Yelemiya 9:5 - IBAYIBOLO 2024

⁵ Umumanyani akumuzimbula umumanyani, sona atalipo nayumoyumo yuyo akunena ubwanaloli. Bazimanyizizye indimi zyabo pakunena bo bumyasi, umwakuti nako kupinduka batangapinduka.

Yelemiya 9:5 Iomraidhean Croise

Ubwandilo 19:11

Po bakabapela pakuba bafwamaso abanavuli bosi babo bakaba kuzi bala, umwakuti bakatakawagha umulyango.

Yobu 11:3

Wee Yobu, nkimba abantu bangaba bulo myee, nanti bivwa amazyu ghako? Nkimba atangabapo nayumoyumo umuntu, uwakukuchemela nanti ukubobezya?

Yobu 15:5

Imbibi zyako zikubonekela namumo ukunenela; po ukweghelela ululimi lwabachevu.

Masalimo 140:3

Bakupyasya indimi zyabo ukuti zibanje ngati zya njoka, mumulomo wabo muli ubwanga ubwa bachipili.

Masalimo 50:19

Ukughubombezya umulomo wako pakunena ivibibi, sona ululimi lwako lukwata ivyabumyasi.

Masalimo 52:3

Ubughanite nkani ububibi ukuchila ubwiza, ubumyasi bope ubughanite nkani ukuchila ukunena ubwanaloli.

Masalimo 64:3

Bakupyasya indimi zyabo ngati bo bapanga, sona amazyu ghabo ghakulasa ngati tulasilo.

Masalimo 7:14

Naloli umubibi akwinong'onagha bobibi, sona imbombo yache ko kupela intamyo nukubazimbula bulo abantu.

Ivyili 12:5

Inyinong'ono izya muntu umugholosu zyanaloli, loli amahala agha muntu umubibi mazimbuli.

Ivyili 4:16

Batangaghona utulo nanti batabombitepo chimo ichibibi; sona batakughona utulo mupaka bamupunuzye umuntu yumo.

Yesaya 5:18

Chighune kubabo bakuwesa imbibi nu lukusa ulwa bumyasi, bakuwesa ububibi ngati lukusa ulwa ngolo,

Yesaya 57:10

Mukalita pachifukwa ichabutali ubwa zila zyinyu, loli mutakanena pakuti, “Chabulo.” Amaka ghinyu ghakanyokelamo, po mutakadedebala.

Yelemiya 12:13

Bakwiza pakupesa ingano, loli bakwiza pakuvuna amivwa. Bakwiza pakulita nkani pakubomba imbombo, loli batakwiza pakuvunamo nakamokamo. Inyinulo yabo yikwiza pakubakozya isoni pachifukwa icha bukali ubwa Mwene.”

Yelemiya 12:6

Pakuti nabo bawamwinyu sona naba munyumba yako bakukulongelela ukuti ufwanje. Utakabasubilaye, napapo mu mazyu ghabo bakuba ngati po bamanyani bako.

Yelemiya 13:23

Nkimba umu Etiyopiya angawandula umubili wache, pamo nkimba uzyela angaghandula amabala ghache? Nkimba po mwatinji mungabomba bulibuli ubwiza mwe mwizubiye pakubomba ububibi?

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Yelemiya 51:58

U Mwene Uwamaka Ghosi akuti, “Ivibumba ivya maka ivya Babiloni vikwiza pakumongoliwa, sona imilyango yache imitali yikwiza pakochiwa. Inko izya bantu zikwipala pabulo, imbombo zyabo zikupya bulo mumoto.”

Yelemiya 51:64

Po unene bunubu ukuti, ‘Umu momumo u Babiloni akwiza pakudwibila, sona atakwiza pakunyamuka, pachifukwa icha ntamyo zizyo zikwiza pakumuwila. Po bantu bache bakwiza pakuwa.’ ” Amazyu agha Yelemiya ghamalila panapa.

Yelemiya 7:28

Polelo ubabuzye ukuti, ‘Ulu lo luko ulwa bantu babo batakaghitika amazyu agha Mwene u Chala wabo, pamo ukwitika ukunanga kwabo. Ubwanaloli butalipo pakasi papabo, sona butakwivwikapo pamilomo yabo.

Yelemiya 9:3

U Mwene akuti, “Bakupeteka indimi zyabo ngati bwele pakulasa ubumyasi, ichisu chizuye nu bumyasi mubuzilo ubwakwizula nu bwanaloli. Batakutuzya pakubomba imbibi, sona nako kumumanya batamumenye.

Yelemiya 9:8

Ululimi lwabo luli ngati kalasilo akakughogha, lukunena izyabumyasi. Numulomo wache akunena nulughano ku mupalamani wache, loli mumoyo wache, akumutegha nakapingo.

Ezekiyeli 24:12

Napapo ungayezya pakulusuka, uluzima lwache lukafu nkani pakwepa, loli umoto wene ghungalwefya.

Mika 6:12

Abantu bache abakabi bavyongo, abantu bache bamyasi, sona bakutamanta bulo.

Mika 6:3

“Mwee bantu bane, nkimba imbabombeye ichoni? Nkimba nabalitizya bulibuli? Munyamule.

Habakuku 2:13

Nkimba te bwighane ubwa Mwene Uwamaka Ghosi, ukuti imbombo iya bantu yiyo bakubomba yibe ngati nkwi izya moto, nukuti inko zikulita pabulo?

Malaki 2:10

Nkimba aswe tute nu tata weka? Fwandi te we Chala weka yuyo akatupela twebosi? Nkimba choni chicho tutakusubilana pakulunangannya ulufingo lulo u Chala akafingana na banyenya bitu?

Aba Efeso 4:25

Polelo muleke pakutamanta. Umuntu wesi anenaye ubwanaloli ku mupalamani wache, pakuti twebosi twe vigaba ivya mubili ghoka.

1 Timoti 4:2

Ivimanyisyo vinivi ivya bantu abazimbuli, babo umabyebye wabo afuye ngati ochiwe ni chela ichipye.

Abalongi 2:10

Bo inkulilo yosi yilayila yafwa, inkulilo iyinji yikizapo, yiyo yitakamumanya u Mwene pamo ukuzimanya imbombo zizyo akababombela aba Izilayeli.