Yelemiya 9:19 - IBAYIBOLO 2024

¹⁹ Ukulila ukwa Ziyoni kukwivwika, ‘Mwee twamala! Mwee isoni zyatulema! Tubaghiye pakwepamo muchisu chitu, pachifukwa ichakuti inyumba zyitu zyipela visami.’ ”

Yelemiya 9:19 Iomraidhean Croise

Yesaya 32:9

Amwe mwe bakolo mwe mwifwasiye bulo, nyamuka nukunteghelezya, amwe mwebana abalindu mwe mutakupasya nachimo, teghelezya zizyo nkunena!

Yelemiya 15:1

Po u Mwene akambuzya akati, “Napapo u Mozesi nu Samuweli bangimilila pamaso papane nukubiputila abantu banaba, pope bulo ngali intakabapelela ichisa abantu banaba. Befyepo pamaso papane! Babuzye babukaye!

Yelemiya 2:14

“Nkimba u Izilayeli umubombi, akapapiwa muzya? Po nkimba choni chicho abalwani bache bakumufyula u bukabi bwache?

Yelemiya 4:13

Ennya! Abalwani bakwiza ngati mabingu, ingolo zyabo zikwiza ngati we kankungu, ifalasi zyabo zyalubilo ngati mazwanga. Chighune kukwitu! Twafwa!

Yelemiya 4:20

Intamyo zikwiza pamwanya pantamyo; ichisu chosi chipela pakuba chisami. Lubilolubilo ivisakasa vyane vyananganika, pakabalilo akapimpa bulo, umwenda uwakuzighila ghukazepunkana.

Yelemiya 7:15

Nkwiza pakubasumbila kubutali nukubefyapo pamaso papane, ngati mumo nkababombela aba wamwinyu bosi, abantu aba mu Izilayeli.’ ”

Yelemiya 7:19

Nkimba batakunkalalizya nene? Nkimba batakwivulazya bene umwakuti bakoziwanje isoni?”

Yelemiya 7:29

“ ‘Lilagha mwe bantu aba mu Yelusalemu, mwanga isisi zyinyu sona muzisumbe, mulile nkani pamwanya patughamba, pakuti ane ne Mwene nkalaye sona nabakana abantu bane.

Nkuto 4:15

Abantu bakukolomoka bakutinji, “Epapo pano, mwee bantu abanyazu! Epapo! Epapo, mutakatupalamasyanje!” Nanti bakuchimbila nukwendakwenda, inko izinji zikubabuzya ukuti, “Tutakubitikizya pakwikala sona kuno.”

Nkuto 5:2

Ichilingo chapeghiwa ku bayeni, sona inyumba zyitu zipeghiwe kubendazila.

Ezekiyeli 27:2

“Wee mwana uwa muntu, imba ulwimbo ulwa nkuta ulwa abantu aba mu Tile.

Aba Levi 18:25

Chope ni chisu chikanyala nkani, umwakuti nkachifunda pachifukwa icha mbibi zyache, po ichisu chikabatapika abantu babo bakikalagha mulamula.

Aba Levi 18:28

Po nanti mukuchinyazya ichisu, chikwiza pakubatapika, ukuyana namumo chikabatapikila abantu babo bakikalagha mulamula, bo amwe muchili nukufikamo.

Aba Levi 20:22

“ ‘Mukonkaye amalamulo ghane ghosi, sona ni ndaghilo zyane zyosi, umwakuti ichisu chicho nkubinjizyamo chitakabatapike.

Mika 2:10

Nyamuka, bukagha! Pakuti ubu te buzilo bwinyu ubwakutuzyapo, pachifukwa ichakuti bunyazu, sona bwananganika ukuchilapo.

Mika 2:4

Mwisiku lilalila abantu bakwiza pakukusamula sona bakwiza pakubobezya ni nyimbo izya chililo izyakuti: ‘Mwee twananganika nkani ukatundu uwa bantu bitu afyuliwa. Anfyula ukatundu wane wesi! Akubapa abalwani amaghunda ghitu ghosi.’ ”

Ukukumbusya Amalamulo 28:29

Na pamusanya bulo, amwe mukwiza pakupapasyapapasya bulo ngati muntu umufwamaso, sona ivintu vitakwiza pakubendelagha akiza. Isiku ni siku abantu bakwiza pakubakanyilila nukubibila, sona atakwiza pakubapo nayumoyumo uwakubapoka.