Yelemiya 8:6 - IBAYIBOLO 2024

⁶ Nabateghelezya nkani ku zizyo bakunena loli batakunenapo nazimozimo ingolosu. Atakabapo nayumoyumo uwakuzileka imbibi zyache, nukunena ukuti, “Nkimba nananga choni?” Loli umuntu wesi akubuka ku zila izyache ni zyache, ngati yo falasi yiyo nyengo nkani pakulwa ubwite.

Yelemiya 8:6 Iomraidhean Croise

Yobu 10:2

Nkwiza pakumubuzya u Chala ukuti, Utakanenaye ukuti nananga, loli umbuzye inongwa yiyo napalaghula pamaso papako.

Yobu 34:31

Nanti umuntu akunena kwa Chala ukuti, naleka, ntakwiza pakunanga sona.

Yobu 34:32

Umanyisye zizyo intangazyennya, nanti imbombitepo chimo ichibibi, ntakwiza pakwandizya sona.

Masalimo 14:2

Bo ali kumwanya u Mwene akubennya abantu pachisu ichapasi, umwakuti ennye nanti balipo bamo abantu abamahala, babo bakumulondelezya u Chala.

Yesaya 30:18

Pachifukwa chinichi u Mwene akubalindilila ukuti abapelelaye ichisa, akunyamuka nukubalanjizya ichililizi pakuti u Mwene we Chala uwanaloli. Basayiwa bosi babo bakumulindilila!

Yesaya 57:17

Nkakalala pachifukwa icha mbibi iya chinyonywa, Nkamufunda, nukufisa icheni chane mubukalale, loli bakendelelagha pakubomba imbibi zyabo.

Yesaya 59:16

Akennya ukuti patakabapo nayumoyumo, sona akaswigha ukuti patakabapo uwakubavwa abakuyiviwa, ni nyobe iyache ni yache akabapoka, sona ubugholosu ubwache nu bwache bukumusungilila.

Yelemiya 23:25

“Nivuye zizyo abalaghuzi bakunena, sona bakulaghulila mwitabwa lyane, zizyo zyabumyasi bakukolomoka bakuti, ‘Nalota! Nalota!’

Yelemiya 3:5

Nkimba ukwiza pa kukalala akabalilo kosi? Nkimba ubukali bwako bukwiza pakwendelela mupaka bwila na bwila?’ Umu momumo ukunenela, loli pope bulo ukubomba ububibi bubo awe umenye pakububomba.”

Yelemiya 5:1

U Mwene akuti, “Chimbilila uku na uku mumisebo iya mu Yelusalemu, mwiyenezye mwebene, mwennye uku na uku pakasi pamunalo. Nanti mungamwaghako yumo u muntu yuyo akubomba ubugholosu nu bwanaloli umwakuti imuhobokele u Yelusalemu.

Ezekiyeli 18:28

Pachifukwa ichakuti akwinong'onela ukunanga kosi kuko abomba nukukuleka, naloli akwiza pakuba mumi, atakwiza pakufwa.

Ezekiyeli 22:30

“Po nkamulonda umuntu pakasi papabo yuyo angazenga sona ulubumba nukwimilila pamaso papane papo pakamongoka, umwakuti ngali intakachinangannya ichisu, loli intakamwaghapo nayumoyumo.

Daniyeli 9:11

Aba Izilayeli bananga Indaghilo zyako, bazipa inkonto sona bakana pakukwivwila. “Polelo inguno ni chilapo ni Ndaghilo visimbiwe mu Lulaghilo ulwa Mozesi umubombi uwa Chala vyapunguliliwa papitu, pachifukwa ichakuti twakunangila.

Mika 7:2

Abantu abakumwiputa u Chala bamalamo muchisu ichapasi, mutasyalamo nayumoyumo umuntu umusubiliwa. Abantu bosi bakuvwamilila pakukupula ibanda, umuntu wesi akumuvwima umukamu wache, ngati chinyamana chicho bakuchichimbizizya ku chilepa.

Zefaniya 3:7

Nkakabuzya akaya akakulu nkani nkati, ‘Naloliloli ukwiza pakunnyila nukwitika ukuchemela kwane!’ Po akaya kache katangananganika, pamo ukuti ulufundo lwane lukawile. Loli pope bulo bakaba bengo nkani pakubomba ivyamabeko vyabo vyosi.

Hagayi 1:5

Ilelo u Mwene Uwamaka Ghosi akuti, “Muchebaye nkani ni zila zyinyu.

Hagayi 1:7

Po u Mwene Uwamaka Ghosi akuti, “Muchebaye nkani ni zila zyinyu.

Malaki 3:16

Po abantu babo bakumunyila u Mwene bakanenezannya, u Mwene akabateghelezya nukubivwa. Ibuku ilya chikumbusyo likasimbiwa Pantazi papache ukuyana na babo bakamunyila nukumuchindika.

2 Pitala 3:9

U Mwene atakuzyelazyela pakukwanilisya zizyo akalayizya, ukuyana namumo abantu bamo bakwinong'onela. Mubuzilo bwache, we mufisalyoyo namwe pakuti atakulonda ukuti nayumo umuntu azimile, loli ukuti umuntu wesi apinduke nukuzileka imbibi zyache.

Ubuvumbuli 9:20

Abantu bosi abanji babo batakaghoghiwa ni viwaya vilavila, pope bulo batakapinduka nukuvileka vivyo bakabombagha ni nyobe zyabo. Batakaleka pakwiputa imizimu imibibi ni vifwani ivya golide nivya siliva nivya mabwe nivya ikwi vivyo vitangennya pamo ukwivwa pamo ukwenda, awe.