Yelemiya 9:23 - IBAYIBOLO 2024

²³ U Mwene akuti, “Uwamahala atakituvyanje chifukwa icha mahala ghache pamo uwamaka atakituvyanje pachifukwa icha maka ghache, pamo umukabi atakituvyanje pachifukwa icha bukabi bwache.

Yelemiya 9:23 Iomraidhean Croise

Yobu 32:13

Muchebaye mutakanenaye, “Twaghagha amahala; leka u Chala we amupote, umuntu awe.”

Yobu 41:15

Inyuma yache yili ni mizele iya ngulu iyakulematilana poka;

Masalimo 33:5

U Mwene abughanite ubugholosu nu bwanaloli, sona ichisu ichapasi chizuye nu lughano lulo lutakupotwanga nalumolumo.

Masalimo 34:3

Lumbililagha poka nane nizya bukulu ubwa Mwene, zagha tulikwezyanje poka itabwa lyache.

Masalimo 44:9

Loli ilelo utupiye inkonto nukutukozya isoni, sona utakabuka poka na basilikali bitu pakulwa ubwite.

Masalimo 62:10

Mutakavisubilaye ivyongo, pamo ukwituvikizya muvintu ivya bwiba. Napapo ubukabi bwinyu bwinji nkani, loli mutakabikayepo nkani umoyo.

Ivyili 11:4

Ubukabi butangamwavwa umuntu pisiku ilya bulongi, loli ubwanaloli bukumupoka umuntu kubufwe.

Ivyili 21:30

Ghataliko amahala, pamo ukwivwisya ivintu, pamo imbatiko, zizyo zingamuchila u Mwene.

Ivyili 3:5

Umusubilaye u Mwene nu moyo wako ghosi, sona utakasubilaye ukwivwisya kwako ivintu.

Umulumbilili 2:19

Po nkimba wewenu yuyo azimenye nanti umuntu yunuyu akwiza pakuba wamahala pamo mupunganu? Pope bulo ivintu vyosi vivyo nkavyagha umwakwiyula, sona na mahala ghane pachisu ichapasi vikwiza pakuba munyobe zyache. Vyope vinivi vite ni mbombo nayimoyimo.

Umulumbilili 9:11

Nachennya sona ichintu chimo pachisu ichapasi ichakuti: Te muntu uwalwengo akupota pakuchimbila, pamo umuntu umujivu akupota pabwite. Pamo abantu abamahala bene bo babo bakuchagha ichakulya pamo abantu abamahala bene bo babo bakuba nu bukabi. Te bamanyi bene babo abantu bakubapelela ichisa, loli ulusako ni chighune vikubawila bosi banaba.

Yesaya 10:8

Akuti, ‘Nkimba abalongozi bane bosi tebo bamwene?

Yesaya 20:5

Abantu bosi babo bakuchisubila ichisu icha Etiyopiya nukwituvya pachifukwa icha Ijiputi bakwiza pakusamuliwa.

Yesaya 47:10

Usubaliye ububibi bwako nukunena ukuti, ‘Atalipo nayumo yuyo akunyennya.’ Amahala ghako nu bumanyi bwako vikukusobezya, bo ukunena mumoyo wako ukuti, ‘Nene nemwene, patalipo uyunji yuyo ayanite nane.’

Yesaya 5:21

Chighune kubabo bakwipima bene ukuti bamahala sona bakwinena bene ukuti bachevu.

Yelemiya 31:34

Nayumoyumo umuntu yuyo akwiza pakumumanyisya umupalamani wache, pamo ukumubuzya umukamu wache ukuti, ‘Umumanye u Mwene.’ Pakuti bosi bakwiza pakummanya ane, abana abanandi na bantu abasongo bulo. Nkwiza pakubahobokela imbibi zyabo, sona ntakwiza pakukumbukapo nalumolumo ukunanga kwabo.”

Yelemiya 48:14

“Nkimba munganena bulibuli ukuti, ‘Aswe twe balwabwite, abantu abamaka pabwite?’

Yelemiya 48:7

Pakuti mwazisubila imbombo zyinyu nu bukabi bwinyu, namwe bulo mukwiza pakusendeliwa kubuzya, sona u chala winyu u Kemoshi akwiza pakusendeliwa kubuzya, poka na baputi bache sona na makambala ghache.

Yelemiya 49:4

Nkimba choni chicho mukwituvya na makombe ghinyu, mukwitutumula nu bukabi bwinyu? Abantu abasita kusubiliwa, mukusubila ubukabi bwinyu nukuti, ‘Nkimba wenu yuyo angalwana naswe?’

Ezekiyeli 29:9

Ichisu icha Ijiputi chikwiza pakuba chisami. Po bakwiza pakumanya ukuti ane ne Mwene. “ ‘Pachifukwa ichakuti ukati, “Ulusoko ulwa Nayilo lwane, nene nkalupela.”

Ezekiyeli 7:19

“Bakwiza pakusumba usiliva wabo mumisebo, sona u golide wabo akwiza pakuba munyazu. Usiliva nu golide wabo vitakwiza pakubapoka, pisiku ilya bukali ubwa Mwene. Batakwiza pakwikutizya izala zyabo, pamo pakwizuzya inyanda zyabo nu siliva nu golide, pakuti ubukabi bwabo, bwabapela ukuti banangaye.

Daniyeli 3:15

Losi ulu nanti mwivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana, chingaba chiza nkani ukuti mufughamaye pasi pakuchiputa ichifwani chicho nkapanga. Loli nanti mutakuchiputa, mukwiza pakusumbiwa lubilolubilo mumoto uwa muvuno. Po nkimba chala wenu yuyo akwiza pakubapoka munyobe zyane?”

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Mika 6:8

Wee muntu, u Mwene akulanjizya kale chicho chiza. Nkimba u Mwene akulonda choni kukwako? Ukuti ubombaye ubwanaloli, ubanje we wachisa, sona wiyisyanje pamaso pa Chala wako.

Zefaniya 1:18

Usiliva pamo ugolide wabo vitakwiza pakubapoka pisiku ilya kukalala ukwa Mwene. Mumoto wache uwakabini ichisu chosi ichapasi chikwiza pakulungulila, pakuti akwiza pakubamala umwalubilolubilo abantu bosi babo bakwikala mulamula.

Maliko 10:24

Amazyu agha ghakabaswighisya nkani abamanyili, loli u Yesu akanena sona akati, “Naloli bana bane, chipala nkani pakwinjila mu Bumwene ubwa Chala!

Aba Loma 1:22

Bakwinena bene ukuti bantu bamahala, loli bapunganu.

1 Aba Kolinti 1:31

Ichi cho chicho Amasimbo ghakunena, “Wesi yuyo akulonda ukwituvya, ituvikizyanje mwa Mwene.”

Ukukumbusya Amalamulo 8:17

Polelo muchebaye nkani, mutakatinji, “Na mahala ghitu, sona maka aghitu na ghitu twabwagha ubukabi bosi bunubu.”

Aba Filipi 3:10

Chicho nkulonda chakuti imumanye u Kilisitu, sona nukuti imanye amaka ghagho ghakamuzyusya kubufwe. Nkulonda sona ukuti imbagabile nawe amayimba ghache nukuba ngati weyuyo mu bufwe bwache.

Aba Filipi 3:8

Momumo, vyosi bulo nkuvyennya ukuti vyosi vite ni mbombo, pakuti imumenye u Kilisitu Yesu u Mwene wane. Pachifukwa chinichi, nkutagha ivintu vyosi, sona nkusenda ivintu vyosi pakuba mintu bulo umwakuti ubukabi bwane bubanje we Kilisitu,

1 Timoti 6:10

Pakuti ukuzighana indalama yo mpenya iya mbibi izya kulekanalekana. Pachifukwa icha kuzighana indalama, abantu bamo baluleghuka ulwitiko lwabo, nukwivulazya mumoyo ghabo ni vyakubaba ivikulu nkani.

1 Samuweli 17:42

Bo umu Filisiti amwennya u Devedi yula, akanda pakumusamula, pachifukwa ichakuti akaba muchesamile, sona uwakuboneka akiza nkani.