Yelemiya 9:2 - IBAYIBOLO 2024

² Mwee, nalondagha nkani ngati po ningaba ni nyumba munkolongo, umwakuti imbaleke abantu bane nukubepukilamo, pakuti bosi bo bamalaya, ichilundilo icha bantu babo bate basubiliwa.

Yelemiya 9:2 Iomraidhean Croise

Yesaya 59:3

Inyobe zyinyu zili bulo chee ni banda, utufingwi twinyu tope twizuye ni mbibi. Imilomo ghinyu yikunena ubumyasi, zyope indimi zyinyu zikunena ivintu ivibibi.

Yelemiya 12:1

Wee Mwene umugholosu, nalondagha pakususannya nawe. Nkimba choni chicho ababibi bakwendelelagha pakuba bakabi? Nkimba choni chicho ivintu vikubendelagha akiza abazimbuli?

Yelemiya 12:6

Pakuti nabo bawamwinyu sona naba munyumba yako bakukulongelela ukuti ufwanje. Utakabasubilaye, napapo mu mazyu ghabo bakuba ngati po bamanyani bako.

Yelemiya 13:22

Nanti mukwilalusya mwebene mukuti, ‘Nkimba choni chicho zyosi zinizi zyatuwila?’ Pachifukwa icha mbibi zyinyu inyinji ivyakuvwala vyinyu vyazepuliwa sona amabili ghinyu ghayinviwa.

Yelemiya 23:10

Ichisu chizuye na balowe, pachifukwa icha chighune, abantu aba muchisu bakulila, sona lyope nisote ilyakudimamo munkolongo lyumiye. Bope abalaghuzi bakukonka ububibi sona batakubombela mubugholosu.

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Yelemiya 5:1

U Mwene akuti, “Chimbilila uku na uku mumisebo iya mu Yelusalemu, mwiyenezye mwebene, mwennye uku na uku pakasi pamunalo. Nanti mungamwaghako yumo u muntu yuyo akubomba ubugholosu nu bwanaloli umwakuti imuhobokele u Yelusalemu.

Yelemiya 5:11

Aba Izilayeli sona naba Yuda bate basubiliwa kukwane. Ane ne Mwene nanena.”

Yelemiya 5:2

Napapo bakulapila mwitabwa ilya Mwene umumi, pope bulo bakulapa ivyabumyasi.”

Hoseya 4:2

Muli bulo inguno nu bumyasi nukughoghana, nu bwiba, sona nu bwamalaya. Ukubomba imbibi kwafika pabwenecho, sona abantu bakughoghana kabilikabili.

Hoseya 5:7

Bate basubiliwa kwa Mwene, pakuti bapapa umusiwana. Po ulusekelo lwabo ulwa Kupanta ukwa Mwezi umupya lukwiza pakubanangannya poka na maghunda ghabo.

Hoseya 6:7

Balunangannya ulufingo, ngati mumo akabombelagha u Adamu, umwakuti batakaba basubiliwa kukwane.

Hoseya 7:4

Bosi balowe, sona bakwaka ngati moto uwa muvuno, umoto wache ghugho umupiyi atangasonkelezya mupaka ichinyenya chitutumuke.

Mika 6:12

Abantu bache abakabi bavyongo, abantu bache bamyasi, sona bakutamanta bulo.

Zefaniya 3:4

Abalaghuzi bache bakwituvya sona te basubiliwa. Abaputi bache bakubunyazya Ubuzilo Ubuzelu nukuzinangannya indaghilo.

Malaki 2:11

Abantu aba muchisu icha Yuda bate basubiliwa, ichintu ichamwiko chabombiwa mu Izilayeli na mu Yelusalemu. Abantu aba mu Yuda bayinyaza Inyumba iya Mwene yiyo ayighanite nkani, pakubimala abakolo babo bakwiputa u chala uwa chiyeni.

Malaki 2:14

Mukulalusya mukuti, “Nkimba chifukwa choni?” Chifukwa chakuti u Mwene akaba we kaboni uwa pakasi papako nu muchi wako uwakwanda yuyo ukasenda bo wemulumendo, pakuti utakusubiliwa kukwache, napapo umuchi wako uwa kubulumendo yuyo mumanyani wako, yuyo ukafingana nawe ulufingo ulwa sendwa.

Yakobo 4:4

Mwe bantu mwe mute mwe basubiliwa mwee! Nkimba mutazimenye ukuti pakuba bamanyani aba chisu ichapasi, mukwipela mwebene pakuba balwani aba Chala? Abantu babo bakulonda pakuba bamanyani aba muchisu ichapasi bakwipela bene pakuba balwani aba Chala.

Abalongi 2:10

Bo inkulilo yosi yilayila yafwa, inkulilo iyinji yikizapo, yiyo yitakamumanya u Mwene pamo ukuzimanya imbombo zizyo akababombela aba Izilayeli.