Yelemiya 9:22 - IBAYIBOLO 2024

²² U Mwene akuti, “Imivimba yikwiza pakuba ngati gho muvundo ghugho balundikite mumughunda, ngati nkose izya ngano zizyo abinuli bazilekite mwisinda, sona atalipo nayumoyumo uwakuzibungannya.”

Yelemiya 9:22 Iomraidhean Croise

2 Abamwene 20:13

U Hezekiya akazipokela intumi zila umwakuhoboka nukubalanjizya vivyo vikaba munyumba iyakusungilamo ivyuma nu siliva nu golide nu twakununkila na mafuta aghamutengo ni ivilwilo vyosi ivya bwite na vyosi vivyo vikaghiwanga umwakusungila ubukabi. Patakabapo nachimo chicho munyumba iyabumwene pamo mubumwene bwache chicho u Hezekiya atakabalanjizya.

2 Abamwene 20:15

Umulaghuzi akamulalusya akati, “Nkimba bakennyamo ichoni munyumba yako iya bumwene?” U Hezekiya akamwamula akati, “Bakennyamo ivintu vyosi vivyo vili munyumba yane iya bumwene. Chitalipo nachimochimo chicho ntakabalanjizya munyumba iyakusungilamo ubukabi bwane.”

2 Abamwene 9:37

Umuvimba uwa Yezibeli ghukwiza pakuba ngati muvundo mumughunda mu Yezileli, umwakuti atalipo nayumoyumo yuyo akwiza pakumumanya.’ ”

Yobu 5:13

Abantu abamahala akubalema ni chipingo icha buchevu bwabo, sona akuzimazya inyinong'ono zyabo inchevu.

Masalimo 49:7

Atalipo nayumoyumo umuntu yuyo angabutabula ubumi ubwa muntu uyunji, pamo ukumupa u Chala ichakwiyipa ichakwitabulila mwene.

Masalimo 83:10

babo ukabanangannya pa Endoli, amabili ghabo ghabolela mwitope.

Ivyili 18:11

Ubukabi ubwa muntu umukabi lyo linga lyache ilyamaka, sona buli ngati lupaso ulutali lulo lungamuvighilila.

Ivyili 23:4

Utakitamyanje wemwene ukuti ubanje we mukabi, loli ubanje muntu uwamahala nu wakwilema.

Yesaya 5:25

Polelo ubukali ubwa Mwene bukwaka pabantu bache, inyobe yache yili mumwanya sona akubakoma. Amaghamba ghakayingana, sona imivimba yisatite bulo mumusebo ngati mantu. Pa zyosi zinizi, ubukali bwache butakutozoka, inyobe yache yichili yigholokite bulo.

Yelemiya 16:4

“Bakwiza pakufwa nu bubine ubupalapala nkani. Batakwiza pakubalila pamo pakubasyila loli bakwiza pakuba ngati vinyazu vivyo vili pachisu. Bakwiza pakufwa nu bwite sona nizala. Imivimba yabo yikwiza pakuba chakulya icha viyuni ni vinyamana.”

Yelemiya 25:33

Pakabalilo kalakala imivimba iya babo bakaghoghiwa nu Mwene, yikwiza pakulambalala posi na posi, ukwandila kubumalilo ubwa chisu mupaka kubunji, kutakwiza pakubapo nayumoyumo uwakubalila, pamo uwakubasyila, loli bakwiza pakuba ngati muvundo pamwanya pachisu.

Yelemiya 6:21

Polelo u Mwene akuti, “Nkwiza pakubabikila ivipunuzyo abantu aba. Abawise nabana bakwiza pakwipunulamo; abakamu na bamanyani bakwiza pakuzimila.”

Yelemiya 7:33

Po imivimba yikwiza pakuba chakulya icha viyuni sona ni vinyamana ivya muchisu ichapasi, sona atakwiza pakubapo nayumo uwa kuvyoghofya.

Yelemiya 8:2

Ghakwiza pakunyampaniziwa kwizuba na kumwezi sona ni tondwa zyosi vivyo bavighanite nkani nukuvibombela sona vivyo bavikonka nukulabako amahala nukuvyiputa. Batakwiza pakughabungannya amafupa ghala pamo ukughasyila, loli ghakwiza pakuba muvundo pamwanya pitope.

Habakuku 1:11

Po bakudumusannya umwalubilolubilo ngati mpepo nukwibukila, sona abantu ababibi banaba, amaka we chala wabo.”

Zefaniya 1:17

“Nkwiza pakubawisizya abantu intamyo sona bakwiza pakwenda ngati bafwamaso, pachifukwa ichakuti bamunangila u Mwene. Ibanda lyabo likwiza pakukupuka ngati lufumbi sona imivimba yabo yikwiza pakuba ngati vintu ivinyazu.”

Ukukumbusya Amalamulo 8:17

Polelo muchebaye nkani, mutakatinji, “Na mahala ghitu, sona maka aghitu na ghitu twabwagha ubukabi bosi bunubu.”