Yelemiya 8:9 - IBAYIBOLO 2024

⁹ Abamahala bakwiza pakukoziwa isoni, amahala ghakwiza pakubamalila sona bakwiza pakulemiwa. Pakuti balikana izyu ilya Mwene, nkimba bali na mahala ghoni?

Yelemiya 8:9 Iomraidhean Croise

2 Abamwene 17:15

Bakazisulannya indaghilo zyache nu lufingo lulo akafingana na banyenya babo, sona ni soki zyache. Pachifukwa ichakuti bakavichindikagha ivifwani ivyamwalwemwalwe, po bope bakaba bamwalwemwalwe. Bakeghelelagha inyiho izya inko zizyo zikabazyungulila napapo u Mwene akabalamula akati, “Mutakabombaye ngati mumo inko zinizi zikubombela,” sona bakabombagha ivintu vivyo u Mwene akabakanizya.

Yobu 5:12

Akuzivulungannya inyinong'ono izya bachevu, umwakuti atakakabe ichintu nachimochimo.

Yobu 5:13

Abantu abamahala akubalema ni chipingo icha buchevu bwabo, sona akuzimazya inyinong'ono zyabo inchevu.

Masalimo 19:7

Ululaghilo ulwa Mwene lwakufikapo, lukutupa sona ubumi ubupya. Amalamulo agha Mwene masubiliwa, ghagho ghakubapa amahala abantu babo bate nagho.

Yesaya 19:11

Amakambala agha mukaya akakulu nkani aka Zowani bapunganu, abalongozi abamahala bakumumanyisya u Falabo amahala agha bupunganu. Nkimba ungamubuzya bulibuli u Falabo ukuti, “Ane ne wabamo abamahala, umumanyili uwa ivula intazi uwa bamwene”?

Yesaya 29:14

Polelo nkwiza pakubabombela abantu aba, ivyakuswighisya ivyakulekanalekana, amahala agha bantu abamahala ghakwiza pakuzimila, sona ubumanyi ubwa bantu abamanyi, bope bukwiza pakuzyebeluka.”

Yesaya 43:27

Abanyenya binyu abakwanda bakananga, abalongozi binyu bakansambukila.

Yesaya 8:20

Ululaghilo nu lusimikizyo nanti vitakunena amazyu ghanagha vite nulukozyo nalumo.

Yelemiya 15:6

U Mwene akuti, “Mwankana, mwanyokela mwisinda. Po nane nkwiza pakugholosya inyobe yane nukubanangannya, sona nalita pakubahobokela.

Yelemiya 19:7

“ ‘Pabuzilo bunubu nkwiza pakuvulungannya imbatiko zyosi izya bantu aba muchisu icha Yuda nicha Yelusalemu. Abalwani babo bakwiza pakubapota nukubaghoghela kubwite. Nkwiza pakuvipa iviyuni ni vinyamana imivimba yabo ukuti cho chibanje chakulya chabo.

Yelemiya 2:8

Abaputi batakalalusyapo ukuti, ‘Nkimba u Mwene ali kwiyi?’ Abamanyandaghilo batakamanya, abalongozi bakansambukila. Abalaghuzi bakalaghulila mwitabwa ilya chala u Baala, nukuvikonka ivifwani vivyo vite ni mbombo.”

Yelemiya 49:7

Pakunena nizya Edomu, U Mwene Uwamaka Ghosi akuti, “Nkimba mutalimo amahala mu Temani? Nkimba abantu abamahala ubulongozi bwabo bwamala? Nkimba amahala ghabo ghabamaliye?

Yelemiya 6:15

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nkubafunda. Ane ne Mwene nanena.”

Yelemiya 6:19

Wee chisu ichapasi, teghelezya, nkwiza nintamyo pabantu aba, nkwiza ni vikomwa ivya mbombo zyabo, pachifukwa ichakusita kwivwila amazyu ghane, sona balukanite ululaghilo lwane.

Ezekiyeli 7:26

Intamyo zikwiza pakuwila pantamyo izinji, sona imbili yikwiza pakuwila pa mbili iyinji. Bakwiza pakulonda ichisetuka ku mulaghuzi, loli ubumanyisi ubwa lulaghilo ulwa muputi lukwiza pakusobela, po abasongo batakwiza pakumanyisya sona amahala.

Amosi 2:4

U Mwene akuti, “Pakuti abantu aba mu Yuda bakunanga kabilikabili, po ane ntakwiza pakubwisya ubukali bwane. Pachifukwa ichakuti balukana ululaghilo ulwa Mwene sona baghasulannya amalamulo ghache. Pakuti abachala abamyasi babasobezizye, abachala babo abanyenya bakabiputagha.

Zekaliya 13:4

“Pisiku linilyo, umulaghuzi wesi akwiza pakukoziwa isoni pachifukwa icha chisetuka ichabulaghuzi bwache chicho akachennya. Atakwiza pakuvwala sona inkazo iya meya iya balaghuzi umwakuti abazimbulaye abantu.

Ukukumbusya Amalamulo 4:6

Mughakonkaye na moyo ghinyu ghosi pakuti ichi chikwiza pakubalanjizya abantu aba inko izinji ukuti mwe bamahala na bakwivwisya. Bo bivwa nizya ndaghilo na malamulo ghanagha bakwiza pakunena ukuti, “Naloli uluko ulukulu ulu, lo luko ulwa mahala nu lwakwivwisya.”

2 Timoti 3:15

Uzimenye sona ukuti ukwandila ko kubwana bwako, waghamanya Amasimbo Amazelu ghagho ghangakupa amahala ukuti impokiwe ukwendela mu lwitiko mwa Kilisitu Yesu.