Yelemiya 8:7 - IBAYIBOLO 2024

⁷ Inyangenyange ni nkunda ni nkwale nu sele vikamenye akabalilo kabo aka kunyamukila ubulendo. Loli abantu bane batazimenye indaghilo izya Mwene.

Yelemiya 8:7 Iomraidhean Croise

Inyimbo izya Solomoni 2:12

Ubwezya bukuboneka pachisu ichapasi, sona akabalilo akakwimbila kafika, ukulila ukwa nkunda kukwivwika muchisu chitu.

Yesaya 1:3

Inkambaku zimumenye umwenecho impunda yope yichimenye ichakulyelamo. Loli aba Izilayeli batakuzimanya, abantu bane batakwivwisya.”

Yesaya 27:11

Nanti isamba zyache zyumila zikupyoka, sona abakolo bakuzitenya nukuzipela pakuba nkwi. Pakuti banaba bo bantu babo batakwivwa, po Umupeli wabo ate ni chililizi nabo, Umupeli wabo atakubapelela ichisa.

Yesaya 5:12

Palusekelo lwabo bakulizya ivinanda na mapango, ivisekeseke na malongi sona bakung'wela uvinyo, loli batakuzibelengela imbombo izya Mwene, batakuzichindika imbombo izya nyobe zyache.

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Yelemiya 5:6

Polelo inkalamu iya mumusitu yikwiza pakubaghogha, sona abakambwe aba munkolongo bakwiza pakubanangannya. Uzyela akwiza pakubavwamilila papipi nutwaya twabo utukulu. Akwiza pakubazepulannya mutupusa umuntu wesi yuyo akufumila kuzi, pakuti ukusambuka kwabo kukulu nkani, sona bate basubiliwa.

Habakuku 1:4

Polelo indaghilo zite na maka sona ubwanaloli butakubombiwa nalumo. Abantu ababibi bakuboghofya abagholosu, umwakuti bakunyongannya ubwanaloli.

Zekaliya 5:9

Po nkatalankannya, nkabennya abakolo babili pamaso papane, muvipapande vyabo bakaba ni mpepo, bakaba nivipapande ngati vya inyangenyange. Bakazompola ichidudunga chila nukubulukila pakasi pachisu ichakumwanya ni chisu ichapasi.