Yelemiya 8:8 - IBAYIBOLO 2024

⁸ “ ‘Nkimba munganena bulibuli ukuti, “Aswe tuli namahala, pakuti tuli nu lulaghilo ulwa Mwene.” Loli mumanye ukuti abasimbi binyu bo babo basimbite izinji bulo zizyo zyabumyasi?

Yelemiya 8:8 Iomraidhean Croise

Yobu 11:12

Loli umupunganu angaba na mahala nanti impunda yapapa umuntu.

Yobu 12:20

Akubighalila pamulomo abantu abamahala abasubiliwa, akubafulya abasongo ukwivwisya kwabo.

Masalimo 147:19

Akumuvumbulila u Yakobo amazyu ghache, sona akubamanyisya aba Izilayeli indaghilo na malamulo ghache.

Ivyili 17:6

Abizukulu yo mpumpu iya muntu umughosi, sona abapapi bo buchindamu ubwa bana.

Yesaya 43:27

Abanyenya binyu abakwanda bakananga, abalongozi binyu bakansambukila.

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 19:7

“ ‘Pabuzilo bunubu nkwiza pakuvulungannya imbatiko zyosi izya bantu aba muchisu icha Yuda nicha Yelusalemu. Abalwani babo bakwiza pakubapota nukubaghoghela kubwite. Nkwiza pakuvipa iviyuni ni vinyamana imivimba yabo ukuti cho chibanje chakulya chabo.

Yelemiya 2:8

Abaputi batakalalusyapo ukuti, ‘Nkimba u Mwene ali kwiyi?’ Abamanyandaghilo batakamanya, abalongozi bakansambukila. Abalaghuzi bakalaghulila mwitabwa ilya chala u Baala, nukuvikonka ivifwani vivyo vite ni mbombo.”

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Yelemiya 48:14

“Nkimba munganena bulibuli ukuti, ‘Aswe twe balwabwite, abantu abamaka pabwite?’

Hoseya 8:12

Nkabasimbila ivintu ivyinji nkani ivya ndaghilo zyane, loli bakavipima pakuba ngati po vintu viyeni.

Matayi 15:6

Pakubomba bunubu mukughakana amalamulo agha Chala ukuti mukonke inyiho zyinyu.

Yohani 9:41

U Yesu akabamula akati, “Nanti mukabanga bafwamaso, ngali mute mwe bambibi. Loli pakuti mukwinena mwebene mukuti, ‘Tukwennya,’ chikung'anamula ukuti muchili mwe bambibi.”

Aba Loma 1:22

Bakwinena bene ukuti bantu bamahala, loli bapunganu.