Yelemiya 9:15 - IBAYIBOLO 2024

¹⁵ Polelo, u Mwene Uwamaka Ghosi, u Chala uwa Izilayeli akuti, “Ennya, nkwiza pakubalyesya abantu banaba ichakulya ichibabe sona nukubang'wesya amizi agha bwanga.

Yelemiya 9:15 Iomraidhean Croise

Masalimo 60:3

Wabitikizya abantu bako ukuti bakomane nintamyo impalapala, sona watung'wesya uvinyo, po tukutantalila nawe.

Masalimo 69:21

Bakambikila akanyongo muchakulya, sona bo indi ni nyota bakampa uvinyo umusape.

Masalimo 75:8

U Mwene alemite ulubako munyobe, lulo lwizuye nu vinyo uwa itatafula umongannye ni vyakunonezya ichakulya. Akumupungula, po abantu ababibi bosi aba muchisu ichapasi bakung'wela, bakung'wela wesi mupaka pamasika.

Masalimo 80:5

Wabapa amasozi pakuba chibama, wabang'wesya ulubako ulwizule na masozi.

Yesaya 2:17

Bosi abakwitutumula bakwiza pakukoziwa isoni, sona bosi abamituvyo bakwiza pakwisiwa pasi. Loli u Mwene weyuyo akwiza pakukweziwa pisiku lilalila.

Yesaya 2:22

Leka pakumusubila umuntu yuyo akufwa, po nkimba umuntu angabavwa ichoni?

Yelemiya 23:15

Polelo, pakunena nizya balaghuzi banaba, u Mwene Uwamaka Ghosi akuti, “Nkwiza pakubalyesya ivyakulya ivibabe, sona bakwiza pakung'wela amizi agha bwanga, pachifukwa ichakuti ukwendela mu balaghuzi aba mu Yelusalemu imbeyu imbibi yapesiwa muchisu chosi.”

Yelemiya 24:10

Nkwiza pakubatumila ubwite, nizala sona ni chiwaya mupaka bosi bananganike muchisu chicho nkabapa abene poka na banyenya babo.’ ”

Yelemiya 25:15

U Mwene, u Chala uwa ba Izilayeli akambuzya akati, “Senda ulubako ulwa vinyo ulwizule nubukali bwane, uzing'wesye inko zyosi zizyo nkukutumako.

Yelemiya 44:27

Nkwiza pakwenelezya ukuti imbabombele ichintu ichibibi, ntakwiza pakubabombela inyiza. Aba Yuda babo bali mu Ijiputi bakwiza pakuzimila nu bwite nizala mupaka bosi bananganike.

Yelemiya 49:37

Nkwiza pakubapelela ubogha aba Elamu pamaso pa balwani babo, pamaso pa babo bakubulondelezya ubumi bwabo. Nkwiza pakubanangannya abantu aba ku Elamu, sona nkwiza pakubawisizya ubukali bwane ubwakoghofya. Ane ne Mwene nanena. “Nkwiza pakubachimbizya nupanga, mupaka imbamale bosi.

Yelemiya 8:14

Abantu bakuti, “Nkimba choni chicho twikaye pano? Bungana poka! Zagha tuchimbilile ku malinga agha mutwaya utukulu nkani nukuzimila kulakula! Pakuti u Mwene u Chala witu adumula ukuti tubaghiye pakufwa, sona atung'wesya amizi agha bwanga, pakuti twamunangila.

Nkuto 3:15

U Mwene ampiye intamyo impalapala, pakuba chakulya chane sona ni chakung'wela chane.

Nkuto 3:19

Nkughakumbuka amayimba ghane nu kwendakwenda kwane kosi, sona ni vyakubaba vivyo nkang'wela nintamyo zyane.

Ezekiyeli 5:12

Ichigaba ichabutatu icha bantu bakwiza pakufwa ni chiwaya pamo nizala, ichigaba ichabutatu bakwiza pakufwila kubwite kuzi ukwa kaya kinyu akakulu nkani, sona ichigaba ichabutatu nkwiza pakubanyampannya kosi na kosi, nukubachimbizya nupanga.

Ezekiyeli 5:2

Bo isiku ilya kuzyunguliliwa kwako lyamala, ocha ichigaba chako ichabutatu icha isisi mo mukasi mukaya akakulu nkani. Senda sona ichigaba ichabutatu nukudumula nupanga ukuzyungulila akaya akakulu nkani. Uchipupuzye mumpepo ichigaba ichabutatu. Pakuti nkwiza pakubachimbizya nupanga.

Ukukumbusya Amalamulo 28:36

U Mwene akwiza pakubachimbizizya amwe poka nu mwene winyu kuchisu ichiyeni, chicho amwe pamo abanyenya binyu mutachimenyepo nalumolumo. Kulakula mukwiza pakubiputa abachala abanji, babo bapangiwe na makwi, sona na mabwe.

Ukukumbusya Amalamulo 29:18

Mwenelezye ukuti atakabepo nayumoyumo umwanavuli pamo umukolo pamo inyumba pamo uluko kokuti amwe mwebosi mwe mwimiliye pano ilelo mwapaghukako kwa Mwene u Chala witu nukubiputa abachala aba inko izinji. Mwenelezye nkani ukuti katakabepo nakamokamo akagululuzi pakasi papinyu kako kangela ivikomwa ivyakubaba nivimelwa ivyakughogha.

Ubuvumbuli 8:11

Itabwa ilya lutondwa lulalula likaba we “Kubaba.” Ichigaba choka icha vigaba vitatu ivya mizi chikababagha, sona abantu abinji bakafwa, bo bang'wela amizi ghalaghala pakuti ghakababagha nkani.