Yelemiya 9:4 - IBAYIBOLO 2024

⁴ Mube maso na bapalamani binyu, mutakabasubilaye abakamu binyu. Pakuti wesi muzimbuli, sona u mumanyani wesi we mwendanato.

Yelemiya 9:4 Iomraidhean Croise

Ubwandilo 32:28

Umuntu yula akati, “Ukwanda ilelo itabwa lyako litakwiza pakuba sona we Yakobo. Watoba nu Chala, sona na bantu nukubapota. Polelo itabwa lyako likwiza pakuba we Izilayeli.”

Masalimo 101:5

Wesi yuyo akumuyeba umupalamani wache, nkwiza pakumupumizya. Wesi yuyo akwikwezya sona nu moyo uwakwitutumula, ntakwiza pakumuleka bulo.

Masalimo 15:3

Abantu banaba bo babo batakuyeba, sona babo batakubabombela abapalamani babo ububibi pamo ukubanena akabibi abanji.

Ivyili 10:18

Umuntu yuyo akufisa ulubengo mumyasi, sona wesi yuyo akuyebagha mupunganu.

Ivyili 25:18

Umuntu yuyo akumubikila uwamwabo ubwakaboni ubwabumyasi, ayanite bulo ni ntughu, pamo upanga pamo akalasilo kako kasonkokite nkani.

Ivyili 4:16

Batangaghona utulo nanti batabombitepo chimo ichibibi; sona batakughona utulo mupaka bamupunuzye umuntu yumo.

Ivyili 4:17

Pakuti ichibama chabo ko ukubomba imbibi sona ivyongo we vinyo wabo.

Ivyili 6:16

Vilipo ivintu vimo sikisi vivyo u Mwene avibengite, ivintu seveni vivyo vyamwiko kukwache.

Ivyili 6:19

ukaboni yuyo akutamanta, sona nu muntu yuyo akubalumannya abakamu bache.

Yesaya 59:13

tukusambukiye nukukukana we Mwene, nukukupa inkoto awe we Chala witu, twabayivya abantu abinji, nukwepako kukwako, pakunena ubumyasi bubo buli mumoyo ghitu.

Yesaya 9:16

Pakuti abalongozi babo bakubalongozya abantu bakubasovya, sona babo bakulongoziwa bakupulumpa.

Yelemiya 12:6

Pakuti nabo bawamwinyu sona naba munyumba yako bakukulongelela ukuti ufwanje. Utakabasubilaye, napapo mu mazyu ghabo bakuba ngati po bamanyani bako.

Yelemiya 6:28

Bosi banaba bantu abasambuke aba moyo amapalapala nkani, sona biyebo. Amoyo ghabo ghali ngati mukuba ni chela. Bosi ubusubiliwa butalimo mumwabo.

Yelemiya 9:8

Ululimi lwabo luli ngati kalasilo akakughogha, lukunena izyabumyasi. Numulomo wache akunena nulughano ku mupalamani wache, loli mumoyo wache, akumutegha nakapingo.

Ezekiyeli 22:9

Pali abantu abinji pakasi papinyu babo bakunena ububibi abamwabo ukuti bakupule ibanda sona babo bakubika ivyakwiyipa pabuzilo ubwapamwanya nukubomba ivyamwiko na bakolo.

Aba Levi 19:16

Utakendakendaye uku na uku pakubalumannya abantu, sona utakabombaye nachimo ichintu chicho chingamupelela umupalamani wako ubufwe. Ane ne Mwene.

Malaki 2:10

Nkimba aswe tute nu tata weka? Fwandi te we Chala weka yuyo akatupela twebosi? Nkimba choni chicho tutakusubilana pakulunangannya ulufingo lulo u Chala akafingana na banyenya bitu?

Matayi 10:17

Muchebaye na bantu pakuti bakwiza pakubalema nukubabika pamaso pa balongi, po bakwiza pakubasyempa munyumba izyakwiputilamo.

Matayi 10:21

“Abantu bakwiza pakubabika abawamwabo ukuti baghoghiwe, sona na bawise bope bakwiza pakubabombela bunubu abana babo. Abana bakwiza pakubasambukila abapapi babo ukuti baghoghiwe.

Luka 21:16

Abapapi binyu na bawamwinyu na bakamu binyu na bamanyani binyu bakwiza pakubasambukila. Bamo mumwinyu bakwiza pakughoghiwa.

1 Aba Tesalonika 4:6

Pafundo yiniyi, umuntu wesi atakamunangilaye umukamu wache, pamo ukusendelapo ulusako papache. U Mwene akwiza pakumufunda umuntu wesi yuyo akubomba bunubu, ukuyana namumo tukababuzizya kale nukubasoka.