Yelemiya 9:11 - IBAYIBOLO 2024

¹¹ U Mwene akuti, “Nkwiza pakumupela u Yelusalemu pakuba chisami, numwakughonamo abakambwe, sona utwaya utwa Yuda utukulu nkani tukwiza pakumongoliwa, umwakuti nayumoyumo u muntu akwiza pakwikalaghamo.”

Yelemiya 9:11 Iomraidhean Croise

Nehemiya 4:2

pamaso pa bamwabo sona na basilikali aba mu Samaliya ukuti, “Nkimba aba Yuda abadedebazu aba bakubomba ichoni? Nkimba bakwinong'ona ukuti bangazenga sona ulupaso? Nkimba bakwinong'ona ukuti bangamalizya imbombo iyi mwisiku lyoka nanti babika ivyakwiyipa? Fwandi bakwinong'ona ukuti bangapanga sona amabwe ukufuma kuvibunga ivya mabwe aghakunanganika ghagho ghochiwe numoto?”

Masalimo 107:43

Wesi yuyo ali na mahala achebaye na zinizi, sona inong'onayepo nizya lughano ulukulu nkani ulwa Mwene.

Masalimo 44:19

Loli ukatubika muntamyo, nukutupela pakuba nkolongo sona watuvwinka ni chisi ichakoghofya nkani icha bufwe.

Masalimo 79:1

Wee Chala, abantu aba inko izinji binjiye muchisu icha bantu bako, bayinyazya inyumba yako izelu, sona bakapelite akaya akakulu nkani aka Yelusalemu pakuba chisami.

Yesaya 13:22

Abalabwe bakwiza pakulilagha muvipinda ivya nyumba zila, bope abakambwe bakwiza pakuba mubuzilo ubwiza munyumba izya bumwene. Akabalilo kache kali papipi, sona namasiku ghache ghatakwiza pakwendelela.

Yesaya 25:2

Wakapela Akaya akakulu nkani, pakuba chibunga chamabwe. Akaya akakulu kala wakapela pakuba chisami, sona amalinga agha bayeni aghamaka agha kaya akakulu nkani, ghatakwiza pakubapo sona, ghatakwiza pakuzengiwa sona

Yesaya 34:13

Amivwa ni ntolovu vikwiza pakumela munyumba izya bumwene, ukabeya na mivwa vikwiza pakumela mumalinga ghache. Kakwiza pakuba nyumba iya bakambwe naba mpughulu.

Yesaya 44:26

yuyo akunyamula amazyu agha babombi bache, nukukwanilisya zizyo intumi zyache zikanenela zila, yuyo akunena nizya Yelusalemu ukuti, ‘Akwiza pakuba na bantu abakwikalamo,’ mutwaya utukulu utwa Yuda, ‘Tukwiza pakuzengiwa sona,’ ivisami vyabo vyope, ‘Nkwiza pakuvizenga sona,’

Yelemiya 1:15

Indi papipi pakuzyitizya inko zyosi izya bumwene ubwa kumitu. Ane ne Mwene nanena. Abamwene babo bakwiza pakuvyikazya ivitengo vyabo ivya bumwene pamilyango iya kaya akakulu nkani aka Yelusalemu, sona bakwiza pakughazyungulila amalinga ghache nutwaya tosi utukulu nkani utwa Yuda.

Yelemiya 10:22

Teghelezya! Ipangwi lilyo likwiza. Ichongo ichikulu icha kumitu chikwiza. Chikwiza pakutupela utwaya utukulu utwa Yuda pakuba chisami, mumo mukwikalamo abakambwe.

Yelemiya 16:10

“Bo ukubabuzya abantu banaba amazyu ghosi ghanagha po bakukulalusya bakuti, ‘Nkimba choni chicho u Mwene alamula ukuti ichintu ichipalapala ngati chinichi chituwile? Nkimba twananga ichoni? Fwandi twamubombela mbibi yoni u Mwene u Chala witu?’

Yelemiya 25:11

Ichisu chosi ichi chikwiza pakuba nkolongo ni chisami, sona inko zinizi zikwiza pakumubombela u mwene uwa Babiloni amaka 70.

Yelemiya 25:18

Ku Yelusalemu sona na mutwaya utwa Yuda, na bamwene na makambala pakubapela pakuba chisami, nukuba chintu ichakoghofya, nicha kusekiwa nukughuniwa ngati mumo babeleye ilelo,

Yelemiya 26:18

“U Mika uwa muchisu icha Molesheti akalaghulagha mukabalilo aka Hezekiya, u mwene uwa chisu icha Yuda akati, ‘U Mwene Uwamaka Ghosi ati: U Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.’

Yelemiya 26:9

Nkimba choni chicho ukulaghulila mwitabwa ilya Mwene ukuti inyumba iyi yikwiza pakuba ngati buzilo ubwa Shilo sona akaya akakulu aka kakwiza pakuba chisami, mutakwiza pakuba nu muntu nayumoyumo?” Po abantu bosi bakamuzyungulila u Yelemiya mu Nyumba iya Mwene.

Yelemiya 34:22

“Nkwiza pakulamula nukubanyosezya sona mukaya akakulu nkani aka. Bakwiza pakulwa nako nukukafyula sona bakwiza pakukocha numoto. Nkwiza pakutupela utwaya utukulu utwa Yuda pakuba nkolongo nukuti mutakwiza pakwikalaghamo sona umuntu nayumoyumo. Ane ne Mwene nanena.”

Yelemiya 4:27

U Mwene akuti, “Ichisu chosi chikwiza pakuba chisami, napapo ntakwiza pakuchinangannya zila.

Yelemiya 44:2

U Mwene Uwamaka Ghosi, u Chala uwa Izilayeli akati, “Amwe mwebene mukakwennya ukunanganika kuko nkakawisizya akaya aka Yelusalemu sona nutwaya tosi utukulu utwa Yuda. Ilelo utwaya tula twaba visami sona atalimo nayumoyumo umuntu uwakwikalamo

Yelemiya 49:33

Akaya aka Hazoli kakwiza pakuba kakwikalamo abakambwe, nukwipela pakuba chisami icha bwila na bwila. Atalipo nayumoyumo yuyo akwiza pakwikalamo, sona nuwakuzengamo.”

Yelemiya 50:3

Uluko ulwa kumitu lukwiza pakulwa nawe ubwite nukuchipela ichisu chila pakuba chisami. Atakwiza pakubapo nayumoyumo umuntu uwakwikala mulamula. Abantu ni vinyamana bakwiza pakuchimbilamo.”

Yelemiya 51:37

U Babiloni akwiza pakuba chibunga icha visami, sona nu buzilo ubwakwikalamo abakambwe, akaya akakoghofya na kakusamuliwa, mumo atalimo nayumoyumo uwakwikalamo.

Yelemiya 8:22

Nkimba ku Giliyadi ghutaliko u mulembo uwakupozezya? Nkimba ataliko nayumoyumo umughanga kulakula? Po nkimba choni chicho ivilonda ivya abantu bane vitakupola?

Nkuto 1:4

Imisebo iyakubukila ku Yelusalemu yikulila, pakuti atalipo nayumoyumo yuyo akubuka kulusekelo. Abalindu babo bakimbagha kulakula ilelo bali mumayimba, sona abaputi bache bakukoloma. Yope imilyango yache yaba visami, sona akaya akakulu nkani aka Yelusalemu kali muntamyo inkulu nkani.

Nkuto 2:2

Umwakusita ichisa u Mwene atuzimizya utwaya tosi utwa Yakobo, mubukalale bwache aghamongolannya amalinga ghosi agha Yuda. Abukozya isoni nukubwisya pasi, ubumwene bwache, poka na balaghili bache bosi.

Nkuto 3:47

Aswe tuli nubogha, sona twawila muchiliba, twananganika sona twazimila.

Aba Levi 26:32

Nkwiza pakuchinangannya ichisu chinyu, umwakuti abalwani binyu babo bakwikalamo bakwiza pakuchiswigha bulo.

Mika 1:6

Po u Mwene akuti, “Nkwiza pakukapela akaya akakulu nkani aka Samaliya pakuba chisami, pakuba maghunda agha mampesya. Nkwiza pakughasumbila amabwe ghache mwikombe, sona nukulufukula ulwalo lwache.

Mika 3:12

Polelo pachifukwa icha mwemwe, u Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.

Mika 6:16

Pakuti mwayikonka inkalo iya Omuli ni mbombo nakikalile aka mbumba iya Ahabu sona nukuti mwazikonka inyiho zyabo. Polelo nkwiza pakubanangannya, abantu binyu bakwiza pakubatuka, mukwiza pakusamuliwa na bantu aba inko zyosi.”

Ukukumbusya Amalamulo 29:23

Umuvundo ghukwiza pakumalamo mumaghunda ghinyu, sona ulufumbi lwene ni mbeya nu sulufule vikwiza pakuba posi na posi muchisu chinyu. Mumaghunda ghinyu mutakwiza pakumelamo nachimochimo ichimelwa manyi lisote manyi amakwi. Ichisu chinyu chikwiza pakuyana bulo nakaya aka Sodomu naka Gomola naka Adima naka Zeboyimu tuto u Mwene akatunangannya pachifukwa icha bukali bwache.

Ubuvumbuli 18:2

Akakolomoka nizyu ilya pamwanya nkani akati, “Kamala mwee! Kamala mwee! Kamala akaya akakulu nkani aka Babiloni! Ipelite mwene pakuba buzilo ubwa mizimu imibibi. Ipelite pakuba chivulumbo icha viyuni vyosi ivinyazu pakuba buzilo ubwa vinyamana ivilwani.