pamaso papako, ubuchindamu bubo nkaba nabo poka nawe, bo ichisu ichapasi chichili pakupeliwa.

Yohani 20:28

U Tomasi akamwamula akati, “Mwene wane, sona nu Chala wane.”

Yohani 8:58

U Yesu akabamula akati, “Naloli nkubabuzya ukuti ane nkabako kale bo nu Abulahamu achili pakupapiwa.”

Aba Loma 9:5

Abene bo baluko aba banyenya bitu abamanyikwe aba Chihebeli, po ukuyana nizya buntu ubwa Kilisitu, akafuma mu luko lwabo. U Chala yuyo ali nu bulaghili pavintu vyosi achindikiwanje bwila na bwila. Ameni.

Aba Efeso 3:9

sona nukuti imbalingannye akiza abantu bosi nizya kubusyefu zinizi, zizyo ku nkulilo inyinji zyafisiwe mwa Chala, yuyo akapela ivintu vyosi,

Aba Filipi 2:6

Yuyo pakuba mukabele aka Chala atakipima mwene ukuti chikaba chapamwanya nkani ukufyuliwa ubwachala bwache.

Aba Kolosi 1:15

U Kilisitu we chifwani icha Chala yuyo atakuboneka na maso, sona we katote yuyo ali pamwanya pavipeliwa vyosi.

Aba Kolosi 1:17

U Kilisitu akabako kale, bo ni vintu vyosi vinivi vitaliko, sona ukwendela mumwache ivintu vyosi vinivi vikumamatilana poka.

1 Timoti 3:16

Umwakusita ukwilamwa nakumokumo, ubusyefu ubwa chiputo chitu bukulu nkani: Umwene akaboneka nu mubili uwa buntu akasimikiziwa nu Muzimu Umuzelu pakuba mugholosu, na bantumi bulo aba kumwanya bakamwennya. Umwene akalumbililiwa pakasi pabantu aba inko zyosi. Po abantu bosi aba muchisu chosi ichapasi bakamusubila, sona akasendiwa pakubuka kumwanya nu buchindamu.

Titi 2:13

bo tukulindilila nu lusubilo isiku isayiwa lila, isiku lilyo ubuchindamu ubwa Chala umukulu nu Mupoki witu u Yesu Kilisitu bukwiza pakuboneka.

Aba Hebeli 13:8

U Yesu Kilisitu ali mumo abeleye, mumabwila, nilelo, sona bwila na bwila.

Aba Hebeli 7:3

Nizya wise uwa Melekizedeki, pamo unyina pamo abanyenya bache, pamo sona nizya kupapiwa kwache nu bufwe bwache tutabuziwe. Loli ayanite bulo nu Mwana uwa Chala, sona we muputi uwa bwila na bwila.

2 Pitala 1:1

Ane ne Simoni Pitala, umubombi, sona nu mutumiwa uwa Yesu Kilisitu. Nkubasimbila ukalata uyu abantu babo bapokelite ulwitiko lulo tukapokela ukwendela mubugholosu ubwa Chala witu, sona nu Mupoki u Yesu Kilisitu.

1 Yohani 5:20

Tuzimenye ukuti u Mwana uwa Chala iza, nukutupa amahala aghakivwisizye, umwakuti tumumanye yuyo wanaloli. Aswe tukwikala mukumamatilana poka nu Chala wanaloli, sona nu Mwana wache u Yesu Kilisitu. U Yesu Kilisitu we Chala wanaloli, we bumi ubwa bwila na bwila.

1 Yohani 5:7

Abakaboni balipo batatu:

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 1:17

Bo namwennya, nkawa pasi munyayo zyache ngati ne muntu umufwe. Loli akabika inyobe yache indilo papane nukuti, “Utakanyilaye! Ane ne bwandilo. Ane ne bumalilo.

Ubuvumbuli 1:2

U Yohani akulingannya ivintu vyosi vivyo akavyennya nizya mazyu agha Chala, sona nu buvumbuli bosi bubo u Yesu Kilisitu akavumbula.

Ubuvumbuli 1:8

U Mwene u Chala, Uwamaka Ghosi, yuyo aliko ilelo, yuyo akabako kale, sona yuyo akwiza pakubako akuti, “Ane ne bwandilo. Ane ne bumalilo.”

Ubuvumbuli 19:13

Inkazo yiyo akavwala yikazubikiwa mwibanda. Yunuyu itabwa lyache we Mazyu agha Chala.

Ubuvumbuli 2:8

“Uwantumi uwa muchipanga icha mu Similina umusimbile uti, “Amazyu ghagho ghaneniwa na yuyo we bwandilo, sona we bumalilo, sona yuyo akafwa, loli ilelo mumi gho agha:

Ubuvumbuli 21:6

Akambuzya akati, “Kwamala. Ane ne Alefa nu Omega. Ane ne Bwandilo nu Bumalilo. Umuntu wesi yuyo ali ni nyota, nkwiza pakumupa amizi agha pabulo aghakufuma pambwibwi iyabumi.

Ubuvumbuli 22:13

Ane ne Alefa nu Omega. Ane ne Wakwanda nu Wakumalila. Ane ne Bwandilo nu Bumalilo.

Ubuvumbuli 3:14

“Uwantumi uwa muchipanga icha mu Labodikiya umusimbile uti, “Amazyu ghagho ghaneniwa na yuyo akwitiziwa ukuti we Ameni, umusubiliwa, sona nu kaboni uwanaloli, yuyo we chifumo icha vipeliwa vyosi ivya Chala, gho agha: