Yelemiya 9:1 - IBAYIBOLO 2024

¹ Mwee, nalondagha nkani ukuti u mutu wane ghube ngati mbwibi iya mizi nukuti amaso ghane ghabe ngati chiziba icha masozi! Umwakuti ngali nalila umusanya nubusiku pachifukwa icha bantu bane babo baghoghiwe.

Yelemiya 9:1 Iomraidhean Croise

Masalimo 119:136

Amaso ghane ghakukupula amasozi, pachifukwa ichakuti ululaghilo lwako lutakusungiwa.

Masalimo 42:3

Nkulila pamusanya na pabusiku bulo, sona amasozi gho chakulya chane. Akabalilo kosi abalwani bane bakundalusya bakuti, “Nkimba u Chala wako ali ko kwiyi?”

Masalimo 55:7

Naloli ngali nabulukila kubutali nukwikala munkolongo.

Yesaya 16:9

Po nkulila, ngati mumo aba Yazeli bakulilila, pachifukwa icha mughunda uwa mampesya uwamu Sibima. Wee Heshiboni, wee Eleyale nkukulilila amasozi! Ukulila ukwa bantu aba mu Yazeli, pachifukwa icha mampesya agha mu Sibima, pate inyinulo iya kubapela abantu ukuti basekelaye.

Yesaya 22:4

Polelo nkati, “Mundeke nemwene, ukuti indilepo nkani. Mutakansangalusyanje pachifukwa icha kunanganika ukwa bantu bane.”

Yelemiya 13:17

Loli nanti mutakuteghelezya, nkwiza pakubalilila kubusyefu, pachifukwa icha mituvyo ghinyu, amaso ghane ghakwiza pakulila nkani, ghakwiza pakwizula namasozi pachifukwa ichakuti ing'ozi izya Mwene zili mubuzya.

Yelemiya 14:17

Ubabuzye amazyu agha uti, ‘Amaso ghane ghakwiza pakwizula na masozi, pabusiku na pamusanya umwakusita kulekapo, pakuti abantu bane abasaliwa bavulaziwa nkani, sona bali ni vilonda.

Yelemiya 3:10

Napapo zikabombiwa zyosi zinizi, u muyemba wache umusita kusubiliwa u Yuda atakanyokela kukwane nu moyo wache ghosi, loli akabomba nu moyo uwabuzimbuli. Ane ne Mwene nanena.”

Yelemiya 4:19

Mwee, intamyo! Mwee intamyo! Nkwigholola nu bubavu. Mwee umoyo wane ghukubaba, umoyo wane ghukukoma nkani, nkupotwa pakuba myee. Pakuti nivwa ukulila ukwa lipati, nivwa ichongo icha bwite.

Yelemiya 5:7

U Mwene akuti, “Nkimba choni chicho imbahobokele? Abana binyu bankanite, sona nukulapa ku bachala babo bate bo bachala. Nkabapa vyosi vivyo bakalondagha, loli pope bulo bakalowa bakatagha akabalilo munyumba izya bamalaya.

Yelemiya 6:26

Mwee bantu bane, vwala amasaka sona mughalaghataye mwitoyi, mulilaye umwakukolomoka, ngati mumo umuntu akumulilila u mwana wache weka naweka, pakuti umwakuchenusya bulo uwakutunangannya akwiza pakutwizila.

Yelemiya 8:18

Ukubaba ukwa moyo wane kute numulembo naghumoghumo, umoyo wane wawa amaka.

Yelemiya 9:18

Bize umwalubilolubilo pakutulila, ukuti amaso ghitu ghafumaye amasozi, sona muvisighe vyitu mwizulaye amizi.

Nkuto 2:11

Amaso ghane ghizuye pachifukwa icha kulila, sona mukasi muli ubwite. Ghope umoyo wane wavulala, pachifukwa ichakunanganika ukwa bantu bane. Pakuti abana na babonda bakuzililika mumisebo iya kaya akakulu nkani.

Ezekiyeli 22:12

Pakasi papinyu abantu bakupokela amabeko ukuti bakupule ibanda, bakupokela ichuma ichakonjelezya pamwanya kubapalamani binyu, loli mwanduvya ane. U Mwene Uwamaka Ghosi anena.

Hoseya 7:4

Bosi balowe, sona bakwaka ngati moto uwa muvuno, umoto wache ghugho umupiyi atangasonkelezya mupaka ichinyenya chitutumuke.