Yelemiya 9:16 - IBAYIBOLO 2024

¹⁶ Nkwiza pakubanyampanizizya pakasi pa inko zizyo abene pamo abanyenya binyu batazimenye nalumo, nukubatumila abasilikali pakubamala bosi.”

Yelemiya 9:16 Iomraidhean Croise

Nehemiya 1:8

“Kumbuka amazyu ghagho ukamubuzya umubombi wako u Mozesi ukuti, ‘Nanti mutakuba mwe basubiliwa nkwiza pakubanyampannya pakasi pa inko izinji.

Masalimo 106:27

sona nukubanyampannya abaluko lwabo pakasi pabantu aba inko izinji, nukubasasya muvyisu ivyakulekanalekana.

Umulumbilili 12:5

Ukwiza pakunyila pakukwela pighamba, pamo pakwenda pamusebo, sona bo ikwi ilya muposya lyanda pakubazya. Zikwiza pakubombiwa bo impazi yikwenda mulamula, sona bo umuntu ate sona ni vinyonywa. Bo umuntu abuka kukaya kache aka bwila na bwila, sona bo abantu abakulila bakwenda mumisebo.

Yelemiya 13:24

“Ane nkwiza pakubanyampannya ngati lyelelo lilyo likupupuziwa ni mpepo iya munkolongo.

Yelemiya 24:10

Nkwiza pakubatumila ubwite, nizala sona ni chiwaya mupaka bosi bananganike muchisu chicho nkabapa abene poka na banyenya babo.’ ”

Yelemiya 25:27

Po u Mwene ambuzya ati imbabuzye abantu ukuti, “U Mwene Uwamaka Ghosi, u Chala uwa Izilayeli akuti, ‘Ng'wela, mukolwe nkani nukutapika, muwanje pasi po mutakanyamuke sona, pachifukwa icha bwite bubo nkwiza pakutuma pakasi papinyu.’ ”

Yelemiya 29:17

U Mwene Uwamaka Ghosi akuti, “Nkwiza pakubatumila ubwite, nizala sona ni chiwaya, nkwiza pakubapela ngati vikomwa ivya makuyu vivyo vibolite sona umuntu atangalya napo panandi.

Yelemiya 44:27

Nkwiza pakwenelezya ukuti imbabombele ichintu ichibibi, ntakwiza pakubabombela inyiza. Aba Yuda babo bali mu Ijiputi bakwiza pakuzimila nu bwite nizala mupaka bosi bananganike.

Yelemiya 7:29

“ ‘Lilagha mwe bantu aba mu Yelusalemu, mwanga isisi zyinyu sona muzisumbe, mulile nkani pamwanya patughamba, pakuti ane ne Mwene nkalaye sona nabakana abantu bane.

Yelemiya 8:19

Ivwa ukulila ukwa bantu bane abakufuma kuchisu icha kubutali, “Nkimba u Mwene atalimo muchisu icha Ziyoni? Fwandi u mwene atalimo mulamula?” U Mwene akwamula akuti, “Nkimba choni chicho bakunkalalizya ni vifwani vyabo? Sona ni vifwani vyabo iviyeni vivyo vite nimbombo nayimoyimo?”

Ezekiyeli 11:17

“Polelo ubabuzye ukuti u Mwene Uwamaka Ghosi akuti, ‘Nkwiza pakubabungannya ukufuma ku inko nukubanyosezya muvyisu mumo mukanyampana, po nkwiza pakubanyosezya sona ichisu icha Izilayeli.’

Ezekiyeli 12:15

“Bakwiza pakumanya ukuti ane ne Mwene, bo nkubalesannya pakasi pa inko nukubanyampannya muvyisu vyosi.

Ezekiyeli 14:17

“Pamo nanti ni ngiza nu bwite muchisu chila nukuti, ‘Leka ubwite busate ichisu chosi,’ nukubaghoghamo abantu ni vinyamana,

Ezekiyeli 20:23

Po nkalapa sona ichilapo munkolongo ukuti nkwiza pakubachimbizizya pakasi pa inko nukubanyampanikizya ku vyisu ivya kubutali,

Ezekiyeli 27:2

“Wee mwana uwa muntu, imba ulwimbo ulwa nkuta ulwa abantu aba mu Tile.

Ezekiyeli 5:12

Ichigaba ichabutatu icha bantu bakwiza pakufwa ni chiwaya pamo nizala, ichigaba ichabutatu bakwiza pakufwila kubwite kuzi ukwa kaya kinyu akakulu nkani, sona ichigaba ichabutatu nkwiza pakubanyampannya kosi na kosi, nukubachimbizya nupanga.

Ezekiyeli 5:2

Bo isiku ilya kuzyunguliliwa kwako lyamala, ocha ichigaba chako ichabutatu icha isisi mo mukasi mukaya akakulu nkani. Senda sona ichigaba ichabutatu nukudumula nupanga ukuzyungulila akaya akakulu nkani. Uchipupuzye mumpepo ichigaba ichabutatu. Pakuti nkwiza pakubachimbizya nupanga.

Aba Levi 26:33

Nkwiza pakubanyampanizizya pakasi pabantu aba inko injeni nukubanangannya nupanga wane. Ichisu chinyu chikwiza pakuba nkolongo, sona utwaya twinyu utukulu nkani tukwiza pakuba visami.”

Amosi 5:16

Polelo u Mwene u Chala Uwamaka Ghosi akuti, “Mumisebo mukwiza pakuba ukulila, sona muminalo mukwiza pakuba kulila kwene, pachifukwa icha ntamyo, bope abalimi bakwiza pakwitiziwa pakulila, poka na bantu babo bamenye pakulila pamfwa.

Mika 2:4

Mwisiku lilalila abantu bakwiza pakukusamula sona bakwiza pakubobezya ni nyimbo izya chililo izyakuti: ‘Mwee twananganika nkani ukatundu uwa bantu bitu afyuliwa. Anfyula ukatundu wane wesi! Akubapa abalwani amaghunda ghitu ghosi.’ ”

Zekaliya 7:14

Nkabanyampannya nu kankungu pakasi pa inko zyosi, kuko bakaba bayeni. Ichisu chabo chikaba chisami umwakuti nayumoyumo umuntu angikalamo. Umu momumo bakachipelela ichisu ichiza pakuba chisami.’ ”

Ukukumbusya Amalamulo 28:25

U Mwene akwiza pakubitikizya abalwani binyu ukuti babapote. Bo mukwiza pakulwa nabo ubwite mukwiza pakwenda izila yoka, loli mukwiza pakubachimbila pakwenda izila seveni. Po abamwene bosi aba muchisu ichapasi bakwiza pakuba nubogha bo bakwennya zizyo zyabawila.

Ukukumbusya Amalamulo 28:36

U Mwene akwiza pakubachimbizizya amwe poka nu mwene winyu kuchisu ichiyeni, chicho amwe pamo abanyenya binyu mutachimenyepo nalumolumo. Kulakula mukwiza pakubiputa abachala abanji, babo bapangiwe na makwi, sona na mabwe.

Ukukumbusya Amalamulo 28:64

Pisinda pache u Mwene akwiza pakubanyampanikizya pakasi pa inko zyosi, ukwandila ko kumpaka iya chisu ichapasi mupaka iyinji. Kulakula mukwiza pakubiputa abachala abanji, babo bapangiwe na makwi, sona na mabwe, abachala babo amwe pamo abanyenya binyu mutabamenyepo nalumo.

Ukukumbusya Amalamulo 32:26

Nkati, ‘Nalondagha nkani nanti nabanangannyanga, sona nanti naghazimyanga amatabwa ghabo muchisu ichapasi, umwakuti atakabepo nayumoyumo umuntu uwakubakumbuka sona.’

Ukukumbusya Amalamulo 4:27

U Mwene akwiza pakubanyampanikizya pakasi pabantu aba inko izinji, sona abantu banandi bulo pakasi papinyu, bo babo bakwiza pakupona.

Yakobo 1:1

Ane ne Yakobo umubombi uwa Chala, sona nu mubombi uwa Mwene u Yesu Kilisitu. Nkubalamuka abantu bosi aba Chala babo banyampanite muchisu chosi ichapasi.