Yelemiya 9:6 - IBAYIBOLO 2024

⁶ Bakubungannya ubumyasi pamwanya pabumyasi, ubuzimbuli pamwanya pabuzimbuli, mubuzimbuli bwabo bakukana pakummanya. Ane ne Mwene nanena.”

Yelemiya 9:6 Iomraidhean Croise

Ivyili 1:24

Loli pachifukwa ichakuti mukankana, bo nkubitizya sona mutakanyivwila, bo nagholosya inyobe yane ukuti imbavwe

Ivyili 1:29

Pachifukwa ichakuti bakaghabenga amahala nukukana pakumunyila u Mwene,

Yesaya 1:25

Nkwiza pakubafunda nkani, sona nkwiza pakubaswefya ngati chela mumo chikusunguluziwa pakwefya ububibi bosi.

Yesaya 1:3

Inkambaku zimumenye umwenecho impunda yope yichimenye ichakulyelamo. Loli aba Izilayeli batakuzimanya, abantu bane batakwivwisya.”

Yesaya 4:4

U Mwene akwiza pakubozya abakolo aba mu Ziyoni ubunyazu, sona akwiza pakubaswefya kwibanda lilyo bakupula mu Yelusalemu nu muzimu uwa bulongi nuwa moto.

Yelemiya 11:10

Banyokeye kumbibi izya banyenya babo, babo bakaghakana amazyu ghane. Babakonkite abachala abanji nukubabombela. Bosi poka aba Izilayeli naba Yuda balunanganizye ulufingo lulo nkafingana na banyenya babo.

Yelemiya 11:19

Nkaba ngati ne mwana uwa ng'ozi yuyo akubuka pakughoghiwa. Intakazimanya ukuti amaso ghosi ghali papane, bo bakunena ukuti, “Zagha tulidumule ikwi ili bo lichili libisi. Zagha tumughoghe ukuti itabwa lyache lizimile.”

Yelemiya 13:10

Abantu ababibi aba, babo bakukana pakuteghelezya ku mazyu ghane, sona bakukonka ubukafu ubwa moyo ghabo, bakubabombela nukubiputa abachala abanji, bakwiza pakuba ngati we lamba yuyo ate nimbombo nayimoyimo!

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 20:10

Nkubivwa abinji bakuteketa bakuti, “Ukoghofya kuli imbazu zyosi! Mumulongelele! Zagha tumulongelele!” Na bamanyani bane bosi bakulindilila ukuti ingwilemo bakuti, “Lumo angazimbuliwa, po tungamulema nukumutanizya ububibi.”

Yelemiya 5:27

Ngati vizanga vivyo vyizuye ni viyuni, inyumba zyabo zyizuye nu buzimbuli. Baba bakabi sona bamaka,

Yelemiya 8:5

Po nkimba chifukwa choni chicho abantu banaba bapulumpa? Nkimba choni chicho u Yelusalemu akwendelela pakunyokela kwisinda? Babukakatiye ubumyasi, bakukana pakunyokako.

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Aba Loma 1:28

Pachifukwa ichakuti abantu bala bakamusula u Chala, po akabaleka ukuti bakonke inyinong'ono zyabo imbibi ukuti babombaye ivintu vivyo batabaghiye pakuvibomba.

1 Aba Kolinti 15:34

Nyokelamo munyinong'ono zyinyu, sona muleke pakubomba imbibi, pachifukwa ichakuti balimo bamo mumwinyu babo batamumenye u Chala. Nkunena zinizi ukuti zibakozye isoni.

1 Samuweli 2:12

Abana aba Eli bakaba babibi nkani, babo batakamuchindikagha u Mwene.