Yelemiya 9:3 - IBAYIBOLO 2024

³ U Mwene akuti, “Bakupeteka indimi zyabo ngati bwele pakulasa ubumyasi, ichisu chizuye nu bumyasi mubuzilo ubwakwizula nu bwanaloli. Batakutuzya pakubomba imbibi, sona nako kumumanya batamumenye.

Yelemiya 9:3 Iomraidhean Croise

Ubwandilo 39:16

Po akayisunga inkazo yila mupaka papo usongo wache akizila.

Ivyili 12:5

Inyinong'ono izya muntu umugholosu zyanaloli, loli amahala agha muntu umubibi mazimbuli.

Yesaya 1:3

Inkambaku zimumenye umwenecho impunda yope yichimenye ichakulyelamo. Loli aba Izilayeli batakuzimanya, abantu bane batakwivwisya.”

Yesaya 3:5

Abantu bakwiza pakukanyililana benebene, umuntu wesi nu muntu uyunji, umupalamani nu mupalamani uwamwabo. Abanandi bakwiza pakubasambukila abasongo, abantu abamwalwemwalwe na bachindamu.

Yesaya 6:5

Po nkati, “Chighune kukwane! Nkufwa pachifukwa ane ne muntu uwa milomo iminyazu, sona nkwikala pakasi pabantu babo imilomo yabo minyazyu. Po namaso aghane na ghane na mwennya u Mwene, u Mwene Uwamaka Ghosi.”

Yesaya 9:18

Naloli ububibi bukwaka ngati moto ukocha abantolovu na mivwa, ukocha umusitu, sona ilyosi lyache likukwela kumwanya ngati libingu.

Yelemiya 12:6

Pakuti nabo bawamwinyu sona naba munyumba yako bakukulongelela ukuti ufwanje. Utakabasubilaye, napapo mu mazyu ghabo bakuba ngati po bamanyani bako.

Yelemiya 22:16

Akabalongela akiza inongwa abapina na bakusobelwa, vyosi vikamwendela akiza. Nkimba ichi chitakulanjizya ukuti ammenye? Ane ne Mwene nanena.

Yelemiya 31:34

Nayumoyumo umuntu yuyo akwiza pakumumanyisya umupalamani wache, pamo ukumubuzya umukamu wache ukuti, ‘Umumanye u Mwene.’ Pakuti bosi bakwiza pakummanya ane, abana abanandi na bantu abasongo bulo. Nkwiza pakubahobokela imbibi zyabo, sona ntakwiza pakukumbukapo nalumolumo ukunanga kwabo.”

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Yelemiya 5:4

Po nkati, “Banaba bo bantu abapina, bate na mahala naghamoghamo, pakuti batayimenye izila iya Mwene sona batachimenye chicho u Chala akuchilonda.

Yelemiya 5:5

Ilelo nkubuka ku balongozi aba bantu ukuti inene nabo, naloliloli bayimenye izila iya Mwene, bachimenye chicho u Chala akuchilonda.” Bope bulo bakapyolannya ikoli, nukudumulannya ubunyololo.

Yelemiya 6:28

Bosi banaba bantu abasambuke aba moyo amapalapala nkani, sona biyebo. Amoyo ghabo ghali ngati mukuba ni chela. Bosi ubusubiliwa butalimo mumwabo.

Yelemiya 7:26

Loli batakanteghelezya pamo ukubikilako umoyo. Bakakazya amoyo ghabo sona bakaba babibi ukubachila abanyenya babo.

Yelemiya 9:5

Umumanyani akumuzimbula umumanyani, sona atalipo nayumoyumo yuyo akunena ubwanaloli. Bazimanyizizye indimi zyabo pakunena bo bumyasi, umwakuti nako kupinduka batangapinduka.

Yelemiya 9:8

Ululimi lwabo luli ngati kalasilo akakughogha, lukunena izyabumyasi. Numulomo wache akunena nulughano ku mupalamani wache, loli mumoyo wache, akumutegha nakapingo.

Ezekiyeli 8:13

Akambuzya sona akati, “Ukwiza pakubennya bakubomba ivintu ivyamwiko nkani ukuchila vinivi.”

Daniyeli 11:27

Abamwene babili aba moyo amabibi, bakwiza pakwikala pitebulo lyoka sona bakwiza pakuzimbulana. Loli batakwiza pakuchagha chicho bakuchilonda, pakuti akabalilo kachili katafikiye.

Aba Levi 19:11

“ ‘Utakibaye. “ ‘Utakatamantaye. “ ‘Mutakazimbulanaye.

Maliko 8:38

Nanti umuntu ali nane ni soni, sona ni chimanyisyo chane mumasiku amabibi agha, ghagho abantu bakumukana u Chala, po u Mwana uwa Muntu akwiza pakukoziwa isoni nawe, bo akwiza mubuchindamu ubwa Wise poka na bantumi abazelu aba kumwanya.”

Yohani 17:3

Nanti abantu bakumanye awe, we Chala wemwene uwanaloli, sona nukumumanya u Yesu Kilisitu, yuyo ukamutuma, bakwiza pakuba nubumi ubwa bwila na bwila.

Imbombo 24:9

Aba Yuda bope bakinjililamo pakunena ukuti zyosi zinizi zikaba zyanaloli.

Aba Loma 1:16

Pakuti inte ni soni pakulumbilila Amazyu Amiza, pachifukwa ichakuti gho maka agha Chala ghagho ghakubapoka abantu bosi babo bakusubila, ukwandila naba Yuda, pisinda pache na bantu babo bate ba Yuda bulo.

Aba Loma 1:28

Pachifukwa ichakuti abantu bala bakamusula u Chala, po akabaleka ukuti bakonke inyinong'ono zyabo imbibi ukuti babombaye ivintu vivyo batabaghiye pakuvibomba.

Aba Loma 3:13

Amamilo ghabo ghasamite ngati gho mapumpa, indimi zyabo zyizuye nu buzimbuli. Amazyu aghakoghofya ghagho ghakufuma mumalomo ghabo ghayanite bulo nubwanga ubwa bachipili.

1 Aba Kolinti 15:34

Nyokelamo munyinong'ono zyinyu, sona muleke pakubomba imbibi, pachifukwa ichakuti balimo bamo mumwinyu babo batamumenye u Chala. Nkunena zinizi ukuti zibakozye isoni.

Aba Filipi 1:28

Mutakabanyilaye abalwani binyu. Mubanje bajivu nkani bwila, po ichi chikwiza pakubasimikizya ukuti bakwiza pakupotwa, sona amwe mukwiza pakupota, pakuti u Chala weyuyo akubapa ubupoti.

2 Timoti 3:13

Loli abantu ababibi na bazimbuli bakwiza pakonjelelakonjela akuba babibi nukubazimbula abantu abanji, loli bope bakwiza pakuzimbuliwa.

Yuda 1:3

Mwee bamanyani bane abaghaniwa, nkalondagha nkani pakubasimbila nizya bupoki bubo twebosi tuli nabo. Loli ilelo nadumula ukuti imbasimbile koka bulo pakubalaba ukuti mulwe nkani ubwite pakulwimila ulwitiko lulo u Chala abapiye abantu bache.

Ubuvumbuli 12:11

Abakamu bitu bakamupota ni banda ilya Mwana uwa ng'ozi sona nu lusimikizyo lwache lulo bakalumbililagha. Abene bakiyipa ubumi bwabo mupaka kubufwe.

Abalongi 14:17

Umukolo yula akamulililagha bulo u Samusoni amasiku seveni agha lusekelo. Pabumalilo, pisiku ilyaseveni akamulingannya iching'anamulo icha chili chila, pachifukwa ichakuti akamuzumagha nkani nizya chili chilachila.

Abalongi 2:10

Bo inkulilo yosi yilayila yafwa, inkulilo iyinji yikizapo, yiyo yitakamumanya u Mwene pamo ukuzimanya imbombo zizyo akababombela aba Izilayeli.

1 Samuweli 2:12

Abana aba Eli bakaba babibi nkani, babo batakamuchindikagha u Mwene.